Bengaluru: ಬೆಂಗಳೂರಿನಲ್ಲಿ ವಸತಿ ಬೆಲೆ ಭಾರಿ ಹೆಚ್ಚಳ
ಜನವರಿ-ಮಾರ್ಚ್ ವೇಳೆಯಲ್ಲಿ ಭಾರತದ ಎಂಟು ಅಗ್ರ ನಗರಗಳಲ್ಲಿ ಸರಾಸರಿಯಾಗಿ ವಸತಿ ಬೆಲೆಗಳು 10% ರಷ್ಟು ಏರಿಕೆಯಾಗಿವೆ. ಬೆಂಗಳೂರಿನಲ್ಲಿ 19% ರಷ್ಟು ಬೆಲೆ ಏರಿಕೆಯಾಗಿದ್ದು, ದೆಹಲಿ-ಎನ್ಸಿಆರ್ 16% ಬೆಳವಣಿಗೆಯನ್ನು ಕಂಡಿವೆ
ಬಲವಾದ ವಸತಿ ಬೇಡಿಕೆಯ ಹಿನ್ನೆಲೆಯಲ್ಲಿ 2024 ರ ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಸರಾಸರಿ ವಸತಿ ಬೆಲೆಗಳು ವಾರ್ಷಿಕವಾಗಿ 10% ರಷ್ಟು ಹೆಚ್ಚಾಗಿದೆ. ಅಗ್ರ ಎಂಟು ನಗರಗಳಲ್ಲಿ ಪ್ರತಿಯೊಂದೂ ವಾರ್ಷಿಕ ಬೆಲೆ ಏರಿಕೆಗೆ ಸಾಕ್ಷಿಯಾಗಿದೆ, ಬೆಂಗಳೂರು, ದೆಹಲಿ ಎನ್ಸಿಆರ್, ಅಹಮದಾಬಾದ್ ಮತ್ತು ಪುಣೆಯಲ್ಲಿ ಸರಾಸರಿ ವಸತಿ ಬೆಲೆಗಳು 10% ಕ್ಕೂ ಹೆಚ್ಚು ಬೆಳವಣಿಗೆಯನ್ನು ದಾಖಲಿಸಿವೆ ಎಂದು ವರದಿಯಾಗಿದೆ.
ಅಗ್ರ ಎಂಟು ನಗರಗಳಲ್ಲಿ ಬೆಂಗಳೂರು ಗರಿಷ್ಠ 19% ಬೆಲೆ ಏರಿಕೆ ಕಂಡಿದ್ದು, ದೆಹಲಿ-ಎನ್ಸಿಆರ್ ವಸತಿ ಬೆಲೆಯಲ್ಲಿ 16% ಏರಿಕೆ ಕಂಡಿದೆ ಎಂದು ಕಾಲಿಯರ್ಸ್ ಇಂಡಿಯಾ ಮತ್ತು ಡೇಟಾ ವಿಶ್ಲೇಷಣಾ ಸಂಸ್ಥೆ ಲಿಯಾಸೆಸ್ ಫೋರಸ್ ಜಂಟಿ ವರದಿಯಲ್ಲಿ ಮಾಹಿತಿ ನೀಡಿದೆ.
ಮುಂಬೈ, ದೆಹಲಿ-ಎನ್ಸಿಆರ್, ಬೆಂಗಳೂರು, ಅಹಮದಾಬಾದ್, ಪುಣೆ, ಹೈದರಾಬಾದ್, ಚೆನ್ನೈ ಮತ್ತು ಕೋಲ್ಕತ್ತಾ ನಗರಗಳಲ್ಲಿ ವಸತಿ ಬೆಲೆ ಹೆಚ್ಚಳವಾಗಿದೆ.
ಯಾವ ನಗರದಲ್ಲಿ ಎಷ್ಟು ಹೆಚ್ಚಳ?
ಅಹಮದಾಬಾದ್ ಮತ್ತು ಪುಣೆಯಲ್ಲಿ, ವಸತಿ ಬೆಲೆಗಳು ವಾರ್ಷಿಕವಾಗಿ 13% ಏರಿಕೆಯಾಗಿವೆ, ಪ್ರತಿ ಚದರ ಅಡಿಗೆ ₹ 7,176 ರಿಂದ ₹ 9,448 ಕ್ಕೆ ತಲುಪಿದೆ. ಹೈದರಾಬಾದ್ನಲ್ಲಿ ವಸತಿ ಬೆಲೆಗಳು ಪ್ರತಿ ಚದರ ಅಡಿಗೆ 9% ರಷ್ಟು ಹೆಚ್ಚಾಗಿದೆ. ಚೆನ್ನೈನಲ್ಲಿ ದರಗಳು ಪ್ರತಿ ಚದರ 4% ರಷ್ಟು ಹೆಚ್ಚಾಗಿದೆ.
ಮುಂಬೈ ಮೆಟ್ರೋಪಾಲಿಟನ್ ಪ್ರದೇಶದಲ್ಲಿ (ಎಂಎಂಆರ್), ಪ್ರತಿ ಚದರ ಅಡಿಗೆ ₹20,361 ಕ್ಕೆ 6% ರಷ್ಟು ಏರಿಕೆಯಾಗಿದೆ. ಆದರೆ ಪುಣೆಯಲ್ಲಿ ವಸತಿ ಮಾರಾಟ 10% ಕುಸಿತ ಕಂಡಿದೆ.
2024ರ ಮೊದಲ ತ್ರೈಮಾಸಿಕದಲ್ಲಿ ಅಗ್ರ ಎಂಟು ನಗರಗಳಲ್ಲಿ ಸುಮಾರು 10 ಲಕ್ಷ ವಸತಿಗಳು ಮಾರಾಟವಾಗದೆ ಉಳಿದುಕೊಂಡಿವೆ. ಹೈದರಾಬಾದ್ ಮತ್ತು ಬೆಂಗಳೂರು ಮಾರಾಟವಾಗದ ದಾಸ್ತಾನು ವಾರ್ಷಿಕ ಹೆಚ್ಚಳಕ್ಕೆ ಸಾಕ್ಷಿಯಾಗಿದ್ದರೂ, ಎರಡೂ ನಗರಗಳು ತ್ರೈಮಾಸಿಕ ಕುಸಿತವನ್ನು ಕಂಡವು.
ಭಾರತದ ಅಗ್ರ 8 ನಗರಗಳಲ್ಲಿ, ಆಸ್ತಿ ಬೆಲೆಗಳು ವರ್ಷದಿಂದ ವರ್ಷಕ್ಕೆ ಗಮನಾರ್ಹವಾದ 10% ಹೆಚ್ಚಳವನ್ನು ಕಂಡಿವೆ. ವಸತಿ ಬೆಲೆಗಳಲ್ಲಿ 19% ಏರಿಕೆಯೊಂದಿಗೆ ಬೆಂಗಳೂರು ಮುಂದಿದೆ, ನಂತರ ದೆಹಲಿ ಎನ್ಸಿಆರ್, ಹೈದರಾಬಾದ್ ಮತ್ತು ಪುಣೆಯಲ್ಲಿ ಗಮನಾರ್ಹ ಏರಿಕೆಯಾಗಿದೆ.
Click it and Unblock the Notifications
Sign in with Google