ಬೆಂಗಳೂರು-ಮಂಗಳೂರು ನಡುವೆ ಮತ್ತೊಂದು ವಿಮಾನ ಸೇವೆ
ಬೆಂಗಳೂರು, ಜುಲೈ 18 : ಬೆಂಗಳೂರು-ಮಂಗಳೂರು ನಡುವೆ ಮತ್ತೊಂದು ವಿಮಾನ ಸಂಚಾರ ಆರಂಭಿಸುವುದಾಗಿ ಜೆಟ್ ಏರ್ವೇಸ್ ಘೋಷಿಸಿದೆ. ಆಗಸ್ಟ್ 1ರಿಂದ ನೂತನ ಸೇವೆ ಆರಂಭವಾಗಲಿದೆ.
ಪತ್ರಿಕಾ ಪ್ರಕಟಣೆಯಲ್ಲಿ ಜೆಟ್ ಏರ್ವೇಸ್ ಈ ಕುರಿತು ಮಾಹಿತಿ ನೀಡಿದೆ. ಪ್ರತಿದಿನ ಸಂಜೆ 3.40ಕ್ಕೆ ಬೆಂಗಳೂರಿನ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಹೊರಡಲಿರುವ ವಿಮಾನ ಮಂಗಳೂರು ತಲುಪಲಿದೆ. [ಮಂಗಳೂರು-ಶಾರ್ಜಾ ನಡುವೆ ಹೊಸ ವಿಮಾನ]
ವೇಳಾಪಟ್ಟಿ : 9W2782 ನಂಬರ್ನ ವಿಮಾನ ಸಂಜೆ 3.40ಕ್ಕೆ ಬೆಂಗಳೂರು ವಿಮಾನ ನಿಲ್ದಾಣದಿಂದ ಹೊರಡಲಿದ್ದು, 4.50ಕ್ಕೆ ಮಂಗಳೂರು ತಲುಪಲಿದೆ. [ಜೆಟ್ ಏರ್ ವೇಸ್ ವೆಬ್ ಸೈಟ್]
9W2404 ನಂಬರ್ ವಿಮಾನ ಸಂಜೆ 5.15ಕ್ಕೆ ಮಂಗಳೂರಿನ ವಿಮಾನ ನಿಲ್ದಾಣದಿಂದ ಹೊರಡಲಿದ್ದು, ಸಂಜೆ 6.25ಕ್ಕೆ ಬೆಂಗಳೂರು ತಲುಪಲಿದೆ.
ಈಗಾಗಲೇ ಬೆಂಗಳೂರು-ಮಂಗಳೂರು ನಡುವೆ ಐದು ಜೆಟ್ ಏರ್ವೇಸ್ ವಿಮಾನಗಳು ಹಾರಾಟ ನಡೆಸುತ್ತಿವೆ. ಈ ಸೇವೆ ಆರಂಭವಾದರೆ ಒಟ್ಟು 6 ವಿಮಾನಗಳು ಸಂಚಾರ ನಡೆಸಿದಂತಾಗುತ್ತದೆ.
ಮಂಗಳೂರು-ಶಾರ್ಜಾ ನಡುವೆ ವಿಮಾನ : ಜೆಟ್ ಏರ್ವೇಸ್ ಮಂಗಳೂರು ಮತ್ತು ಶಾರ್ಜಾ ನಡುವೆ ನೇರ ವಿಮಾನ ಸಂಪರ್ಕ ಕಲ್ಪಿಸಲಿದೆ. 2016ರ ಆಗಸ್ಟ್ 7ರಿಂದ ಈ ಸೇವೆ ಆರಂಭವಾಗಲಿದೆ. ಜೆಟ್ ಏರ್ವೇಸ್ ಈಗಾಗಲೇ ಮಂಗಳೂರಿನಿಂದ ದುಬೈ ಮತ್ತು ಅಬುದಾಬಿಗೆ ವಿಮಾನ ಸೇವೆ ನೀಡುತ್ತಿದೆ.
Click it and Unblock the Notifications
Sign in with Google