ಬೆಂಗಳೂರು ವಿಮಾನ ನಿಲ್ದಾಣದಿಂದ ಎಲೆಕ್ಟ್ರಾನಿಕ್ ಸಿಟಿಗೆ ಕ್ಯಾಬ್ ಬೆಲೆ ಕೇಳಿ ವ್ಯಕ್ತಿ ಶಾಕ್
ಬೆಂಗಳೂರು ಟ್ರಾಫಿಕ್ ಜಾಮ್ಗಳಿಗೆ ಹೆಸರುವಾಸಿಯಾಗಿದೆ. ಟ್ರಾಫಿಕ್ ಸಮಸ್ಯೆ ಮತ್ತು ಸಾರ್ವಜನಿಕ ಸಾರಿಗೆಯ ಕಡಿಮೆ ಲಭ್ಯತೆಯ ಬಗ್ಗೆ ಜನರು ಸಾಮಾಜಿಕ ಜಾಲತಾಣದಲ್ಲಿ ಹಲವು ಸಂಗತಿಗಳನ್ನು ಹಂಚಿಕೊಳ್ಳುತ್ತಲೇ ಇರುತ್ತಾರೆ. ಹೀಗಾಗಿ ಅನೇಕ ಜನರು ಖಾಸಗಿ ಕ್ಯಾಬ್ಗಳ ಮೊರೆಹೋಗುತ್ತಾರೆ.
ದೂರದ ಪ್ರಯಾಣ ಹಾಗೂ ಬಸ್ ಲಭ್ಯವಿಲ್ಲದ ಸ್ಥಳದಿಂದ ಪ್ರಯಾಣಿಸಲು ಓಲಾ ಮತ್ತು ಉಬರ್ನಂತಹ ಕ್ಯಾಬ್ ಗಳನ್ನು ಅವಲಂಬಿಸಿದ್ದಾರೆ. ಇತ್ತೀಚೆಗೆ ವಿಮಾನ ನಿಲ್ದಾಣದಿಂದ ಎಲೆಕ್ಟ್ರಾನಿಕ್ ಸಿಟಿಗೆ ಪ್ರಯಾಣಿಸಲು ಬಯಸಿದ ಪ್ರಯಾಣಿಕರು ಉಬರ್ ಕ್ಯಾಬ್ನ ಬೆಲೆಗಳನ್ನು ಗಮನಿಸಿ ಆಘಾತಕ್ಕೊಳಗಾಗಿದ್ದಾರೆ.
ಹೌದು... ಮಳೆ, ಗಾಳಿ, ಟ್ರಾಫಿಕ್, ಸಾರಿಗೆ ಬಸ್ಗಳ ಲಭ್ಯತೆಯ ಕೊರತೆ ಹೀಗೆ ನಾನಾ ಕಾರಣಗಳಿಗೆ ಖಾಸಗಿ ಕ್ಯಾಬ್ಗಳ ಮೊರೆ ಹೋಗುವ ಪ್ರಯಾಣಿಕರಿಗೆ ಪ್ರಯಾಣ ದರ ನುಂಗಲಾರದ ತುತ್ತಾಗಿದೆ. ಖಾಸಗಿ ಕ್ಯಾಬ್ ಪ್ರಯಾಣಿಕರೊಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಇಂತಹ ಅನುಭವವನ್ನು ಹಂಚಿಕೊಂಡಿದ್ದಾರೆ.
Uber fare to Bangalore Airport from E-City
— Badass Dad 🚬 🍺 (@Badass_Superdad) May 23, 2023
Cost of cab fare is dangerously close to what I paid for the flight ticket 😭 pic.twitter.com/FUw9jygeMh
ಆ ವ್ಯಕ್ತಿ "ಎಲೆಕ್ಟ್ರಾನಿಕ್ ಸಿಟಿಯಿಂದ ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಉಬರ್ ಕ್ಯಾಬ್ ದರ ವಿಮಾನ ಟಿಕೆಟ್ಗೆ ಪಾವತಿಸಿದ್ದಕ್ಕೆ ಹತ್ತಿರದಲ್ಲಿದೆ" ಎಂದು ಬರೆದಿದ್ದಾರೆ. ಅವರು ಉಬರ್ ಬೆಲೆಗಳ ಸ್ಕ್ರೀನ್ಶಾಟ್ ಅನ್ನು ಹಂಚಿಕೊಂಡಿದ್ದಾರೆ. 52-ಕಿಮೀ ದೂರಕ್ಕೆ ಉಬರ್ ಪ್ರೀಮಿಯಂ ಬೆಲೆ 2,584 ರೂ ಆಗಿದ್ದರೆ, ಉಬರ್ ಎಕ್ಸ್ಎಲ್ನ ಬೆಲೆ 4,051 ಆಗಿತ್ತು.
