B Khata: ಬಿ - ಖಾತಾದಿಂದ ಎ - ಖಾತಾ ಯಾವ ಖಾತಾ ಪರಿವರ್ತನೆಗೆ ಎಷ್ಟು ಶುಲ್ಕ ?

B Khata to A Khata: ಕರ್ನಾಟಕ ಸರ್ಕಾರವು ರಾಜ್ಯದಲ್ಲಿ ಬಿ ಖಾತಾ ಆಸ್ತಿದಾರರಿಗೆ ಗುಡ್‌ನ್ಯೂಸ್ ಕೊಟ್ಟಿದೆ. ಕಳೆದ ಆರು ತಿಂಗಳ ಹಿಂದೆ ಒಂದು ಬಾರಿ ಬಿ ಖಾತಾ ಮಾಡಿಸಿಕೊಳ್ಳುವುದಕ್ಕೆ ಅವಕಾಶ ನೀಡಲಾಗಿತ್ತು. ಇದರಲ್ಲಿ ಅನಧಿಕೃತ ಹಾಗೂ ರೆವಿನ್ಯೂ ಸೈಟ್‌ಗಳಿಗೆ ಒಂದು ಬಾರಿ ಬಿ- ಖಾತಾ ನೀಡುವ ಯೋಜನೆಯನ್ನು ಎರಡು ಬಾರಿ ವಿಸ್ತರಿಸಲಾಗಿತ್ತು. ಇದೀಗ ಬಿ - ಖಾತಾದಿಂದ ಎ - ಖಾತಾಗೆ ಪರಿವರ್ತನೆ ಮಾಡುವುದಕ್ಕೆ ಅವಕಾಶ ಮಾಡಿಕೊಡಲಾಗಿದ್ದು. ವಿವಿಧ ಆಸ್ತಿಗಳಿಗೆ ನಿರ್ದಿಷ್ಟ ಮೊತ್ತ ನಿಗದಿ ಮಾಡಲಾಗಿದೆ ಎಂದು ಹೇಳಲಾಗಿದೆ.

ಕರ್ನಾಟಕದಲ್ಲಿ ಬಿ - ಖಾತಾ ಆಸ್ತಿದಾರರು ಆಸ್ತಿ ಇದ್ದರೂ ಅದಕ್ಕೆ ನಿಖರವಾದ ಮಾರುಕಟ್ಟೆ ಮೌಲ್ಯ ಸಿಗದೆ ಪರದಾಡುವಂತಾಗಿತ್ತು. ಅಲ್ಲದೇ ಬಿ ಖಾತಾ ಆಸ್ತಿದಾರರು ಆಸ್ತಿ ಜಾಗದಲ್ಲಿ ಕಟ್ಟಡಗಳ ನಿರ್ಮಾಣ ಹಾಗೂ ಮಾರಾಟದಂತಹ ಕೆಲಸಗಳಿಗೂ ಭಾರೀ ತೊಡಕಾಗಿತ್ತು.

ಇದೀಗ ಬಿ ಖಾತಾ ಆಸ್ತಿದಾರರಿಗೆ ಕರ್ನಾಟಕ ಸರ್ಕಾರವು ಗುಡ್‌ನ್ಯೂಸ್ ಕೊಟ್ಟಿದೆ. ಆದರೆ, ಇದರೊಂದಿಗೆ ಬಿ - ಖಾತಾದಿಂದ ಎ -ಖಾತಾ ಪರಿವರ್ತನೆ ಮಾಡುವುದಕ್ಕೆ ದುಬಾರಿ ದಂಡವನ್ನೂ ವಿಧಿಸಲಾಗಿದೆ ಎನ್ನುವ ಆರೋಪವೂ ಕೇಳಿ ಬಂದಿದೆ. ಹಾಗಾದರೆ ಬಿ - ಖಾತಾದಿಂದ ಎ - ಖಾತಾ ಪರಿವರ್ತನೆ ಮಾಡಿಕೊಳ್ಳುವುದಕ್ಕೆ ಯಾವುದಕ್ಕೆ ಎಷ್ಟು ನಿಗದಿ ಮಾಡಲಾಗಿದೆ ಎನ್ನುವ ವಿವರ ಇಲ್ಲಿದೆ.

