ಬೆಂಗಳೂರಿನಲ್ಲಿ ಉತ್ತರ ಭಾರತ ಯುವತಿಯರನ್ನು ಹೊಡೆದಿದ್ದವರ ಬಂಧನ
ಪಾರ್ಕಿಂಗ್ ವಿಚಾರಕ್ಕೆ ಸಂಬಂಧಿಸಿದ ಜಗಳದ ವೇಳೆ ನಡೆದಿದ್ದ ಹಲ್ಲೆ. ಘಟನೆ ನಡೆದಿದ್ದು ಕಳೆದ ತಿಂಗಳಾದರೂ, ಸಿಸಿಟಿವಿ ವೀಡಿಯೊ ಈಗ ವೈರಲ್
ಬೆಂಗಳೂರು, ಜನವರಿ 21: ಪಾರ್ಕಿಂಗ್ ವಿಚಾರಕ್ಕೆ ನಡೆದ ಜಗಳದ ವೇಳೆ ಇಬ್ಬರು ಈಶಾನ್ಯ ರಾಜ್ಯದ ಯುವತಿಯನ್ನು ಮನಬಂದಂತೆ ಥಳಿಸಿದ್ದ ಆರೋಪದಡಿ ಬಾಣಸವಾಡಿಯ ಜಮೀನು ಮಾಲೀಕ ಹಾಗೂ ಅವರ ಕುಟುಂಬಸ್ಥರನ್ನು ಪೊಲೀಸರು ಬಂಧಿಸಿದ್ದಾರೆ.
ಅಂದಹಾಗೆ, ಈ ಘಟನೆ ಕಳೆದ ತಿಂಗಳು ಬಾಣಸವಾಡಿಯ ಅಕ್ಕಮ್ಮ ಲೇಔಟ್ ನ ಸಂಪಣ್ಣ ರಸ್ತೆಯಲ್ಲಿ ನಡೆದಿತ್ತು. ಬೈಕ್ ಪಾರ್ಕಿಂಗ್ ವಿಚಾರಕ್ಕೆ ಸಂಬಂಧಪಟ್ಟಂತೆ ಯುವತಿಯರಿದ್ದ ಮನೆಯ ಮಾಲೀಕರು ಹಾಗೂ ಅವರ ನಡುವೆ ಮಾತಿನ ಚಕಮಕಿ ನಡೆದು ದೊಡ್ಡ ಜಗಳವಾಗಿತ್ತು. ಆ ಸಂದರ್ಭದಲ್ಲಿ 80 ವರ್ಷದ ಆ ಮಾಲೀಕ, ಅವರ 56 ವರ್ಷ ವಯಸ್ಸಿನ ಪುತ್ರ ಸೇರಿದಂತೆ ಕುಟುಂಬದ ಇನ್ನಿತರರು ಸೇರಿ ಹಲ್ಲೆ ನಡೆಸಿದ್ದರು.[ರಾಯಚೂರಿನಲ್ಲಿ ಬ್ಯಾಂಕ್ ದರೋಡೆಗೆ ವಿಫಲ ಯತ್ನ]
ಹಲ್ಲೆ ನಡೆದ ಸಿಸಿಟಿವಿಯ ದೃಶ್ಯಾವಳಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಮೂರು ದಿನಗಳ ಹಿಂದೆ ವೈರಲ್ ಆಗಿದ್ದವು. ಈ ಹಿನ್ನೆಲೆಯಲ್ಲಿ ಕ್ರಮ ಕೈಗೊಂಡ ಪೊಲೀಕರು, ಸಿಸಿಟಿವಿ ದೃಶ್ಯಗಳನ್ನಾಧರಿಸಿ ಆರೋಪಿಗಳನ್ನು ಬಂಧಿಸಿದ್ದಾರೆ.
Click it and Unblock the Notifications
Sign in with Google