ಬಿಎಂಆರ್ಸಿಎಲ್ಗೂ ತಟ್ಟಿದ ಫ್ಲೆಕ್ಸ್ ನಿಷೇಧ ಬಿಸಿ, ಆದಾಯ ಖೋತಾ
ಬೆಂಗಳೂರು, ಡಿಸೆಂಬರ್ 17: ಫ್ಲೆಕ್ಸ್ ನಿಷೇಧ ನೀತಿ ಇದೀಗ ಬಿಎಂಆರ್ಸಿಎಲ್ಗೂ ತಟ್ಟಿದೆ. ಇಷ್ಟು ದಿನ ನಮ್ಮ ಮೆಟ್ರೋ ಪಿಲ್ಲರ್ಗಳ ಮೇಲೆ ಅಳವಡಿಸಿರುವ ಜಾಹೀರಾತುಗಳನ್ನು ತೆರವುಗೊಳಿಸಲು ಬಿಬಿಎಂಪಿ ಸೂಚನೆ ನೀಡಿದೆ.
ನಮ್ಮ ಮೆಟ್ರೋಗೆ ಟೋಕನ್ ಆದಾಯ ಹೊರತುಪಡಿಸಿ, ಪಾರ್ಕಿಂಗ್ ಬಿಟ್ಟರೆ ಜಾಹೀರಾತು ಫಲಕಗಳಿಂದಲೇ ಹೆಚ್ಚು ಆದಾಯ ಬರುತ್ತಿತ್ತು. ಆದರೆ ಈಗ ಫ್ಲೆಕ್ಸ್ ನಿಷೇಧದಿಂದ ನಿಗಮಕ್ಕೆ ಮಾಸಿಕ 2 ಕೋಟಿ ರೂ ಆದಾಯ ನಷ್ಟವಾಗಿದೆ.
2017-18ರಲ್ಲಿ ಟೋಕನ್ ಮಾರಾಟದಿಂದ 281 ಕೋಟಿ ರೂ ಮಳಿಗೆಗಳಿಗೆ ಬಾಡಿಗೆ, ಪಾರ್ಕಿಂಗ್ ಶುಲ್ಕ ಹೀಗೆ ಇತರೆ ಆದಾಯ ಮೂಲಗಳಿಂದ 13 ಕೋಟಿ ರೂ. ಹೀಗೆ ಒಟ್ಟು 337 ಕೋಟಿ ರೂ. ಆದಾಯ ಗಳಿಸಿತ್ತು.
ಕಳೆದ ಆರ್ಥಿಕ ವರ್ಷದಲ್ಲಿ ಮೆಟ್ರೋ ಕಾರ್ಯಾಚರಣೆ, ಸಿಬ್ಬಂದಿ ವೇತನ, ನಿರ್ವಹಣೆಗೆ ಒಟ್ಟು 264.10 ಕೋಟಿ ರೂ ಆಗಿದ್ದು, ನಿಗಮಕ್ಕೆ ಮಟ್ರೋ ಕಾರ್ಯಾಚರಣೆಯಿಂದ 73.11 ಕೋಟಿ ರೂ ಲಾಭ ಬಂದಿತ್ತು.
ಅಕ್ರಮ ಜಾಹೀರಾತು ಪ್ರದರ್ಶನ ತಡೆಗೆ ಸಮರ್ಪಕ ಜಾಹೀರಾತು ನೀತಿ ಜಾರಿಗೊಳಿಸುವಂತೆ ಹೈಕೋರ್ಟ್ ಸೂಚಿಸಿದ ಹಿನ್ನೆಲೆಯಲ್ಲಿ, ಬಿಬಿಎಂಪಿ ನೂತನ ಜಾಹೀರಾತು ನೀತಿ ರೂಪಿಸಿದೆ. ನೀತಿ ಹಾಗೂ ಕರಡು ಬೈಲಾವನ್ನು ಕೌನ್ಸಿಲ್ ಸಭೆಯಲ್ಲಿ ಮಂಡಿಸಿ ಅನುಮೋದನೆ ಪಡೆದಿದೆ.
ನಗರ ವ್ಯಾಪ್ತಿಯಲ್ಲಿ 1 ವರ್ಷದ ಅವಧಿಗೆ ಎಲ್ಲ ಬಗೆಯ ಜಾಹೀರಾತು ಪ್ರದರ್ಶನ ನಿಷೇಧಿಸಿ 2018ರ ಅ.ರಂದು ಬಿಬಿಎಂಪಿ ಕೌನ್ಸಿಲ್ ಸಭೆಯಲ್ಲಿ ನಿರ್ಣಯ ಕೈಗೊಳ್ಳಲಾಗಿತ್ತು.
Click it and Unblock the Notifications
Sign in with Google