ಬೆಂಗಳೂರಿನಲ್ಲಿ ವಿದ್ಯುತ್ ಚಾಲಿತ ಬಸ್ ಓಡಾಟ
ಬೆಂಗಳೂರು, ಫೆ.27: ದೇಶದಲ್ಲಿಯೇ ಅತ್ಯುತ್ತಮ ನಗರ ಸಾರಿಗೆ ವ್ಯವಸ್ಥೆ ಹೊಂದಿರುವ ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ತೆ ಈಗ ಪ್ರಪ್ರಥಮ ಬಾರಿಗೆ ವಿದ್ಯುತ್ ಚಾಲಿತ ಬಸ್ ಸಂಚಾರಕ್ಕೆ ಚಾಲನೆ ನೀಡಿದೆ. ಕರ್ನಾಟಕದ ಸಾರಿಗೆ ಸಚಿವ ರಾಮಲಿಂಗಾ ರೆಡ್ಡಿ ಅವರು ಶಾಂತಿನಗರ ಬಸ್ ಟರ್ಮಿನಲ್ ನಲ್ಲಿ ದೇಶದ ಪ್ರಥಮ ಎಲೆಕ್ಟ್ರಿಕ್ ಸಾರ್ವಜನಿಕ ಸಾರಿಗೆ ಬಸ್ ಅನ್ನು ಸಂಚಾರ ಮುಕ್ತಗೊಳಿಸಿದರು.
ಬಸ್ಸಿಗೆ ಬೇಕಾದ ಹೆಚ್ಚುವರಿ ವಿದ್ಯುತನ್ನು ಕೊಡಲು BESCOM ಒಪ್ಪಿದ್ದು ತಾತ್ಕಾಲಿಕ ನೊಂದಣಿಗಾಗಿ ಸಾರಿಗೆ ಇಲಾಖೆಯ ಒಪ್ಪಿಗೆ ದೊರೆದು ಫೆ.27ರಂದು ಬಸ್ ತನ್ನ ಸಂಚಾರ ಆರಂಭಿಸಿದೆ.
ಸಿಟಿ ಬಸ್ಸುಗಳಿಗೆ ಡೀಸೆಲ್ ಹಾಕಿ ನಷ್ಟ ಅನುಭವಿಸುತ್ತಿರುವ ಬಿಎಂಟಿಸಿ ನಂತರ ಡೀಸೆಲ್ ಬಿಟ್ಟು ಎಥೆನಾಲ್ ಮಿಶ್ರಿತ ಇಂಧನ ಬಳಕೆ ಆರಂಭಿಸಿ ಪರಿಸರ ವಾಹಿನಿಗಳನ್ನು ಹೆಚ್ಚು ಮಾಡಿತ್ತು. ಈಗ ಎಲೆಕ್ಟ್ರಿಕ್ ಬಸ್ ಮೂಲಕ ಮತ್ತೊಂದು ಮೈಲಿಗಲ್ಲು ಸಾಧಿಸಿದೆ ಎಂದು ಸಚಿವ ರಾಮಲಿಂಗಾರೆಡ್ಡಿ ಅವರು ಹೇಳಿದರು.
ಎಲ್ಲಿಗೆ ಮೊದಲ ಪಯಣ?: ದೇಶದ ಪ್ರಥಮ ಎಲೆಕ್ಟ್ರಿಕ್ ಬಸ್ ಮೆಜೆಸ್ಟಿಕ್'ನಿಂದ ಕಾಡುಗೋಡಿವರೆಗಿನ ಮಾರ್ಗದಲ್ಲಿ ಈ ಬಸ್ಸು ಮೂರು ತಿಂಗಳ ಕಾಲ ಓಡಲಿದೆ. ಯುಟೋಪಿಯಾ ಆಟೋಮೇಶನ್ ಕಂಪೆನಿ ನಿರ್ಮಿಸಿರುವ ಸುಮಾರು 2 ಕೋಟಿ ರು ವೆಚ್ಚದ ಈ ಬಸ್ ಗೆ ಸಾರ್ವಜನಿಕರು ನೀಡುವ ಪ್ರತಿಕ್ರಿಯೆ ನೋಡಿಕೊಂಡು ಹೆಚ್ಚಿನ ಬಸ್ ಗಳನ್ನು ಓಡಿಸಲು ಬಿಎಂಟಿಸಿ ನಿರ್ಧರಿಸಿದೆ.
ರೂಟ್ ನಂಬರ್ 335E ಇರುವ ಈ ಎಲೆಕ್ಟ್ರಿಕ್ ಬಸ್ ಪ್ರತಿ ದಿನ ಬೆಳಗ್ಗೆ 7ರಿಂದ ಸಂಜೆ 7ರವರೆಗೆ 6 ಟ್ರಿಪ್ ಮಾಡಲಿದೆ. ವೋಲ್ವೋ ಬಸ್ಸುಗಳಿಗಿರುವ ದರವೇ ಈ ಬಸ್ಸಿಗೂ ಇರಲಿದೆ.
