Zero Shadow Day in Bengaluru:ಇಂದು ಬೆಂಗಳೂರಲ್ಲಿ ನಿಮ್ಮ ನೆರಳೇ ನಿಮಗೆ ಕಾಣಿಸಲ್ಲ- ಏನಿದು ಶೂನ್ಯ ನೆರಳಿನ ದಿನ?ಸಮಯ ತಿಳಿಯಿರಿ
ಬೆಂಗಳೂರು, ಆಗಸ್ಟ್ 18: ಆಗಸ್ಟ್ 18 ರಂದು ಶೂನ್ಯ ನೆರಳಿನ ದಿನಕ್ಕೆ ( Zero Shadow Day ) ಬೆಂಗಳೂರು ಸಾಕ್ಷಿಯಾಗಲಿದೆ. ಈ ವಿಶಿಷ್ಟವಾದ ಘಟನೆಯನ್ನು ಕಣ್ತುಂಬಿಕೊಳ್ಳಲು ಬೆಂಗಳೂರಿಗರು ಸಜ್ಜಾಗಿದ್ದಾರೆ. ಈ ಹಿಂದೆ ಏಪ್ರಿಲ್ 25 ರಂದು ಈ ಅಸಾಮಾನ್ಯ ವಿದ್ಯಮಾನವು ನಡೆದಿತ್ತು. ಸಾಮಾನ್ಯವಾಗಿ ಕರ್ಕಾಟಕ ಸಂಕ್ರಾಂತಿ ಮತ್ತು ಮಕರ ಸಂಕ್ರಾಂತಿಯ ನಡುವಿನ ಸಮಯದಲ್ಲಿ ಸಂಭವಿಸುತ್ತದೆ.
ಶೂನ್ಯ ನೆರಳಿನ ದಿನ ಎಂದರೇನು?
ಝೀರೋ ಶ್ಯಾಡೋ ಡೇ ಎಂಬುದು ಆಕಾಶದಲ್ಲಿ ಸಂಭವಿಸುವ ಘಟನೆಯಾಗಿದೆ. ಇದು ವರ್ಷಕ್ಕೆ ಎರಡು ಬಾರಿ +23.5 ರಿಂದ -23.5 ಡಿಗ್ರಿ ಅಕ್ಷಾಂಶದವರೆಗಿನ ಪ್ರದೇಶಗಳಲ್ಲಿ ಸಂಭವಿಸುತ್ತದೆ. ಈ ಘಟನೆಯ ಸಮಯದಲ್ಲಿ, ಸೂರ್ಯನು ಆಕಾಶದಲ್ಲಿ ತನ್ನ ಉತ್ತುಂಗವನ್ನು ತಲುಪುತ್ತಾನೆ. ಇದರಿಂದಾಗಿ ವಸ್ತುಗಳು ಮತ್ತು ವ್ಯಕ್ತಿಗಳ ನೆರಳು ನಮಗೆ ಕಾಣಸಿಗುವುದಿಲ್ಲ.
ಬ್ರಿಟಾನಿಕಾದ ಪ್ರಕಾರ, ಇದು ಆಕಾಶದ ಸಮಭಾಜಕದಲ್ಲಿರುವ ಉತ್ತರ ಹಾಗೂ ದಕ್ಷಿಣ ಆಕಾಶಕಾಯದ ಅಂತರವನ್ನು ಸೂಚಿಸುತ್ತದೆ. ಮತ್ತೊಂದೆಡೆ, ನ್ಯಾಷನಲ್ ಜಿಯಾಗ್ರಫಿಕ್ ಪ್ರಕಾರ, ಅಕ್ಷಾಂಶವು ಸಮಭಾಜಕದ ಉತ್ತರ ಹಾಗೂ ದಕ್ಷಿಣದ ನಡುವಿನ ದೂರದ ಅಳತೆಯಾಗಿದೆ. ಪೂರ್ವ-ಪಶ್ಚಿಮ ದಿಕ್ಕಿನಲ್ಲಿ ಸಮಭಾಜಕಕ್ಕೆ ಸಮಾನಾಂತರವಾಗಿ ಭೂಮಿಯನ್ನು ಸುತ್ತುವರೆಯುವ ಕಾಲ್ಪನಿಕ ರೇಖೆಗಳಿಂದ ಇದನ್ನು ನಿರ್ಧರಿಸಲಾಗುತ್ತದೆ.
Ever felt like your shadow's playing hide and seek with you? Mark your calendars, because on August 18th, Bengaluru's shadows are taking the day off! Huh!? 🤨
— Tech Demystified ♨ ✍ (@bigfundu) August 17, 2023
It's called Zero Shadow Day, and no, it's not a new superhero movie. It's a celestial event where the sun is directly… pic.twitter.com/wUB7iO3dql
ಶೂನ್ಯ ನೆರಳಿನ ದಿನದಂದು ಏನಾಗುತ್ತದೆ?
