ವೆರೈಟಿ ಫುಡ್ ತಿನ್ನೋ ಮನಸಾಗಿದ್ರೆ ಇಲ್ಲಿದೆ ಸಕತ್ ಆಫರ್: ಮಿಸ್ ಮಾಡ್ದೆ ಫ್ರೇಸರ್ ಟೌನ್ಗೆ ರೌಂಡ್ಸ್ ಹೋಗಿ
ಬೆಂಗಳೂರು, ಏಪ್ರಿಲ್. 10: ಸಂಜೆಯಾಗುತ್ತಿದ್ದಂತೆ ಏನಾದರೂ ಸ್ಪೆಷಲ್ ಆಗಿ ತಿನ್ನುವ ಮನಸಾಗಿದ್ದರೇ, ವೆರೈಟಿ ವೆರೈಟಿ ಫುಡ್ ಟ್ರೈ ಮಾಡಬೇಕು ಎಂಬ ಆಸೆಯಿದ್ದರೇ ತಕ್ಷಣ ನಮ್ಮ ಐಟಿ ಸಿಟಿ ಬೆಂಗಳೂರಿನ ಫ್ರೇಸರ್ ಟೌನ್ ಕಡೆ ರೌಂಡ್ಸ್ ಹೋಗಿ. ನಾನ್ ವೆಜ್ ಪ್ರಿಯರಿಗೆ ಸ್ವರ್ಗದ ಬಾಗಿಲು ತೆಗೆದಂತೆ ಇರುತ್ತದೆ. ಹಾಗಾಂತ ವೆಜ್ ಪ್ರಿಯರಿಗೆ ಏನು ಇಲ್ಲ ಅಂದ್ಕೊಬೇಡಿ.....
ಎಸ್... ಇದು ಪವಿತ್ರ ರಂಜಾನ್ ತಿಂಗಳು. ಮುಸ್ಲಿಂ ಬಾಂಧವರ ಈ ಹಬ್ಬವನ್ನು ಸ್ಪೆಷಲ್ ಫುಡ್ಗಳ ಜೊತೆಗೆ ನೀವು ಆಚರಿಸಬಹುದು. ಪವಿತ್ರ ರಂಜಾನ್ ತಿಂಗಳಲ್ಲಿ ಫ್ರೇಸರ್ ಟೌನ್ನ ಮಸೀದಿ ರಸ್ತೆ ಫುಡ್ ಕೋರ್ಟ್ ಆಹಾರ ಪ್ರಿಯರಿಗಾಗಿ ಸ್ವಾಗ ಕೋರುತ್ತಿದೆ. ಬಗೆ ಬಗೆಯ ತಿಂಡಿಗಳು, ಗಾಳಿಯಲ್ಲಿ ಇದ್ದಿಲಿನ ಹೊಗೆಯ ಸುವಾಸನೆ, ತಿಂಡಿಗಳ ಪರಿಮಳ, ಸ್ಟಾಲ್ ಕೀಪರ್ಗಳು ಕೂಗು ಧಾಟಿ ಎಲ್ಲವೂ ನಿಮ್ಮನ್ನು ಮಂತ್ರಮುಗ್ಧರನ್ನಾಗಿಸುತ್ತದೆ.
ಫ್ರೇಸರ್ ಟೌನ್ನ ಮಸೀದಿ ರಸ್ತೆಯಲ್ಲಿ ಪ್ರತಿವರ್ಷ ರಂಜಾನ್ ವಿಶೇಷ ಆಹಾರ ಮೇಳ ನಡೆಯುತ್ತದೆ. ಮುಸ್ಲಿಂ ಪಾಕಪದ್ಧತಿಯ ಹಲವು ತಿನಿಸುಗಳು ನಿಮ್ಮ ನಾಲಿಗೆ ರುಚಿಯನ್ನು ಮತ್ತಷ್ಟು ಹೆಚ್ಚಾಗಿಸುತ್ತದೆ. ಎಲ್ಲಾ ಧರ್ಮಗಳು ಮತ್ತು ಹಿನ್ನೆಲೆಯ ಜನರು ಈ ಆಹಾರಗಳನ್ನು ಸಲಿಯಲು ನಗರದ ಪ್ರತಿಯೊಂದು ಭಾಗದಿಂದ ಜನ ಇಲ್ಲಿಗೆ ಬರುತ್ತಾರೆ. ಮಸೀದಿ ರಸ್ತೆಯು ಸಂಜೆಯ ವೇಳೆಗೆ ತುಂಬಿ ತುಳುಕುತ್ತದೆ.