ಸಬ್-ರಿಜಿಸ್ಟಾ‌ ಮಾರ್ಗಸೂಚಿ ದರ (ಪ್ರತಿ ಚದರ ಅಡಿಗೆ) | ನಿವೇಶನದ ಅಳತೆ | ನಿವೇಶನದ ಬೆಲೆ | ಬಿ ಖಾತಾ ಇಂದ ಎ ಖಾತಾ ಪರಿವರ್ತನೆ ಶುಲ್ಕ (ಮಾರ್ಗಸೂಚಿ ಬೆಲೆಯ 5%)

5,000 30x40 = 1200 60 ಲಕ್ಷ 3 ಲಕ್ಷ

10,000 30x40 = 1200 1.2 ಕೋಟಿ 6 ಲಕ್ಷ

15,000 30x40 = 1200 1.8 ಕೋಟಿ 9 ಲಕ್ಷ

20,000 30x40 = 1200 2.4 ಕೋಟಿ 2 ಲಕ್ಷ

ಇನ್ನು ಈ ದರ ಕೇವಲ 2000 ಚ.ಮೀ. ಗಳ ವರೆಗೆ ಮಾತ್ರ ಅನ್ವಯವಾಗಲಿದೆ . ಈ ದರ 100 ದಿನಗಳಿಗೆ ಮಾತ್ರ ಅನ್ವಯ. ಮುಂದೆ ಪರಿಷ್ಕರಣೆ ಮಾಡಲಾಗುವುದು. ಆರಂಭಿಕ ಪರಿಶೀಲನಾ ಶುಲ್ಕ 500 ರೂ. ಪ್ರತ್ಯೇಕ ಇರಲಿದೆ ಎಂದು ಹೇಳಲಾಗಿದೆ. ಬಿ ಖಾತಾ ಆಸ್ತಿ ಇದ್ದರೂ ಇಲ್ಲದಂತಾಗಿದ್ದ ಆಸ್ತಿದಾರರು ಇದೀಗ ಅನಿವಾರ್ಯವಾಗಿ ಇಷ್ಟು ಹಣವನ್ನು ಪಾವತಿ ಮಾಡಿಕೊಂಡು ಆಸ್ತಿ & ನಿವೇಶನಗಳನ್ನು ಬಿ ಖಾತಾದಿಂದ ಎ ಖಾತಾಗೆ ಪರಿವರ್ತನೆ ಮಾಡಿಕೊಳ್ಳುತ್ತಿದ್ದಾರೆ. ಇನ್ನು ಬಿ - ಖಾತಾದಿಂದ ಎ- ಖಾತಾ ಪರಿವರ್ತನೆ ಮಾಡಿಕೊಳ್ಳುವುದಕ್ಕೆ ಯಾವುದೇ ಗಡುವು ನಿಗದಿ ಮಾಡಿಲ್ಲ.

ಆದರೆ, ಈ ದುಬಾರಿ ಶುಲ್ಕವು ಆಸ್ತಿದಾರರಲ್ಲಿ ಸಂಕಷ್ಟವನ್ನುಂಟು ಮಾಡಿದೆ. ಈ ಮಾದರಿಯ ದರಪಟ್ಟಿಯನ್ನು ವಿರೋಧ ಪಕ್ಷಗಳು ಹಂಚಿಕೊಂಡಿವೆ. ಆದರೆ ಬಿ ಖಾತಾದಿಂದ ಎ - ಖಾತಾ ಗುಡ್‌ನ್ಯೂಸ್ ಎಂದು ಹೇಳಿರುವ ಸರ್ಕಾರವು, ದರಪಟ್ಟಿಯ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಹಂಚಿಕೊಂಡಿಲ್ಲ.

English summary

Karnataka government orderB Khata to A Khata: Check New Conversion Fees and Guidelines in Karnataka