ಈ ಎಲೆಕ್ಟ್ರಿಕ್ ಬಸ್ಸಿನ ವಿಶೇಷತೆ ಏನು?
* ವಾಯುಮಾಲಿನ್ಯ ರಹಿತ ಬಸ್ಸು
* ಆರು ಗಂಟೆ ಚಾರ್ಜ್ ಮಾಡಿದರೆ 250 ಕಿ.ಮೀ.ವರೆಗೂ ಸಂಚರಿಸಬಲ್ಲುದು
* ಬಸ್ ದರ 2 ಕೋಟಿ ರುಪಾಯಿ
* ಈ ಬಸ್ಸು ಪ್ರತೀ ಗಂಟೆ ಪ್ರಯಾಣಿಸಿದರೆ ಸುಮಾರು 1.2 ಕಿಲೋವ್ಯಾಟ್ ವಿದ್ಯುತ್ ವ್ಯಯವಾಗುತ್ತದೆ
* ಬಸ್ಸಿನಲ್ಲಿ ಸುರಕ್ಷತೆ ದೃಷ್ಟಿಯಿಂದ ಎರಡು ಸಿಸಿ ಕ್ಯಾಮೆರಾಗಳನ್ನ ಅಳವಡಿಸಲಾಗಿದೆ.
* ಕಡಿಮೆ ನಿರ್ವಹಣೆ ಹಾಗು ಇಂಧನ ಕ್ಷಮತೆ
*. ಸೌರ ಶಕ್ತಿ ಯಿಂದ ವಿದ್ಯುತ್ ಪಡೆಯುವ ಸೌಲಭ್ಯ
* ಕಡಿಮೆ ಶಬ್ದ, ಸುಖ ಪ್ರಯಾಣ
* ವಿಕಲಚೇತನರಿಗೆ ಬಸ್ ಏರಲು ರಾಂಪ್ ವ್ಯವಸ್ತೆ
* ಸಂಪೂರ್ಣ ಹವಾ ನಿಯಂತ್ರಿತ.
* ಬಸ್ ಹಿಂಭಾಗ, ಮುಂಭಾಗ ಹಾಗೂ ಪಕ್ಕದಲ್ಲಿ ಎಲ್ ಇಡಿ ಮಾರ್ಗಸೂಚಿ ಫಲಕ, ವಾಹನ ಒಳಗೆ ಮಾರ್ಗಸೂಚಿ ಫಲಕದಲ್ಲಿ ಕನ್ನಡ ಮತ್ತು ಆಂಗ್ಲಭಾಷೆಯಲ್ಲಿ ನಿಲ್ದಾಣ ಘೋಷಣಾ ವ್ಯವಸ್ಥೆ
* 2 ಸಿಸಿ ಕೆಮರಾ ಜತೆ ಡಿವಿಆರ್ ತಿರುಗುವ ಕೆಮರಾ ಪ್ರಯಾಣಿಕರ ಸುರಕ್ಷತೆಗೆ ಆದ್ಯತೆ.
* ಸುಖ ಪ್ರಯಾಣಕ್ಕಾಗಿ ಕೋಮ್ ಆಧಾರಿತ ಪ್ಲಾಸ್ಟಿಕ್ ಮೋಲ್ಡ್ ಆಸನ, ಎರಡು ಛಾವಣಿ, ತುರ್ತು ನಿರ್ಗಮನ ಬಾಗಿಲು, ವಿಂಡ್ ಶೀಲ್ಡ್ ಗಾಜು
* ಪ್ರತಿ ಕಿ.ಮೀ 1.2 ಕಿಲೋ ವ್ಯಾಟ್ ವಿದ್ಯುತ್ ಬಳಕೆ, ಆರ್ಥಿಕವಾಗಿ ಮಿತವ್ಯಯಕಾರಿ
* ಈ ಬಸ್ ಚಕ್ರ 90 ಕೆ.ಡಬ್ಲ್ಯೂ ಸಾಮರ್ಥ್ಯ ಹೊಂದಿದೆ.
* ಮಹಾರಾಷ್ಟ್ರದಲ್ಲಿ ಕೇಂದ್ರ ಕಚೇರಿ ಹೊಂದಿರುವ ಯುಟೋಪಿಯಾ ಕಂಪನಿ ಈ ವಿದ್ಯುತ್ ಚಾಲಿತ ಬಸ್ ಗಳು ಚೀನಾದ ಶೆನ್ ಝೆನ್, ಸಿಂಗಪುರ, ಮಲೇಶಿಯಾ ಸೇರಿದಂತೆ ವಿಶ್ವದ ಪ್ರಮುಖ ನಗರಗಳಲ್ಲಿ 5 ಸಾವಿರಕ್ಕೂ ಅಧಿಕ ಬಸ್ ಗಳು ಸಂಚರಿಸುತ್ತಿವೆ ಎಂದು ಸಂಸ್ಥೆ ಮುಖ್ಯಸ್ಥ ಪ್ರಸನ್ನ ದೇಶ್ ಮುಖ್ ಹೇಳಿದ್ದಾರೆ.
