ಸದ್ಯಕ್ಕೆ ಕನಸಾಗಿ ಉಳಿದ ಉಪನಗರ ರೈಲು: 2025ಕ್ಕೆ ಓಡಾಟ ಆರಂಭ
ಬೆಂಗಳೂರು, ಡಿಸೆಂಬರ್ 10: ಸದ್ಯಕ್ಕೆ ಉಪನಗರ ರೈಲು ಯೋಜನೆ ಕನಸಾಗಿಯೇ ಉಳಿಯಲಿದೆ.ನಗರದ ಹೊರ ಭಾಗಗಳಿಂದ ಕೇಂದ್ರ ಭಾಗಗಳಿಗೆ ಬರುವವರಿಗೆ ಅನುಕೂಲ ಕಲ್ಪಿಸುವ ನಿಟ್ಟಿನಲ್ಲಿ ಉಪನಗರ ಯೋಜನೆ ಆರಂಭಿಸಲಾಗಿತ್ತು. 2025ರ ವೇಳೆಗೆ ರೈಲು ಸಂಚಾರ ಆರಂಭಗೊಳ್ಳಲಿದೆ.
ಸರ್ಕಾರಿ ಸ್ವಾಮ್ಯದ ಸಲಹಾ ಸಂಸ್ಥೆ ರೈಟ್ಸ್ ಉಪನಗರ ರೈಲು ಯೋಜನೆಯ ವಿಸ್ತೃತ ಯೋಜನಾ ವರದಿಯನ್ನು ನೈಋತ್ಯ ರೈಲ್ವೆ ಇಲಾಖೆ ಈಗಾಗಲೇ ಸಲ್ಲಿಕೆ ಮಾಡಿದೆ.
ಉಪನಗರ ರೈಲು 161 ಕಿಮೀ ದೂರ 60 ಕಿಮೀ ಎತ್ತರಿಸಿದ ಮಾರ್ಗ ಹಾಗೂ 101 ಕಿ,ಮೀ ನೆಲಮಟ್ಟದ ಮಾರ್ಗದಲ್ಲಿ ಚಲಿಸುತ್ತದೆ. ಅಂದಾಜು 19,500 ಕೋಟಿ ವೆಚ್ಚದಲ್ಲಿ ಯೋಜನೆ ರೂಪಿಸಲಾಗಿದೆ.
ಈ ಯೋಜನೆಯಲ್ಲಿ ಎತ್ತರಿಸಿದ ಮಾರ್ಗವೂ ಇರುವುದರಿಂದ ಮೆಟ್ರೋದಂತೆಯೇ ಇದು ಕೂಡ ಬೃಹತ್ ಯೋಜನೆಯಾಗಲಿದೆ. ಯೋಜನೆಯಡಿ 81 ನಿಲ್ದಾಣಗಳು ನಿರ್ಮಾಣಗೊಳ್ಳಲಿವೆ. ಈ ಪೈಕಿ 30 ಎತತ್ರಿಸಿದ ಹಾಗೂ 51 ನೆಲಮಟ್ಟದ ನಿಲ್ದಾಣಗಳಾಗಿವೆ. 2025ರ ಅವಧಿಗೆ 9.85 ಲಕ್ಷ ಪ್ರಯಾಣಿಕರನ್ನು ನಿರೀಕ್ಷಿಸಲಾಗಿದೆ.
ಏರ್ಪೋರ್ಟ್ಗೆ ಪ್ರತ್ಯೇಕ ಮಾರ್ಗ: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಮೆಟ್ರೋ ಮಾರ್ಗ ನಿರ್ಮಾಣವಾಗಲಿದೆ. ಇದರ ಜೊತೆಗೆ ಉಪನಗರ ರೈಲು ಮಾರ್ಗವೂ ಸಿಗಲಿದೆ. ಕೆಂಗೇರಿ, ಬೈಯಪ್ಪನಹಳ್ಳಿ, ಯಶವಂತಪುರ, ನೆಲಮಂಗಲ ನಿಲ್ದಾಣದಿಂದ ಪ್ರತ್ಯೇಕ ಮಾರ್ಗವನ್ನು ನಿರ್ಮಿಸಲಾಗುತ್ತದೆ.
Click it and Unblock the Notifications
Sign in with Google