ಬೆಂಗಳೂರಿನಲ್ಲಿ ಖಾಲಿ ಬಿದ್ದ ಲಕ್ಷಗಟ್ಟಲೇ ಬಾಡಿಗೆ ಮನೆಗಳು: ಕಾರಣ, ಅಂಕಿಅಂಶ, ಮಾಹಿತಿ ತಿಳಿಯಿರಿ
ವರ್ಕ್ ಫ್ರಂ ಹೋಮ್, ಹೈಬ್ರಿಡ್ ವರ್ಕ್ ಮಾಡೆಲ್ಗಳಿಂದ ಬೆಂಗಳೂರಿನಲ್ಲಿ ಮನೆ ಬಾಡಿಗೆಗಳ ಮೇಲೆ ಪ್ರಮುಖ ಪರಿಣಾಮ ಬೀರಿದೆ. ಈ ವರದಿ ಓದಿ
ಬೆಂಗಳೂರು, ಮಾರ್ಚ್ 06: ವರ್ಕ್ ಫ್ರಂ ಹೋಮ್, ಹೈಬ್ರಿಡ್ ವರ್ಕ್ ಮಾಡೆಲ್ಗಳಿಮದ ಬೆಂಗಳೂರಿನಲ್ಲಿ ಮನೆ ಬಾಡಿಗೆಗಳ ಮೇಲೆ ಪ್ರಮುಖ ಪರಿಣಾಮ ಬೀರಿದೆ. ಸಾಂಕ್ರಾಮಿಕ ಸಮಯದಲ್ಲಿ ನಗರದಿಂದ ತಮ್ಮ ಸ್ವಂತ ಸ್ಥಳಾಂತರಗೊಂಡ ಲಕ್ಷಗಟ್ಟಲೆ ಐಟಿ ವೃತ್ತಿಪರರು ಮತ್ತು ಅವರ ಕುಟುಂಬಗಳು ಈಗ ಹಿಂತಿರುಗಿ ಬಾಡಿಗೆಗೆ ಕೈಗೆಟುಕುವ ಮನೆಗಳನ್ನು ಹುಡುಕುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ದುಬಾರಿ ಬಾಡಿಗೆ ಮನೆಗಳು ಖಾಲಿ ಬಿದ್ದಿವೆ ಎಂದು ವರದಿಯಾಗಿದೆ.
ಬಾಡಿಗೆ ಹೆಚ್ಚಿಸಿದ ಮಾಲೀಕರು
ಸಾಂಕ್ರಾಮಿಕ ಸಮಯದಲ್ಲಿ ಅವರು ಕಳೆದುಕೊಂಡಿದ್ದನ್ನು ಮರಳಿ ಪಡೆಯಲು ಮಾಲೀಕರು ಮುಂದಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ ತಮ್ಮ ಮನೆಗಳ ಬಾಡಿಗೆಯನ್ನು ವಿಪರೀತವಾಗಿ ಹೆಚ್ಚಿಸಿದ್ದಾರೆ. ಬೆಂಗಳೂರಿನಾದ್ಯಂತ ಸ್ವತಂತ್ರ ಕಟ್ಟಡಗಳು ಬಾಡಿಗೆ ವಸತಿಗಾಗಿ ಅಗಾಧ ಬೇಡಿಕೆಯನ್ನು ಹೊಂದಿವೆ. ವಿಶೇಷವಾಗಿ ಐಟಿ ಹಬ್ಗಳು ಮತ್ತು ಟೆಕ್ ಪಾರ್ಕ್ಗಳಿಂದ 3-5 ಕಿಲೋಮೀಟರ್ ವ್ಯಾಪ್ತಿಯಲ್ಲಿರುವ ಮನೆ ಸಂಕೀರ್ಣಗಳಿಗೆ ವ್ಯಾಪಕ ಬೇಡಿಕೆ ಇದೆ. ಕಳೆದ ತ್ರೈಮಾಸಿಕದಲ್ಲಿ ಅಂತಹ ಪ್ರದೇಶಗಳಲ್ಲಿ ಬಾಡಿಗೆಗಳು ಶೇ 40 ರಷ್ಟು ಹೆಚ್ಚಾಗಿದೆ.