-
Ration card: ರಾಜ್ಯದಲ್ಲಿ ಪಡಿತರಚೀಟಿ ತಿದ್ದುಪಡಿಗೆ ಮತ್ತೆ ಅವಕಾಶ -
Vande Bharat Express: 20 ಬೋಗಿಗಳ 42ನೇ ವಂದೇ ಭಾರತ್ ರೈಲು ಸಂಚಾರ ಆರಂಭ, ಎಲ್ಲಿ? ವೇಳಾಪಟ್ಟಿ -
ಟಿ20 ವಿಶ್ವಕಪ್ 2026 ಫೈನಲ್ ಪಂದ್ಯ ಮಳೆಯಿಂದ ರದ್ದಾದ್ರೆ ಟ್ರೋಫಿ ಯಾರ ಮುಡಿಗೆ?; ಐಸಿಸಿ ನಿಯಮಗಳು ಹೀಗಿವೆ -
Gold Price: ಚಿನ್ನ ಬೆಲೆ ಭಾರಿ ಕುಸಿತ ಸಾಧ್ಯತೆ, ಆದರೆ ಇದೊಂದು ದೇಶದ ನಿರ್ಧಾರ ಮುಖ್ಯ -
Horoscope March 7: ಉದ್ಯೋಗದಲ್ಲಿ ಉತ್ತಮ ಬದಲಾವಣೆ, ದಾಂಪತ್ಯದಲ್ಲಿ ಸಿಹಿ ಅಲೆ, ದಿನ ಭವಿಷ್ಯ -
ಕನ್ನಡ ನಾಡಿನ ಪ್ರತಿಭೆಗಳ ಸಾಧನೆ, ಯುಪಿಎಸ್ಸಿ ಟಾಪರ್ಸ್ ಮಾಹಿತಿ ತಿಳಿಯಿರಿ | UPSC Toppers -
ಕರ್ನಾಟಕಕ್ಕೆ ಬಂದ್ರೆ ಅಮ್ಮನ ಮನೆಗೆ ಬಂದಂತೆ ಭಾಸವಾಗುತ್ತೆ: ಕನ್ನಡದಲ್ಲೇ ಭಾಷಣ ಮಾಡಿದ ನಟ ಜ್ಯೂನಿಯರ್ ಎನ್ಟಿಆರ್ -
Women's Day Wishes: ಹೆಣ್ಣು ಜಗದ ಕಣ್ಣು: ಮಹಿಳಾ ದಿನಕ್ಕೆ ನಿಮ್ಮ ಪ್ರೀತಿಪಾತ್ರರಿಗೆ ಶುಭ ಕೋರಲು ಇಲ್ಲಿವೆ ಸುಂದರ ಸಾಲುಗಳು -
MS Dhoni: ಕುಣಿದು ಕುಪ್ಪಳಿಸುತ್ತಿದ್ದ ಪತ್ನಿ ಸಾಕ್ಷಿ ಸಿಂಗ್ಗೆ ಸುಮ್ನೆ ಕೂತ್ಕೋ ಎಂದ ಎಂಎಸ್ ಧೋನಿ -
Bengaluru Home: ಬೆಂಗಳೂರಲ್ಲಿ ಸ್ವಂತ ಮನೆಯ ಕನಸು ಕಾಣುತ್ತಿರುವವರಿಗೆ ಜಿಬಿಎ ಗುಡ್ನ್ಯೂಸ್: ಒಂಟಿ ಮನೆ ಯೋಜನೆ ಅಪ್ಡೇಟ್ಸ್ -
Gold Rate Today: ಸತತ ಆರನೇ ದಿನವೂ ಚಿನ್ನದ ಬೆಲೆಯಲ್ಲಿ ಇಳಿಕೆ: ಬೆಂಗಳೂರಿನಲ್ಲಿ ಇಂದಿನ ದರಗಳು ಹೀಗಿವೆ -
Suryakumar Yadav: ಮೀಟರ್ ಇದ್ರೆ ಮೈದಾನದಲ್ಲಿ ಅಭಿಮಾನಿಗಳ ಬಾಯಿ ಮುಚ್ಚಿಸಿ: ಮಿಚೆಲ್ ಸ್ಯಾಂಟ್ನರ್ಗೆ ಸೂರ್ಯ ಸವಾಲು
Click it and Unblock the Notifications
Sign in with Google