7 ವಿಮಾನ ಲೀಸ್ ಪಡೆದ ಏರ್ ಇಂಡಿಯಾ ಎಕ್ಸ್ ಪ್ರೆಸ್
ಬೆಂಗಳೂರು, ಫೆ. 15: ಏರ್ ಇಂಡಿಯಾದ ಶಾಖಾ ಸಂಸ್ಥೆ ಏರ್ ಇಂಡಿಯಾ ಎಕ್ಸ್ ಪ್ರೆಸ್ 2016-17 ನೇ ಸಾಲಿಗೆ 8 ಹೊಸ ವಿಮಾನಗಳನ್ನು ಲೀಸ್ ಗೆ ತೆಗೆದುಕೊಳ್ಳಲಿದ್ದು ತನ್ನ ಬಲವನ್ನು 25 ಕ್ಕೆ ಏರಿಸಿಕೊಳ್ಳಲಿದೆ.
ಕೆಲ ಹೊಸ ಮಾರ್ಗಗಳಲ್ಲೂ ಹಾರಾಟ ಆರಂಭವಾಗಲಿದೆ. ಈಗಾಗಲೇ 3 ಲೀಸ್ ಗಳಿಗೆ ಸಹಿ ಹಾಕಿದ್ದು ಇನ್ನು 5 ಲೀಸ್ ಗಳ ಕುರಿತ ಮಾತುಕತೆ ಪ್ರಗತಿಯಲ್ಲಿದೆ ಎಂದು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಕೆ. ಶ್ಯಾಮ್ ಸುಂದರ್ ತಿಳಿಸಿದ್ದಾರೆ.[ಮಂಗಳೂರಿನಿಂದ ಅಬುಧಾಬಿ, ಮಸ್ಕತ್ ಗೆ ನೇರ ವಿಮಾನ]
ಮುಂದಿನ ಐದು ವರ್ಷಗಳಲ್ಲಿ ಸರ್ಕಾರ ಅನುಮತಿ ನೀಡಿರುವಂತೆ ಇನ್ನು 11 ವಿಮಾನಗಳನ್ನು ಲೀಸ್ ಗೆ ತೆಗೆದುಕೊಂಡು ಒಟ್ಟು ವಿಮಾನಗಳ ಸಂಖ್ಯೆಯನ್ನು 36 ರ್ಖಖೇ ಹೆಚ್ಚಿಸಿಕೊಳ್ಳುತ್ತೇವೆ ಎಂದು ತಿಳಿಸಿದ್ದಾರೆ.
ಎಕಾನಮಿ ಕ್ಲಾಸ್ನ 189 ಸೀಟ್ ಗಳುಳ್ಳ ಬಿ-737 800 ಎನ್ ಜಿ ಮಾದರಿಯ ವಿಮಾನಗಳನ್ನು ಏರ್ ಇಂಡಿಯಾ ಎಕ್ಸ್ಪ್ರೆಸ್ ಪರಿಚಯಿಸಲಿದೆ. ಲಕ್ನೋ-ಮಸ್ಕತ್, ಅಮೃತಸರ-ಮಸ್ಕತ್ ಮಾರ್ಗಗಳನ್ನು ಹೊಸದಾಗಿ ಆರಂಭಿಸಲು ಚಿಂತನೆ ನಡೆಸಲಾಗಿದೆ ಎಂದು ಶ್ಯಾಮ್ ಸುಂದರ್ ತಿಳಿಸಿದ್ದಾರೆ.