ಈ ಬೆಲೆಗಳು ಅಂತರ್ಜಾಲದಲ್ಲಿ ಅನೇಕರನ್ನು ಬೆಚ್ಚಿಬೀಳಿಸಿದೆ. ಈಗ ವೈರಲ್ ಆಗಿರುವ ಪೋಸ್ಟ್ 80,000 ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಮತ್ತು 740 ಲೈಕ್ಗಳನ್ನು ಸಂಗ್ರಹಿಸಿದೆ. ಜೊತೆಗೆ ಇದಕ್ಕೆ ಸಾಕಷ್ಟು ಪ್ರತಿಕ್ರಿಯೆಗಳು ಬಂದಿವೆ.
"ಪೀಕ್ ಅವರ್ಸ್ ಆಗಿರಬೇಕು" ಎಂದು ಬಳಕೆದಾರರು ಹೇಳಿದ್ದಾರೆ. ಆದಾಗ್ಯೂ, ಇದು ಪೀಕ್ ಅವರ್ ಬೆಲೆ ಅಲ್ಲ, ಆದರೆ ಬೆಳಿಗ್ಗೆ ಆರು ಗಂಟೆಗೆ ಎಂದು ಬಳಕೆದಾರರು ಹೇಳಿದ್ದಾರೆ.
"ಇದು ಹುಚ್ಚುತನ! ಎಸಿ ಬಸ್ಗಳು ಸಹ ಓಡಾಡುತ್ತವೆ. ಅದು ಸಾಕಷ್ಟು ಆರಾಮದಾಯಕವಾಗಬಹುದು ಎಂದು ನಾನು ಭಾವಿಸುತ್ತೇನೆ, ನಾನು ಈ ಹಿಂದೆ ಮೈಸೂರಿಗೆ ಕ್ಯಾಬ್ ತೆಗೆದುಕೊಂಡಿದ್ದೇನೆ. ಆದರೆ ಅದರ ಬೆಲೆ ಇಷ್ಟಾಗಿರಲಿಲ್ಲ" ಎಂದು ಮತ್ತೊಬ್ಬರು ಪ್ರತಿಕ್ರಿಯಿಸಿದ್ದಾರೆ.
"ಒಂದು ದಿನ ಬೆಳಿಗ್ಗೆ10.30 ಗಂಟೆಗೆ ಎಲೆಕ್ಟ್ರಾನಿಕ್ ಸಿಟಿಯಿಂದ ಬೆಂಗಳೂರುವರೆಗೆ ಹೋಗಲು 850 ಆಗಿತ್ತು. ಹೀಗಾಗಿ ನಾನು ಕರೆದುಕೊಂಡು ಹೋಗಲು ನನ್ನ ಚಾಲಕನಿಗೆ ಕರೆ ಮಾಡಿದೆ" ಎಂದು ಬಳಕೆದಾರರು ಹಂಚಿಕೊಂಡಿದ್ದಾರೆ.
ಮತ್ತೊಬ್ಬ ವ್ಯಕ್ತಿ, "ಕೇವಲ ದರವಲ್ಲ ದೇಶೀಯ ವಿಮಾನಯಾನದಲ್ಲಿ ಪ್ರಯಾಣದ ಸಮಯಕ್ಕಿಂತ ಕ್ಯಾಬ್ ಪ್ರಯಾಣದ ಸಮಯ ಹೆಚ್ಚಾಗಿರುತ್ತದೆ"
"ಮೊದಲು ಅವರು ನಮ್ಮನ್ನು ಅದಕ್ಕೆ ವ್ಯಸನಿಯಾಗಿಸಿದರು ಮತ್ತು ಈಗ ಅವರು ನಮ್ಮನ್ನು ಲೂಟಿ ಮಾಡಲು ಪ್ರಾರಂಭಿಸಿದ್ದಾರೆ" ಎಂದು ಬಳಕೆದಾರರು ಬರೆದಿದ್ದಾರೆ. "ಪೀಕ್ ಬೆಂಗಳೂರು" ಎಂದು ಮತ್ತೊಬ್ಬರು ಹೇಳಿದರು.
Click it and Unblock the Notifications
Sign in with Google