ಶೂನ್ಯ ನೆರಳಿನ ದಿನದ ಸಮಯದಲ್ಲಿ, ಸೂರ್ಯ ನೇರವಾಗಿ ನಮ್ಮ ತಲೆಯ ಮೇಲೆ ಬರುತ್ತಾನೆ. ಇದರ ಪರಿಣಾಮವಾಗಿ ಭೂಮಿಯ ಮೇಲ್ಮೈಯಲ್ಲಿ ನೆರಳುಗಳು ಇರುವುದಿಲ್ಲ. ಸೂರ್ಯನು ಆಕಾಶದಲ್ಲಿ ತನ್ನ ಉತ್ತುಂಗವನ್ನು ತಲುಪುವುದರಿಂದ ಭೂಮಿಯ ಮೇಲೆ ನೆರಳು ಕಾಣಿಸುವುದಿಲ್ಲ. ಇದು ನೆರಳುಗಳ ಉದ್ದದಲ್ಲಿ ಗಮನಾರ್ಹವಾದ ಕಡಿತಕ್ಕೆ ಕಾರಣವಾಗುತ್ತದೆ. ನೆರಳುಗಳನ್ನು ಪ್ರಾಯೋಗಿಕವಾಗಿ ಅಗೋಚರವಾಗಿ ಮಾಡುತ್ತದೆ.
ಈ ದಿನ ಏನನ್ನು ನಿರೀಕ್ಷಿಸಬಹುದು?
ಆಸ್ಟ್ರೋನಾಮಿಕಲ್ ಸೊಸೈಟಿ ಆಫ್ ಇಂಡಿಯಾ ಪ್ರಕಾರ, ಸೂರ್ಯನು ಉತ್ತುಂಗ ಸ್ಥಾನವನ್ನು ಆಕ್ರಮಿಸಿಕೊಂಡಾಗ, ಅದು ಯಾವುದೇ ವಸ್ತುವಿನ ಮೇಲೆ ನೆರಳನ್ನು ಬೀರುವುದಿಲ್ಲ. +23.5 ಮತ್ತು -23.5 ಡಿಗ್ರಿ ಅಕ್ಷಾಂಶದ ನಡುವೆ ವಾಸಿಸುವ ಪ್ರದೇಶಗಳಲ್ಲಿ ನೆರಳು ಕಾಣಿಸಿಕೊಳ್ಳುವುದಿಲ್ಲ. ಈ ನಿರ್ದಿಷ್ಟ ದಿನಗಳಲ್ಲಿ, ನಿಖರವಾಗಿ ಮಧ್ಯಾಹ್ನ ಸೂರ್ಯನು ನೇರವಾಗಿ ತಲೆಯ ಮೇಲೆ ಕಾಣಿಸಿಕೊಳ್ಳುತ್ತಾನೆ. ನೆಲದ ಮೇಲೆ ನೆಲೆಗೊಂಡಿರುವ ವಸ್ತುಗಳ ನೆರಳು ಈ ಸಮಯದಲ್ಲಿ ಕಾಣಿಸುವುದಿಲ್ಲ.
Zero Shadow Day, a celestial event where vertical objects don't cast shadows, occurred in Bengaluru, #India on April 25, 2023. It occurs between the Tropics of Cancer and Capricorn. The next Zero Shadow Day is August 18. #ZeroShadowDay pic.twitter.com/f7C8O00MUg
— COSMIC DREAMER 🌌 (@MrCosmicDreamer) August 14, 2023
ಇಂದು (ಆಗಸ್ಟ್ 18) ಮಧ್ಯಾಹ್ನ 12:24 ಕ್ಕೆ ಬೆಂಗಳೂರಿನಲ್ಲಿ ಶೂನ್ಯ ನೆರಳು ( Zero Shadow ) ಸಂಭವಿಸಲಿದೆ.
ಹೈದರಾಬಾದ್ನಲ್ಲಿ ಆಗಸ್ಟ್ 3 ರಂದು ಮಧ್ಯಾಹ್ನ 12:23 ಕ್ಕೆ ಝೀರೋ ಶ್ಯಾಡೋ ಡೇ ಕಾಣಿಸಿಕೊಂಡಿತು. ಈ ಸಮಯದಲ್ಲಿ ಸೂರ್ಯನು ನೇರವಾಗಿ ತಲೆಯ ಮೇಲೆ ಬಿದ್ದಿದ್ದರಿಂದ ಲಂಬ ವಸ್ತುಗಳ ನೆರಳುಗಳು ತಾತ್ಕಾಲಿಕವಾಗಿ ಕಣ್ಮರೆಯಾಗಿದ್ದವು.
Click it and Unblock the Notifications
Sign in with Google