ಬೆಂಗಳೂರಿನಲ್ಲಿ ಎರಡರಿಂದ ಮೂರು ಲಕ್ಷ ಖಾಲಿ ಫ್ಲಾಟ್ಗಳು
ಈ ವಿಚಾರವಾಗಿ ಹಲವು ನಿವಾಸಿಗಳ ಸಂದರ್ಶನವನ್ನು 'ಸಿಟಿಜನ್ ಮ್ಯಾಟರ್ಸ್' ವೆಬ್ಸೈಟ್ ಮಾಡಿದೆ. ಕೇರಳದ ತ್ರಿಶೂರ್ ಮೂಲದ ಫಿಸಿಯೋಥೆರಪಿಸ್ಟ್ ಆಗಿ ಕಾರ್ಯನಿರ್ವಹಿಸುತ್ತಿರುವ ಶ್ರುತಿ ರಾಜಗೋಪಾಲನ್ ಅವರು ತಮ್ಮ ಪತಿ ಮತ್ತು 4 ವರ್ಷದ ಮಗನೊಂದಿಗೆ ಮಾರತಹಳ್ಳಿಯ 2BHK ನಲ್ಲಿ ಬಾಡಿಗೆಗೆ ವಾಸವಾಗಿದ್ದರು. ಮಾಸಿಕ ಬಾಡಿಗೆಯನ್ನು 15,000 ರೂ.ನಿಂದ 22,000 ರೂ.ಗೆ ಮನೆ ಮಾಲೀಕರು ಇದ್ದಕ್ಕಿದ್ದಂತೆ ಹೆಚ್ಚಿಸಿದ್ದರಿಂದ ಅವರು ಚಿಕ್ಕ ಮನೆಗೆ ತೆರಳಬೇಕಾಯಿತು.
ಎರಡರಿಂದ ಮೂರು ಲಕ್ಷ ಖಾಲಿ ಮನೆಗಳು
REA ವರದಿಯ ಪ್ರಕಾರ, ದೇಶದ ಪ್ರಮುಖ ರಿಯಲ್ ಎಸ್ಟೇಟ್ ಸಂಶೋಧನೆ ಮತ್ತು ಸಲಹಾ ಕಂಪನಿ, ಬೆಂಗಳೂರಿನಲ್ಲಿ ಮಾರಾಟವಾಗದ 77,260 ವಸತಿ ಸಮುಚ್ಚಯಗಳಿವೆ ಎಂದು ಹೇಳಿದೆ. ರಾಜ್ಯ ಸರ್ಕಾರವು ಮಾದರಿ ಹಿಡುವಳಿ ಕಾಯ್ದೆಯನ್ನು ಜಾರಿಗೆ ತರುತ್ತಿರುವಂತೆ ಬೆಂಗಳೂರಿನಲ್ಲಿ ಎರಡರಿಂದ ಮೂರು ಲಕ್ಷ ಖಾಲಿ ಇರುವ ಮನೆಗಳು ವ್ಯಾಜ್ಯಗಳ ಕಾರಣದಿಂದ ಬಾಡಿಗೆಗೆ ನೀಡಲಾಗಿಲ್ಲ. ಇದು ನಗರದ ವ್ಯಾಪ್ತಿಯಲ್ಲಿ ವಸತಿ ಪೂರೈಕೆಯನ್ನು ಗಣನೀಯವಾಗಿ ಕಡಿಮೆ ಮಾಡಿದೆ.
ಆದಾಗ್ಯೂ, ವಸತಿ ಬೇಡಿಕೆಗಳ ಮೇಲೆ ಕೆಲಸದ ಸ್ಥಳದ ಸಾಮೀಪ್ಯ, ಪ್ರಯಾಣದ ಸಮಯ, ಸೌಕರ್ಯಗಳಿಂದ ಹೆಚ್ಚು ಪರಿಣಾಮ ಬೀರುತ್ತವೆ. ಹೀಗಾಗಿ, ಗೇಟೆಡ್ ಸೊಸೈಟಿಗಳು ಒದಗಿಸುವ ಅನುಕೂಲಗಳಿಂದಾಗಿ ಯಾವಾಗಲೂ ಹೆಚ್ಚಿನ ಬೇಡಿಕೆಯಲ್ಲಿವೆ.