ಫ್ರೇಸರ್ ಟೌನ್ನ ಮಸೀದಿ ರಸ್ತೆಯು ಕಳೆದ ಒಂದು ದಶಕದಲ್ಲಿ ಹತ್ತಿರದ ಶಿವಾಜಿನಗರದಿಂದ ಮುಸ್ಲಿಂ ಪಾಕಶಾಲೆಯ ಕೇಂದ್ರವಾಗಿ ಮಾರ್ಪಟ್ಟಿದೆ. ಈ ಪಾಕಪದ್ಧತಿಯ ಆಹಾರಗಳನ್ನು ಜನ ಹುಡುಕುತ್ತಿದ್ದರು. ರಂಜಾನ್ ತಿಂಗಳಲ್ಲಿ ಸಣ್ಣ ಬಿಡಾರಗಳಲ್ಲಿ ಮಾರಾಟ ಆರಂಭವಾಯಿತು, ಬಳಿಕ ಅದರಲ್ಲಿ ವಿಶೇಷ ರಂಜಾನ್ ಖಾದ್ಯಗಳು ಉದಾಹರಣೆಗೆ, ಬೈದಾ ರೊಟ್ಟಿ (ಮಾಂಸ ಮತ್ತು ಮೊಟ್ಟೆಗಳಿಂದ ತುಂಬಿದ ಚಪ್ಪಟೆ ರೊಟ್ಟಿ), ಜೊತೆಗೆ ಈರುಳ್ಳಿ ಮತ್ತು ಕೀಮಾ ಸಮೋಸಾಗಳು ಬಹಳ ಮಾರಾಟವಾಗುತ್ತಿದ್ದವು.
ಚಿಕ್ಕದಾಗಿ ಆರಂಭವಾದ ಈ ಫುಡ್ ಸ್ಟ್ರೀಟ್ ಜನಪ್ರಿಯವಾಗತೊಡಗಿತ್ತು. ಇದು ಇತರ ಮಾರಾಟಗಾರರನ್ನು ಪ್ರೇರೆಪಿಸಿತು. ಹೀಗಾಗಿ ಮಸೀದಿ ರಸ್ತೆಯ ಫುಟ್ಪಾತ್ಗಳಲ್ಲಿ ರಂಜಾನ್ ಹಬ್ಬದ ಸಮಯದಲ್ಲಿ ಅಂಗಡಿಗಳನ್ನು ತೆರೆದು ಮಾರಾಟ ಮಾಡಲು ಪ್ರಾರಂಭಿಸಿದರು. ಪ್ರತಿ ದಿನ ಮಾರಾಟಗಾರರು ಮಧ್ಯಾಹ್ನ ಅಂಗಡಿಗಳನ್ನು ಆರಂಭಿಸುತ್ತಾರೆ. ಸಂಜೆಯ ಪ್ರಾರ್ಥನೆ ಮುಗಿದ ನಂತರ ಈ ಬೀದಿಯ ಜನರಿಂದ ತುಂಬಲು ಆರಂಭವಾಗುತ್ತದೆ.
