ಲಾಕ್ಡೌನ್ ಎಫೆಕ್ಟ್: ಈ ವರ್ಷ ವಾಹನ ಮಾರಾಟ 25 ಪರ್ಸೆಂಟ್ ಕುಸಿತ ಸಾಧ್ಯತೆ
ಕೊರೊನಾವೈರಸ್ ಲಾಕ್ಡೌನ್ ಪರಿಣಾಮವು ದೇಶದ ಬಹುತೇಕ ಉದ್ಯಮದ ಮೇಲೆ ಪರಿಣಾಮ ಬೀರಿದ್ದು, ಆಟೋ ಮೊಬೈಲ್ ಕ್ಷೇತ್ರವು ಇದರಿಂದ ಹೊರತಾಗಿಲ್ಲ. ಕಳೆದ ವರ್ಷ ಭಾರೀ ಕುಸಿತ ಕಂಡಿದ್ದ ವಾಹನ ಮಾರಾಟವು ಈ ವರ್ಷ 25 ಪರ್ಸೆಂಟ್ ಕುಸಿತ ಸಾಧ್ಯತೆ ಇದೆ ಎಂದು ನಿರೀಕ್ಷಿಸಲಾಗಿದೆ.
Recommended Video
ಇಂಡಿಯಾ ರೇಟಿಂಗ್ಸ್(ಇಂಡ್-ರಾ) ನಡೆಸಿದ ಸಮೀಕ್ಷೆಯ ಪ್ರಕಾರ, 2019-20ಕ್ಕೆ ಹೋಲಿಸಿದರೆ ಪ್ರಸಕ್ತ ಹಣಕಾಸು ವರ್ಷದಲ್ಲಿಯೂ ವಾಹನ ಮಾರಾಟ 25 ಪರ್ಸೆಂಟ್ ಇಳಿಕೆ ಕಾಣಲಿದೆ ಎಂದು ಅಂದಾಜಿಸಿದೆ.
ಆದಾಗ್ಯೂ, ಕೃಷಿ ಕ್ಷೇತ್ರದ ಮೇಲೆ ಹೆಚ್ಚಿನ ಪರಿಣಾಮ ಬೀರದೆ ಇರುವುದರಿಂದ ಟ್ರ್ಯಾಕ್ಟರ್ ಹೊರತುಪಡಿಸಿ ಉಳಿದೆಲ್ಲಾ ವಾಹನಗಳ ಮಾರಾಟದಲ್ಲಿ ಇಳಿಕೆ ಆಗಲಿದೆ. ಈ ಮೂಲಕ ವಾಹನ ಮಾರಾಟವೂ ಎರಡು ದಶಕದಲ್ಲಿಯೇ ಕನಿಷ್ಟ ಮಟ್ಟಕ್ಕೆ ಇಳಿಯಲಿದೆ.
ಇನ್ನು ಸ್ವಲ್ಪ ಸಮಾಧಾನಕರ ವಿಚಾರ ಎಂದರೆ ದ್ವಿಚಕ್ರ ವಾಹನ ಮತ್ತು ಕಾರುಗಳ ಮಾರಾಟ ತ್ವರಿತವಾಗಿ ಚೇತರಿಕೆ ಕಾಣುವ ನಿರೀಕ್ಷೆ ಇದೆ. ಆದರೆ ಮಧ್ಯಮ ಮತ್ತು ಭಾರೀ ಗಾತ್ರದ ವಾಹನಗಳ ಮಾರಾಟ ಕುಸಿಯಲಿದೆ.
2020-21ರಲ್ಲಿ ವಾಹನ ಮಾರಾಟ ಇಳಿಕೆ ನಿರೀಕ್ಷೆ:
ದ್ವಿಚಕ್ರ ವಾಹನ : 20-22 ಪರ್ಸೆಂಟ್
ಪ್ರಯಾಣಿಕ ವಾಹನ : 22-26 ಪರ್ಸೆಂಟ್
ಲಘು ವಾಣಿಜ್ಯ ವಾಹನ: 26-30 ಪರ್ಸೆಂಟ್
ಭಾರೀ ಗಾತ್ರದ ವಾಹನ : 35-45 ಪರ್ಸೆಂಟ್
Click it and Unblock the Notifications
Sign in with Google