ವಲಸೆ ಕಾರ್ಮಿಕರ ಮೇಲೆ ಪರಿಣಾಮ
ಬೆಂಗಳೂರು 42 ಲಕ್ಷಕ್ಕೂ ಹೆಚ್ಚು ವಲಸೆ ಕಾರ್ಮಿಕರಿಗೆ ನೆಲೆಯಾಗಿದೆ. ಅದರಲ್ಲಿ ಸುಮಾರು ಶೇ 50 ರಷ್ಟು ಜನರು ಐಟಿಯೇತರ ವಲಯದಲ್ಲಿ ಕೆಲಸ ಮಾಡುತ್ತಾರೆ. ವಿಶೇಷವಾಗಿ ಗೃಹ ಸಹಾಯಕರು, ಚಾಲಕರು, ಭದ್ರತಾ ಸಿಬ್ಬಂದಿ, ಆರ್ಥಿಕ ಬೆಂಬಲ ಕೆಲಸಗಾರರು (ಬಡಗಿಗಳು, ಎಲೆಕ್ಟ್ರಿಷಿಯನ್ ಮತ್ತು ಬ್ಯೂಟಿಷಿಯನ್) ಇತ್ಯಾದಿ ಅವರ ಸರಾಸರಿ ಮಾಸಿಕ ಆದಾಯ 10,000 ರೂ.ಗಿಂತ ಕಡಿಮೆಯಾಗಿದೆ.
ಕಾರ್ಮಿಕರಿಗೂ ಬಾಡಿಗೆ ಹೆಚ್ಚಳದ ಬಿಸಿ
ಅವರಲ್ಲಿ ಹೆಚ್ಚಿನವರು ತಮ್ಮ ಕೆಲಸದ ಸ್ಥಳಗಳಿಗೆ ಸಮೀಪದಲ್ಲಿರುವ ಚಿಕ್ಕಪುಟ್ಟ ಮನೆಗಳಲ್ಲಿ ವಾಸಿಸುತ್ತಾರೆ. ಇದರಿಂದಾಗಿ ಅವರು ಪ್ರಯಾಣಕ್ಕಾಗಿ ಸಂಪನ್ಮೂಲಗಳನ್ನು ವ್ಯಯಿಸಬೇಕಾಗಿಲ್ಲ. ಆದರೆ ಅವರೂ ಇತ್ತೀಚಿನ ತಿಂಗಳುಗಳಲ್ಲಿ ಶೇ 10 ರಿಂದ ಶೇ 15 ರಷ್ಟು ಬಾಡಿಗೆ ಹೆಚ್ಚಳವನ್ನು ಎದುರಿಸಬೇಕಾಯಿತು.
ಪಿಜಿ ಬಾಡಿಗೆಯಲ್ಲಿ ಹೆಚ್ಚಳ
ಕಾಲೇಜುಗಳು ಮತ್ತು ತರಬೇತಿ ಸಂಸ್ಥೆಗಳು ಕೋವಿಡ್ ಪೂರ್ವ ಸಮಯದಂತೆ ಕಾರ್ಯನಿರ್ವಹಿಸಲು ಪ್ರಾರಂಭಿಸಿದ ಕಾರಣ, ಪೇಯಿಂಗ್ ಗೆಸ್ಟ್ (ಪಿಜಿ) ವಸತಿ ಸೌಕರ್ಯಗಳ ವೆಚ್ಚವು ಹೆಚ್ಚಾಗಿದೆ. ಇಲ್ಲಿ ಹೆಚ್ಚಾಗಿ ವಿದ್ಯಾರ್ಥಿಗಳು ವಾಸಿಸುತ್ತಾರೆ. ಪಿಜಿಗಳಲ್ಲಿ ಬೇಡಿಕೆ ಮತ್ತು ಬಾಡಿಗೆಗಳಲ್ಲಿ ಗಮನಾರ್ಹ ಏರಿಕೆ ಕಂಡಿದೆ. 2019 ರಲ್ಲಿ 6,000 ರೂಪಾಯಿಗಳಿದ್ದ ಪಿಜಿ ಬಾಡಿಗೆ ಈಗ 8,000 ರೂಪಾಯಿಗಳಷ್ಟಾಗಿದೆ.
Click it and Unblock the Notifications
Sign in with Google