ಆರಂಭದಲ್ಲಿ ಕೇವಲ ಉಪವಾಸವನ್ನು ಮುರಿಯುವ ಸ್ಥಳೀಯ ಮುಸ್ಲಿಮರು ಗ್ರಾಹಕರಾಗಿದ್ದರು. ಬಳಿಕ ಇದು ರಾಜ್ಯಾದ್ಯಂತ ಈ ಮಾತು ಹರಡಿ, ಬೆಂಗಳೂರಿನ ಆಹಾರಪ್ರೇಮಿಗಳ ಸ್ಥಳವಾಗಿ ಮಾರ್ಪಟ್ಟಿದೆ. ಈ ಸ್ಥಳ ದೇಶಾದ್ಯಂತ ವಿವಿಧ ಮುಸ್ಲಿಂ ಸಮುದಾಯಗಳ ಪಾಕಪದ್ಧತಿಗಳನ್ನು ಪ್ರತಿನಿಧಿಸಲಾಗುತ್ತದೆ. ಉತ್ತರ ಭಾರತದ ಆಹಾರವನ್ನು ಪಾಯಾ ಸೂಪ್, ನಿಹಾರಿ ಮತ್ತು ಬಹುಸಂಖ್ಯೆಯ ಕಬಾಬ್ಗಳಂತಹ ಭಕ್ಷ್ಯಗಳಿಂದ ಪ್ರತಿನಿಧಿಸಿದರೆ, ಹೈದರಾಬಾದಿನ ಪ್ರಭಾವವು ಶ್ರೀಮಂತ ಹಲೀಮ್ ಮತ್ತು ಸಾಂಪ್ರದಾಯಿಕ ಪತ್ತರ್ ಕಾ ಘೋಷ್ (ಬಿಸಿಮಾಡಿದ ಗ್ರಾನೈಟ್ ಚಪ್ಪಡಿಯ ಮೇಲೆ ಬೇಯಿಸಿದ ಮಾಂಸ) ರೂಪದಲ್ಲಿ ಕಂಡುಬರುತ್ತದೆ.
ಕೇರಳದ ಪ್ರಭಾವದಿಮದ ಮೀನಿನ ಭಕ್ಷ್ಯಗಳು, ಪೊರೊಟಾ ಮತ್ತು ಬಿರಿಯಾನಿಗಳು ಇರುತ್ತವೆ. ಇನ್ನು, ಒಂಟೆ ಕಬಾಬ್ ಕೂಡ ಇಲ್ಲಿ ಹೆಚ್ಚು ಪ್ರಸಿದ್ಧಿ. ಚಿಕನ್ ಮಟನ್, ಬಿಫ್ ಶವರ್ಮಾಗಳು, ಸಹಜವಾಗಿ, ಮಾಂಸಾಹಾರಿ ತಿಂಡಿಗಳು ಹೆಚ್ಚಾಗಿರುತ್ತವೆ. ಹಾಗಂತ ಸಸ್ಯಹಾರಿಗಳಿಗೆ ಏನು ಇಲ್ಲ ಎನ್ನುವಂತಿಲ್ಲ. ಅವರಿಗಾಗಿ ಸಿಹಿತಿಂಡಿಗಳಾದ ಕಾಶ್ಮೀರಿ ಜಾಮುನು, ಕೀರ್, ಸ್ವಿಟ್ ಲಸ್ಸಿ, ಖೋವಾ ನಾನ್ ಮತ್ತು ಫಿರ್ನಿ, ರೋಲಿಂಗ್ ಐಸ್ಕ್ರೀಮ್ ಹಾಗೆಯೇ ಬಗೆಬಗೆಯ ಶರಬತ್ಗಳು ಮತ್ತು ಫಲೂದಾಗಳು ಇವೆ.
