'Please Save The Date': ಅನಂತ್ ಅಂಬಾನಿ-ರಾಧಿಕಾ ಮದುವೆಗೆ ದಿನಾಂಕ ಫಿಕ್ಸ್: ಎಲ್ಲಿ? ಹೇಗೆ ನಡೆಯುತ್ತದೆ?

ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಅಧ್ಯಕ್ಷ ಮುಖೇಶ್ ಅಂಬಾನಿ ಅವರ ಕಿರಿಯ ಪುತ್ರ ಅನಂತ್ ಅಂಬಾನಿ ಮತ್ತು ಕೈಗಾರಿಕೋದ್ಯಮಿ ವೀರೇನ್ ಮರ್ಚೆಂಟ್ ಅವರ ಪುತ್ರಿ ರಾಧಿಕಾ ಮರ್ಚೆಂಟ್ ಅವರ ಮದುವೆಗೆ ದಿನಾಂಕ ಫಿಕ್ಸ್ ಆಗಿದೆ. ಮದುವೆ ದಿನಾಂಕವನ್ನು ಎಕ್ಸ್ ಮೂಲಕ ಹಂಚಿಕೊಳ್ಳಳಾಗಿದೆ.

ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರು ಜುಲೈ 12 ರಂದು ವಿವಾಹವಾಗಲಿದ್ದಾರೆ. ಮುಂಬೈನ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂಟರ್‌ನಲ್ಲಿ ಯುವ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಡಲಿದೆ.

ಈಗಾಗಲೇ ಅತಿಥಿಗಳು ಮೂರು ದಿನಗಳ ಆಚರಣೆಯ ಕುರಿತು ಕೆಲವು ಮಾಹಿತಿಯನ್ನು ಒಳಗೊಂಡಿರುವ ಸಾಂಪ್ರದಾಯಿಕ ವಿವಾಹ ಪತ್ರಿಕೆಯನ್ನು ಸ್ವೀಕರಿಸುತ್ತಿದ್ದಾರೆ. ಮದುವೆ ಆಹ್ವಾನ ಪತ್ರಿಕೆ ಕೆಂಪು ಮತ್ತು ಗೋಲ್ಡನ್ ಬಣ್ಣದಲ್ಲಿದೆ.

Anant Ambani and Radhika’s Wedding to be held in Mumbai on 12th July at the Jio World Convention Centre in BKC. Wedding to be performed in accordance with the traditional Hindu Vedic way.

The main wedding ceremonies will start on Friday, 12th July with the auspicious Shubh… pic.twitter.com/YKnaAIAs7o

— ANI (@ANI) May 30, 2024

ಮಾಧ್ಯಮ ವರದಿಗಳ ಪ್ರಕಾರ, ಅನಂತ್ ಅಂಬಾನಿ ಮತ್ತು ರಾಧಿಕಾ ಅವರ ಮದುವೆ ಜುಲೈ 12 ರಂದು ಮುಂಬೈನ ಬಿಕೆಸಿಯಲ್ಲಿರುವ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂಟರ್‌ನಲ್ಲಿ ನಡೆಯಲಿದೆ. ಸಾಂಪ್ರದಾಯಿಕ ಹಿಂದೂ ವೈದಿಕ ವಿಧಿ ವಿಧಾನಗಳಲ್ಲಿ ಮದುವೆ ನಡೆಯಲಿದೆ.

ಜುಲೈ 12 ರ ಶುಕ್ರವಾರದ ಶುಭ ಸಮಾರಂಭದೊಂದಿಗೆ ವಿವಾಹ ಸಮಾರಂಭಗಳು ಪ್ರಾರಂಭವಾಗುತ್ತವೆ. ಜುಲೈ 13ರ ಶನಿವಾರ ಆಶೀರ್ವಾದಗಳ ದಿನವಾಗಿರುತ್ತದೆ. ಜುಲೈ 14 ರ ಭಾನುವಾರದಂದು ಮದುವೆಯ ಆರತಕ್ಷತೆ ಇರುತ್ತದೆ.

