ಮೆಜೆಸ್ಟಿಕ್ನಿಂದ ಹೊರಡಲಿದೆ ಯಶವಂತಪುರ-ಕಾರವಾರ ರೈಲು
ಬೆಂಗಳೂರು, ಸೆಪ್ಟೆಂಬರ್ 18: ನೈಋತ್ಯ ರೈಲ್ವೆ ಯಶವಂತಪುರ- ಕಾರವಾರ-ಯಶವಂತಪುರ ವಿಶೇಷ ರೈಲಿನ ವೇಳಾಪಟ್ಟಿಯನ್ನು ಬದಲಾವಣೆ ಮಾಡಿದೆ. ಸೆ. 19ರಿಂದ ನೂತನ ವೇಳಾಪಟ್ಟಿ ಜಾರಿಗೆ ಬರಲಿದೆ.
ರೈಲು ನಂಬರ್ 06585/06586 ಯಶವಂತಪುರ-ಕಾರವಾರ-ಯಶವಂತಪುರ ವಿಶೇಷ ರೈಲು ಇನ್ನು ಮುಂದೆ ಯಶವಂತಪುರದ ಬದಲು ಕೆಎಸ್ಆರ್ ಬೆಂಗಳೂರು ನಿಲ್ದಾಣದಿಂದ ಹೊರಡಲಿದೆ ಎಂದು ನೈಋತ್ಯ ರೈಲ್ವೆ ಹೇಳಿದೆ.
ರೈಲು ನಂಬರ್ 06585 ಕೆಎಸ್ಆರ್ ಬೆಂಗಳೂರು ನಿಲ್ದಾಣದಿಂದ 6.20ಕ್ಕೆ ಹೊರಡಲಿದೆ. ಇನ್ನು ಮುಂದೆ ರೈಲು ಕೆಎಸ್ಆರ್ ಬೆಂಗಳೂರು-ಕಾರವಾರ ಎಕ್ಸ್ಪ್ರೆಸ್ ವಿಶೇಷ ರೈಲು ಎಂಬ ಹೆಸರಿನಲ್ಲಿ ಸಂಚಾರ ನಡೆಸಲಿದೆ. ಸೆ. 19ರಿಂದಲೇ ಈ ಬದಲಾವಣೆಯಾಗಲಿದೆ.
ಕೆಎಸ್ಆರ್ ಬೆಂಗಳೂರು ನಿಲ್ದಾಣದಿಂದ ಹೊರಡುವ ರೈಲು ಯಶವಂತಪುರ, ಚಿಕ್ಕಬಣಾವರ, ಚನ್ನರಾಯಪಟ್ಟಣ, ಹಾಸನ, ಸಕಲೇಶಪುರ, ಸುಬ್ರಮಣ್ಯ ರೋಡ್, ಕಾಣಿಯೂರು, ಬಂಟ್ವಾಳ ಮೂಲಕ ಕಾರವಾರಕ್ಕೆ ಸಂಚಾರ ನಡೆಸಲಿದೆ.
ರೈಲು ನಂಬರ್ 0686 ಸಂಜೆ 6 ಗಂಟೆಗೆ ಕಾರವಾರದಿಂದ ಹೊರಡಲಿದೆ. ಕೆಎಸ್ಆರ್ ಬೆಂಗಳೂರು ರೈಲು ನಿಲ್ದಾಣವನ್ನು 8 ಗಂಟೆಗೆ ತಲುಪಲಿದೆ. ಇಷ್ಟು ದಿನ ಯಶವಂತಪುರದ ತನಕ ಮಾತ್ರ ರೈಲು ಸಂಚಾರ ನಡೆಸುತ್ತಿತ್ತು.
Click it and Unblock the Notifications
Sign in with Google