ಒಂದೊಮ್ಮೆ ಮೆಟ್ರೋ ಸ್ಮಾರ್ಟ್‌ಕಾರ್ಡ್ ವಾಪಸ್ ನೀಡಿದರೂ ಹಣ ಮಾತ್ರ ಸಿಗಲ್ಲ

ಬೆಂಗಳೂರು, ಏ.1: ಮೆಟ್ರೋ ನಿಗಮ ಹೊಸ ನಿಯಮವೊಂದು ಜಾರಿಗೆ ತಂದಿದ್ದು ಪ್ರಯಾಣಿಕರು ಇದರಿಂದ ಬೇಸರಗೊಂಡಿದ್ದಾರೆ.

ನಮ್ಮ ಮೆಟ್ರೋ ಸ್ಮಾರ್ಟ್‌ ಕಾರ್ಡಿನಲ್ಲಿ ಕನಿಷ್ಠ 50 ರೂ ಹಣ ಇರಲೇಬೇಕು ಎಂದು ಮೆಟ್ರೋ ನಿಗಮ ಹೇಳಿದೆ. ಹಾಗಾಗಿ ಬೇಸರದಿಂದ ಪ್ರಯಾಣಿಕರು ಕಾರ್ಡ್ ಮರಳಿಸಲು ಮುಂದಾಗಿದ್ದಾರೆ. ಆದರೆ ಕಾರ್ಡಿನಲ್ಲಿದ್ದ ಹಣ ಮಾತ್ರ ನಿಮಗೆ ಎಂದಿಗೂ ಸಿಗುವುದಿಲ್ಲ.

ಸ್ಮಾರ್ಟ್ ಕಾರ್ಡ್ ಬಳಕೆದಾರರಿಗೆ ಬಿಎಂಆರ್‌ಸಿಎಲ್ ಹೊಸ ಶಾಕ್‌ ನೀಡುತ್ತಲೇ ಇದೆ. ನಿಲ್ದಾಣಗಳಲ್ಲಿ ಕೌಂಟರ್ ಮುಂಭಾಗ ಉದ್ದದ ಸಾಲು ತಪ್ಪಿಸಲು ಮೆಟ್ರೋ ಸ್ಮಾರ್ಟ್ ಕಾರ್ಡ್ ವ್ಯವಸ್ಥೆಯನ್ನು ಮಾಡಲಾಗಿತ್ತು. ಇದೀಗ ಮೆಟ್ರೋ ಸ್ಮಾರ್ಟ್‌ ಕಾರ್ಡ್‌ ಗೆ ರೀಚಾರ್ಜ್ ಮಾಡಿಸಲು ಉದ್ದದ ಸಾಲು ನಿಲ್ಲುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ.

ಸ್ಮಾರ್ಟ್‌ ಕಾರ್ಡಿನಲ್ಲಿ ಒಮ್ಮ ರೀಚಾರ್ಜ್ ಮಾಡಿದರೆ ಹಣ ಮತ್ತೆ ಕೈಗೆ ಸಿಗುವುದಿಲ್ಲ. ಎಎಫ್‌ಸಿ ಗೇಟ್ ಮೇಲೆ ಕಾರ್ಡ್ ಇಟ್ಟರೆ ಅದು ಸ್ಕ್ಯಾನ್ ಆಗುತ್ತದೆ. ಆ ರೀತಿ ಸ್ಕ್ಯಾನ್ ಆಗುವ ಸಾಮರ್ಥ್ಯ ಕಳೆದುಕೊಳ್ಳುವ ಮಟ್ಟಿಗೆ ಕಾರ್ಡ್ ಗೆ ಹಾನಿಯಾದಾಗ ಅದನ್ನು ಸಿಬ್ಬಂದಿಗೆ ಹಿಂದಿರುಗಿಸಬಹುದು. ಕಾರ್ಡ್ ಸ್ಕ್ಯಾನ್ ಆಗುವ ಸಾಮರ್ಥ್ಯ ಕಳೆದುಕೊಂಡಿದೆ ಎಂದು ಖಚಿತವಾದರೆ ಮಾತ್ರ ಸಿಬ್ಬಂದಿ ಅದರಲ್ಲಿನ ಹಣವನ್ನು ವಾಪಸ್ ನೀಡುತ್ತಾರೆ.

ಸ್ಮಾರ್ಟ್ ಕಾರ್ಡ್‌ನಲ್ಲಿ ಒಮ್ಮೆಲೆ 3 ಸಾವಿರ ರೂ ರೀಚಾರ್ಜ್ ಮಾಡಿಸಿಕೊಳ್ಳಬಹುದು. ಕನಿಷ್ಠ 50 ರೂ ರೀಚಾರ್ಜ್ ಮಾಡಬೇಕಾಗುತ್ತದೆ. ಅದಕ್ಕಿಂತ ಕಡಿಮೆ ರೀಚಾರ್ಜ್ ಮಾಡುವ ಅವಕಾಶವೇ ಇಲ್ಲ. ಹೊಸ ನಿಯಮದ ಬಳಿಕ ಪ್ರಯಾಣಿಕರು ಪದೇ ಪದೇ ರೀಚಾರ್ಜ್ ಮಾಡಿಸಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ.

English summary

If Passengers of Namma metro returns Smart card Money will not refund. If cards get destroyed then only they will return the money.