ಅನಂತ್ ಅಂಬಾನಿ ಮತ್ತು ರಾಧಿಕಾ ಮದುವೆ ಕಾರ್ಡ್

ಅನಂತ್ ಅಂಬಾನಿ ಮತ್ತು ರಾಧಿಕಾ ಅವರ ಮದುವೆ ಕಾರ್ಡ್ ಸಾಕಷ್ಟು ಆಕರ್ಷಕ ಮತ್ತು ಸಾಂಪ್ರದಾಯಿಕವಾಗಿದೆ. ಕೆಂಪು ಬಣ್ಣದ ಕಾರ್ಡ್ ಅನ್ನು ಚಿನ್ನದ ಬಣ್ಣದ ಬಾರ್ಡರ್‌ನಿಂದ ಅಲಂಕರಿಸಲಾಗಿದೆ. ಗಡಿಯಲ್ಲಿ ದೇವರು ಮತ್ತು ದೇವತೆಗಳ ಚಿತ್ರಗಳನ್ನು ಕಾಣಬಹುದು.

ಮದುವೆಯ ಡ್ರೆಸ್ ಕೋಡ್

ಮದುವೆ ಕಾರ್ಯಕ್ರಮಗಳಿಗೆ ಅಂಬಾನಿ ಕುಟುಂಬ ವಿಭಿನ್ನ ಡ್ರೆಸ್ ಕೋಡ್ ಇಟ್ಟುಕೊಂಡಿದೆ. ವೈರಲ್ ವೆಡ್ಡಿಂಗ್ ಕಾರ್ಡ್ ಪ್ರಕಾರ, ಜುಲೈ 12 ರಂದು ಭಾರತೀಯ ಸಂಪ್ರದಾಯದ ಡ್ರೆಸ್ ಕೋಟ್ ಇರಿಸಲಾಗಿದೆ.

ಜೊತೆಗೆ ಜುಲೈ 13 ರಂದು ಭಾರತೀಯ ಔಪಚಾರಿಕ ಮತ್ತು ಜುಲೈ 14 ರಂದು ಭಾರತೀಯ ಚಿಕ್ ಡ್ರೆಸ್ ಕೋಡ್ ಅನ್ನು ಇರಿಸಲಾಗಿದೆ.

ಪ್ರಸ್ತುತ ಅಂಬಾನಿ ಕುಟುಂಬ ಅನಂತ್ ಮತ್ತು ರಾಧಿಕಾ ಅವರ ಎರಡನೇ ಪೂರ್ವ ವಿವಾಹ ಕಾರ್ಯಕ್ರಮವನ್ನು ಆಚರಿಸುತ್ತಿದೆ. ಈ ಗ್ರ್ಯಾಂಡ್ ಪಾರ್ಟಿಯಲ್ಲಿ ಬಾಲಿವುಡ್‌ನ ಅನೇಕ ಖ್ಯಾತ ಜನರು ಮತ್ತು ಪ್ರಸಿದ್ಧ ವ್ಯಕ್ತಿಗಳು ಭಾಗವಹಿಸುತ್ತಿದ್ದಾರೆ.

ಇದು ಮೇ 30 ರಂದು ಅಂದರೆ ಇಂದು ಟೋಗಾ ಪಾರ್ಟಿ ನಡೆಯಲಿದೆ. ಇದಲ್ಲದೇ ಅಂಬಾನಿ ಕುಟುಂಬವು ಮೇ 31 ರಂದು ತಮ್ಮ ಮೊಮ್ಮಗಳು ವೇದಾ ಅವರ ಜನ್ಮದಿನದ ಅದ್ದೂರಿ ಪಾರ್ಟಿಯನ್ನು ಕ್ರೂಸ್‌ನಲ್ಲಿ ಆಯೋಜಿಸಲಿದೆ. ಪಾರ್ಟಿಯ ಡ್ರೆಸ್ ಕೋಡ್ ಅನ್ನು ವಿಭಿನ್ನವಾಗಿ ಇರಿಸಲಾಗಿದೆ.

English summary

Anant Ambani and Radhika Wedding on July 12: Where? When and how will the wedding ceremony take place?