ಆಹಾರಗಳ ಜೊತೆಗೆ ಈ ರಸ್ತೆಯಲ್ಲಿ ಫ್ರೇಸರ್ ಟೌನ್ನ ಹಿಂದಿನ ಅವಶೇಷಗಳ ಬಗ್ಗೆಯೂ ಗಮನ ಹರಿಸಬೇಕು. ಹಾಜೀ ಸರ್ ಇಸ್ಮಾಯಿಲ್ ಸೇಟ್ ಮಸೀದಿಯು ಹೆಚ್ಚು ಪ್ರಸಿದ್ಧಿ. ಇನ್ನು, ಆಹಾರ ಮೇಳದ ಹಿನ್ನೆಲೆ ಜನಜಂಗುಳೀ ಹೆಚ್ಚಾಗಿದೆ. ಹಬ್ಬ ಮುಗಿಯುವವರೆಗೂ ಪ್ರತಿ ದಿನ ವಿವಿಧ ಆಹಾರವನ್ನು ಟ್ರೈ ಮಾಡಬಹುದು. ಹೋಗುವ ತಿಂಡಿಪ್ರಿಯರು ತಮ್ಮ ವಾಹನಗಳನ್ನು ಸರಿಯಾದ ಪಾರ್ಕಿಂಗ್ ಸ್ಥಳಗಳಲ್ಲಿ ನಿಲ್ಲಿಸಬೇಕು. ಜನರು ಹೆಚ್ಚಿರುವ ಕಾರಣ ಟ್ರಾಫೀಕ್ ಜಾಮ್ ಇದ್ದೆ ಇರುತ್ತದೆ. ಆದರೆ, ಒಳ್ಳೆ ಫುಡ್ ಟೆಸ್ಟ್ ಮಾಡೋಕೆ ಸ್ವಲ್ಪ ಕಾಯುವುದರಲ್ಲಿ ನಷ್ಟವಿಲ್ಲ.
-
ಐಪಿಎಲ್ಗೂ ಮುನ್ನ ಆರ್ಸಿಬಿ ಹೊಸ ದಾಖಲೆ: 16,000 ಕೋಟಿಗೆ ಆದಿತ್ಯ ಬಿರ್ಲಾ ಗ್ರೂಪ್ ಪಾಲಾದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು -
Jobs: ಆಯುಷ್ ಇಲಾಖೆ ನೇಮಕಾತಿ; ಬಿ.ಕಾಂ, ಬಿಬಿಎ ಓದಿದವರಿಗೆ ಬೆಂಗಳೂರಿನಲ್ಲಿ ಭರ್ಜರಿ ಉದ್ಯೋಗಾವಕಾಶ -
ಬೆಂಗಳೂರು ಇ-ಖಾತಾ ದಂಧೆ ಬಯಲು: ಬ್ರ್ಯಾಂಡ್ ಬೆಂಗಳೂರಿಗೆ ಆರ್ ಅಶೋಕ್ ತೀವ್ರ ಟೀಕೆ -
IPL 2026 RCB: ಹ್ಯಾಜಲ್ವುಡ್, ಯಶ್ ದಯಾಳ್ ಅಲಭ್ಯರಾದ್ರೆ ಆರ್ಸಿಬಿ ಮುಂದಿರುವ 'ಪ್ಲಾನ್ ಬಿ' ಏನು? -
Gold Rate: ಬೆಂಗಳೂರು ಸೇರಿದಂತೆ ವಿವಿಧ ನಗರಗಳಲ್ಲಿ ಎಷ್ಟಿದೆ 22 ಕ್ಯಾರಟ್ ಚಿನ್ನದ ದರ? -
Gold Price: ಇಳಿಕೆಯತ್ತ ಚಿನ್ನ, ಬೆಳ್ಳಿ ಬೆಲೆ: ಇಂದಿನ ದರವೆಷ್ಟು? ಇಲ್ಲಿದೆ ಮಾಹಿತಿ -
Bengaluru Viral: ಆಟೋ ಚಾಲಕನ ಕ್ರಿಯೇಟಿವಿಟಿಗೆ ಬೆಂಗಳೂರು ನಿಜಕ್ಕೂ ಸೃಜನಶೀಲ ನಗರ ಎಂದ ನೆಟ್ಟಿಗರು -
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Weekly Horoscope March 23-29: ಯಾರಿಗೆ ಲಾಭ, ಯಾರಿಗೆ ಸವಾಲು? ಸಂಪೂರ್ಣ ವಿವರ ಇಲ್ಲಿದೆ -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು
Click it and Unblock the Notifications
Sign in with Google