ಮತ್ತಷ್ಟು ಕಡಿಮೆಯಾಗಲಿದೆ ಜಿಡಿಪಿ ದರ: ಮೋದಿ ಸರ್ಕಾರಕ್ಕಿದೆ ಸವಾಲು!

ನವದೆಹಲಿ, ಜನವರಿ 06: ಒಟ್ಟು ದೇಶೀಯ ಉತ್ಪನ್ನ(ಜಿಡಿಪಿ) ಬೆಳವಣಿಗೆ 2017-18 ನೇ ಹಣಕಾಸು ವರ್ಷದಲ್ಲಿ 6.5 ಕ್ಕೆ ಇಳಿಕೆಯಾಗುವ ನಿರೀಕ್ಷೆಯಿದೆ ಎಂದು ಸೆಂಟ್ರಲ್ ಸ್ಟೆಟಿಸ್ಟಿಕ್ಸ್ ಆಫೀಸ್ ತಿಳಿಸಿದೆ.

ಅಪನಗದೀಕರಣ ಮತ್ತು ಜಿಎಸ್ಟಿ(ಸರಕು ಮತ್ತು ಸೇವಾ ತೆರಿಗೆ) ಜಾರಿ, ಜಿಡಿಪಿ ದರದ ಮೇಲೆ ಪ್ರತಿಕೂಲ ಪರಿಣಾಮ ಬೀರಿದ್ದು ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಜಿಡಿಪಿ ಇಳಿಕೆಯಾಗಲಿದೆ. ಕಳೆದ ವರ್ಷ ಮಾರ್ಚ್ ಸಮಯದಲ್ಲಿ ಜಿಡಿಪಿ ದರ 7.1 % ಇತ್ತು. ಆದರೆ ಈ ಬಾರಿ 6.5ಕ್ಕೆ ಇಳಿಯಲಿದ್ದು, ಕಳೆದ ನಾಲ್ಕು ವರ್ಷಗಳಲ್ಲೇ ಇದು ಅತ್ಯಂತ ಕನಿಷ್ಠ ಮಟ್ಟ ತಲುಪಿದಂತಾಗುತ್ತದೆ ಎಂದು ಆರ್ಥಿಕ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಅಷ್ಟೇ ಅಲ್ಲ ಭಾರತದ ತಲಾದಾಯ(ಜಿಡಿಐ) ಕೂಡ ಈ ಹಣಕಾಸು ವರ್ಷದಲ್ಲಿ(2017-18) 8.3 ಕ್ಕೆ ಇಳಿಕೆಯಾಗಬಹುದೆಂದು ಅಂದಾಜಿಸಲಾಗಿದೆ.

ಫೆಬ್ರವರಿ 1 ರಂದು ಕೇಂದ್ರ ಬಜೆಟ್ ಮಡಿಸಲಿರುವ ವಿತ್ತ ಸಚಿವ ಅರುಣ್ ಜೇಟ್ಲಿ ಅವರಿಗೆ ಇದೊಂದು ಸವಾಲಿನ ಸನ್ನಿವೇಶವಾಗಲಿದೆ. ಅದರಲ್ಲೂ 2019 ರಲ್ಲಿ ಲೋಕಸಭಾ ಚುನಾವಣೆಯೂ ಇರುವುದರಿಂದ ಜಿಡಿಪಿ ದರದಲ್ಲಿ ಇಳಿಕೆಯಾಗುವುದು ಪ್ರಧಾನಿ ನರೇಂದ್ರ ಮೋದಿ ಸರ್ಕಾರದ ಮೇಲೂ ಪರಿಣಾಮ ಬೀರಿದರೆ ಅಚ್ಚರಿಯಿಲ್ಲ.

English summary

GDP in India is seen growing 6.5% in Financial Year 2018, down from 7.1% last year, according to the first advance estimates released by the statistics office on Jan 6th.