ಐಪಿಎಲ್ ಮ್ಯಾಚ್ಗೆ ಬಿಗಿ ಪೊಲೀಸ್ ಬಂದೋಬಸ್ತ್
ಬೆಂಗಳೂರು, ಮೇ 4: ಚೆನ್ನೈ ಬಾಂಬ್ ಸ್ಫೋಟದ ಹಿನ್ನೆಲೆಯಲ್ಲಿ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಎಲ್ಲಾ ಐಪಿಎಲ್ ಪಂದ್ಯಾಟಕ್ಕೆ ಪೊಲೀಸರು ಬಿಗಿ ಬಂದೋಬಸ್ತ್ ಕಲ್ಪಿಸಲಿದ್ದಾರೆ.
ಮೇ 4, 9, 11, 13 ಮತ್ತು 24ರಂದು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಪಂದ್ಯಗಳು ನಡೆಯಲಿದ್ದು, ಕ್ರೀಡಾಂಗಣದ ಭದ್ರತೆಗೆ 1 ಸಾವಿರ ಪೊಲೀಸರನ್ನು ನಿಯೋಜಿಸಿದ್ದು, 86 ಸಿಸಿ ಟಿವಿಯನ್ನು ಅಳವಡಿಸಲಾಗಿದೆ.
ಪಂದ್ಯ ನಡೆಯುವ ಮೂರು ಗಂಟೆ ಮೊದಲುಸಾರ್ವಜನಿಕರ ಪ್ರವೇಶಕ್ಕೆ ಕ್ರೀಡಾಂಗಣದ ಎಲ್ಲಾ ದ್ವಾರಗಳನ್ನು ತೆರೆಯಲಾಗುತ್ತದೆ. ಕ್ರೀಡಾಂಗಣ ಹೊರಗೆ ಮತ್ತು ಒಳಗಡೆ ಸಿಸಿ ಕ್ಯಾಮೆರಾವನ್ನು ಅಳವಡಿಸಲಾಗಿದ್ದು ಯಾವುದೇ ರೀತಿಯ ವಸ್ತುಗಳನ್ನು ಒಳಗಡೆಗೆ ತೆಗೆದುಕೊಂಡು ಹೋಗುವಂತಿಲ್ಲ.[ಮೇ.4 ಆರ್ ಸಿಬಿ ಮ್ಯಾಚ್, ವಾಹನ ನಿಲುಗಡೆ ಎಲ್ಲೆಲ್ಲಿ]
ಕ್ರೀಡಾಂಗಣದ ಒಳಗಡೆ ಲೈಟರ್, ಸಿಗರೇಟ್, ಬೈನಾಕ್ಯುಲರ್, ಕ್ಯಾಮೆರಾ, ಧ್ವನಿವರ್ಧಕಗಳು, ಯಾವುದೇ ಹರಿತವಾದ ಅಸ್ತ್ರಗಳು, ಹೆಲ್ಮೆಟ್ಸ್, ಮದ್ಯದ ಬಾಟಲಿಗಳು, ಪಟಾಕಿ, ಬಣ್ಣದ ಪುಡಿ, ಸೌಂದರ್ಯ ವರ್ಧಕಗಳು, ಛತ್ರಿಗಳು, ಬೊಂಬೆಗಳು, ಬ್ಯಾಟರಿ ಟಾರ್ಚ್ಗಳನ್ನು ನಿಷೇಧಿಸಲಾಗಿದೆ.[ಐಪಿಎಲ್ ಮ್ಯಾಚ್: ಬಿಎಂಟಿಸಿ, ಮೆಟ್ರೋದಿಂದ ಹೆಚ್ಚುವರಿ ಸೇವೆ]
ಪ್ರೇಕ್ಷಕರು ನಿಗದಿತ ಸ್ಥಳಗಳಲ್ಲಿ ಪಾರ್ಕಿಂಗ್ ಮಾಡಬೇಕು.ಕ್ರೀಡಾಂಗಣದ ಸುತ್ತಮುತ್ತ ಯಾವುದೇ ವಾಹನ ನಿಲುಗಡೆಗೆ ಅವಕಾಶ ನೀಡಿರುವುದಿಲ್ಲ. ಅನುಮಾನಸ್ಪದ ವಸ್ತುಗಳು ಅಥವಾ ವ್ಯಕ್ತಿಗಳು ಕಂಡುಬಂದಲ್ಲಿ ಕೂಡಲೇ ಮಾಹಿತಿ ನೀಡುವಂತೆ ಬೆಂಗಳೂರು ಪೊಲೀಸರು ಸಾರ್ವಜನಿಕರಲ್ಲಿ ವಿನಂತಿಸಿಕೊಂಡಿದ್ದಾರೆ.
Click it and Unblock the Notifications
Sign in with Google