ಐಟಿ ಕಂಪೆನಿ ಮಹಿಳಾ ಶೌಚಾಲಯದಲ್ಲಿ ಮೊಬೈಲ್ ಫೋನ್ ಇಟ್ಟಿದ್ದವನು ಅರೆಸ್ಟ್
ಬೆಂಗಳೂರು, ಜೂನ್ 5: ಎಚ್ ಎಎಲ್ ನಲ್ಲಿರುವ ಐಟಿ ಕಂಪೆನಿಯಲ್ಲಿ ಮಂಗಳೂರು ಮೂಲದ, ಇಪ್ಪತ್ನಾಲ್ಕು ವರ್ಷದ ಪರಮೇಶ್ವರ ಎಂಬುವನನ್ನು ಪೊಲೀಸರು ಬಂಧಿಸಿದ್ದಾರೆ. ಇವನು ಎಂಥ ಘನಂದಾರಿ ಕೆಲಸ ಮಾಡಿದ್ದಾನೆ ಅಂದರೆ, ಹೆಣ್ಣುಮಕ್ಕಳ ಶೌಚಾಲಯದಲ್ಲಿ ಮೊಬೈಲ್ ಫೋನ್ ಅನ್ನು ಇಟ್ಟು ಚಿತ್ರೀಕರಿಸಿಕೊಳ್ಳುತ್ತಿದ್ದನಂತೆ.
ಆ ಐಟಿ ಕಂಪೆನಿಯಲ್ಲಿ ಈ ಪರಮೇಶ್ವರ ಫುಡ್ ಕೋರ್ಟ್ ನಲ್ಲಿ ಕೆಲಸ ಮಾಡುತ್ತಿದ್ದ. ಶೌಚಾಲಯದಲ್ಲಿ ಮೊಬೈಲ್ ಫೋನ್ ಇರುವುದು ಮಹಿಳಾ ಟೆಕಿಯೊಬ್ಬರ ಗಮನಕ್ಕೆ ಬಂದಿದೆ. ಆ ತಕ್ಷಣವೇ ಆಕೆ ಕಂಪೆನಿಯ ಹಿರಿಯ ಅಧಿಕಾರಿಗಳಿಗೆ ಈ ವಿಚಾರವನ್ನು ತಿಳಿಸಿದ್ದಾರೆ. ಆ ನಂತರ ಪೊಲೀಸರಿಗೆ ದೂರು ನೀಡಲಾಗಿದೆ.[ಬೆಂಗಳೂರಿನಲ್ಲಿ ಐದು ವರ್ಷದ ಬಾಲಕಿ ಮೇಲೆ ಸಾಮೂಹಿಕ ಅತ್ಯಾಚಾರ]
ಈ ಪ್ರಕರಣದ ಬೆನ್ನಟ್ಟಿ ವಿಚಾರಣೆಗೆ ಇಳಿದ ಪೊಲೀಸರು ಪರಮೇಶ್ವರನನ್ನು ವಶಕ್ಕೆ ಪಡೆದಿದ್ದಾರೆ. ಆ ವೇಳೆಯೇ ಆತನ ಮೊಬೈಲ್ ಫೋನ್ ನಲ್ಲಿ ಕೆಲವು ವಿಡಿಯೋಗಳು ಸಿಕ್ಕಿವೆ. ತನಿಖೆಯನ್ನು ಮುಂದುವರಿಸಿದ್ದು, ಆತ ವಾಸವಿದ್ದ ಕೋಣೆಯಲ್ಲೂ ಪರಿಶೀಲನೆಯು ಮುಂದುವರಿದಿದೆ. ಈ ಸಂಬಂಧ ದೂರು ದಾಖಲಿಸಿಕೊಳ್ಳಲಾಗಿದೆ.[ಹುಬ್ಬಳ್ಳಿ: ಅಪ್ರಾಪ್ತೆ ಮೇಲೆ ಸಾಮೂಹಿಕ ಅತ್ಯಾಚಾರ, ನಾಲ್ವರ ಬಂಧನ]
ಇಂಥ ಕಾಮುಕರಿಗೆ ಸರಿಯಾದ ಶಿಕ್ಷೆಯಾಗಬೇಕು. ಇಂಥದ್ದೇ ಪ್ರಕರಣವೊಂದು ಮಂಗಳೂರು ವಿಶ್ವವಿದ್ಯಾಲಯದಲ್ಲಿ ನಡೆದಿತ್ತು. ಅಲ್ಲಿನ ವಿದ್ಯಾರ್ಥಿಯೊಬ್ಬ ಹೆಣ್ಣುಮಕ್ಕಳ ಶೌಚಾಲಯದಲ್ಲಿ ಮೊಬೈಲ್ ಫೋನ್ ಇಟ್ಟು, ವಿಡಿಯೋ ಚಿತ್ರೀಕರಣ ನಡೆಸಿದ್ದ. ಆ ನಂತರ ಸಿಕ್ಕಿಬಿದ್ದಿದ್ದ.
Click it and Unblock the Notifications
Sign in with Google