Double Decker Bus: ಬಿಎಂಟಿಸಿ ಡಬಲ್ ಡೆಕ್ಕರ್ ಬಸ್ ಯೋಜನೆಗೆ ಮತ್ತೆ ಹಿನ್ನಡೆ! ಯಾಕೆ?
ಬೆಂಗಳೂರು, ಸೆಪ್ಟಂಬರ್ 07: ರಾಜಧಾನಿ ಬೆಂಗಳೂರಿನಲ್ಲಿ ಕಳೆದ ವರ್ಷ ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ) ಡಬಲ್ ಡೆಕ್ಕರ್ ಬಸ್ ಮರು ಪರಿಚಯಿಸುವ ಯೋಜನೆಗೆ ಸರ್ಕಾರ ಅನುಮೋದನೆ ನೀಡಿತ್ತು. ಇದರ ಹೊರತಾಗಿ ಡಬಲ್ ಡೆಕ್ಕರ್ ಬಸ್ ಸಂಚಾರದ ಕನಸಿಗೆ ಹಿನ್ನೆಡೆ ಆಗಿದೆ. ಏಕೆ? ಟೆಂಡರ್ ಪ್ರಕ್ರಿಯೆಯಲ್ಲಿ ನಡೆದಿದ್ದೇನು? ಎಂಬ ಪೂರ್ಣ ಮಾಹಿತಿ ಇಲ್ಲಿದೆ.
ನಿರ್ವಹಣೆ ಸಮಸ್ಯೆಗಳು ಮತ್ತು ಅಧಿಕ ನಿರ್ವಹಣಾ ವೆಚ್ಚದ ಕಾರಣದಿಂದಾಗಿ 1997 ರಲ್ಲಿ ನಗರದಲ್ಲಿ ಡಬಲ್ ಡೆಕ್ಕರ್ ಬಸ್ಗಳ ಸಂಚಾರ ಸ್ಥಗಿತಗೊಂಡಿತ್ತು. ಅದಾಗಿ 25 ವರ್ಷಗಳ ನಂತರ 2023 ರಲ್ಲಿ ಸರ್ಕಾರ ಈ ಉಪಕ್ರಮಕ್ಕೆ ಒಪ್ಪಿಗೆ ನೀಡಿದ ಬಳಿಕ ಬಿಎಂಟಿಸಿ ಟೆಂಡರ್ ಕರೆದಿತ್ತು. ಆದರೆ ಈ ಟೆಂಡರ್ನಲ್ಲಿ ಅತೀ ಕಡಿಮೆ ಸಂಖ್ಯೆಯಲ್ಲಿ ಕಂಪನಿಗಳು ಪಾಲ್ಗೊಂಡಿವೆ.
ಅತ್ಯಧಿಕ ಹಣದ ಪ್ರಸ್ತಾಪ
ಈ ಕಂಪನಿಗಳು ಇಂದು ಡಬಲ್ ಡೆಕ್ಕರ್ ಬಸ್ ಪೂರೈಕೆ, ವೆಚ್ಚದ ಎಲ್ಲ ಸೇರಿ ಅತ್ಯಧಿಕ ಹಣದ ಪ್ರಸ್ತಾಪ ಇಟ್ಟಿವೆ. ಇದರಿಂದಾಗಿ ಬೆಂಗಳೂರಿಗೆ ಡಬ್ಬಲ್ ಡೆಕ್ಕರ್ ಬಸ್ಗಳು ಮರಳುವ ಕನಸಿಗೆ ಮತ್ತೊಮ್ಮೆ ಹಿನ್ನಡೆ ಆಗಿದೆ ಎಂದು ತಿಳಿದು ಬಂದಿದೆ.
ಬೆಂಗಳೂರು ನಾಗರಿಕರು ಸಾರಿಗೆ ವಿಷಯದಲ್ಲಿ ದಶಕಗಳ ಡಬಲ್ ಡೆಕ್ಕರ್ ಬಸ್ಗಳ ಪರಂಪರೆ ಮತ್ತೆ ಮುಂದುವರಿಯಲಿವೆ ಎಂಬ ಕನಸು ಕಂಡಿದ್ದರು.ಆದರೆ ಅದಕ್ಕೆ ಆರಂಭದಲ್ಲೆ ವಿಘ್ನ ಎದುರಾಗಿದೆ. ಈ ಬಸ್ಗಳನ್ನು BMTCಯು ನಗರದಾದ್ಯಂತ ಪ್ರಮುಖ ಹತ್ತು ಮಾರ್ಗಗಳಲ್ಲಿ ಓಡಿಸಲು ಪ್ಲಾನ್ ಮಾಡಿಕೊಂಡಿತ್ತು. ಫ್ಲೈಓವರ್, ಅಸೂಕ್ತ ರಸ್ತೆ ಗಳ ಮಧ್ಯೆಯೂ ಈ ಬಸ್ಗಳ ಕಾರ್ಯನಿರ್ವಹಣೆಗೆ ಬಿಎಂಟಿಸಿ ಸಜ್ಜಾಗಿತ್ತು.
ಬಿಎಂಟಿಸಿ ನಿಗಮವು ನಗರ ಭೂ ಸಾರಿಗೆ ನಿರ್ದೇಶನಾಲಯ (DULT) ಮತ್ತು ರಾಷ್ಟ್ರೀಯ ಶುದ್ಧ ವಾಯು ಕಾರ್ಯಕ್ರಮ (NCAP) ಅಡಿ ಐದು ಡಬಲ್ ಡೆಕ್ಕರ್ ಎಸಿ ಬಸ್ ಗಳನ್ನು ನಗರಕ್ಕೆ ಪುನರ್ ಪರಿಚಯಿಸಲು ಯೋಜಿಸಿತ್ತು. ಅದಕ್ಕಗಾಗಿ ಟೆಂಡರ್ ಆಹ್ವಾನಿಸಿತ್ತು ಎಂದು 'ಬೆಂಗಳೂರು ಮಿರರ್' ವರದಿ ಮಾಡಿದೆ.
ರೂ.99 ರಿಂದ 102.5 ರೂ. ಬಿಡ್
ಡಬಲ್ ಡೆಕ್ಕರ್ ಬಸ್ ಮೊದಲ ಟೆಂಡರ್ ನಲ್ಲಿ ಕೇವಲ ಒಬ್ಬ ಬಿಡ್ಡರ್ ಪಾಲ್ಗೊಂಡಿದ್ದರು. ನಂತರ ಮತ್ತೆ ಟೆಂಡರ್ ಕರೆಯಲಾಯಿತು. ಆಗ ಕೆಲವೇ ಕೆಲವು ಕಂಪನಿಗಳು ಪಾಲ್ಗೊಂಡಿದ್ದು, ಹೆಚ್ಚಿನ ಹಣ ಕೇಳಿವೆ. ಒಂದು ಕಿಲೋಮೀಟರ್ಗೆ ರೂ.99 ರಿಂದ 102.5 ರೂ.ವರೆಗೆ ಬಿಡ್ಗಳನ್ನು ಸ್ವೀಕರಿಸಲಾಗಿದೆ ಎಂದು ಬಿಎಂಟಿಸಿ ಮೂಲಗಳು ತಿಳಿಸಿವೆ.
ಕೇಳಿದಷ್ಟು ಹಣಕ್ಕೆ ಟೆಂಡರ್ ಮುಗಿಸಿದರೆ ಟಿಕೆಟ್ ದರ ಹೆಚ್ಚಿಸಬೇಕಾಗುತ್ತದೆ. ಇದರಿಂದ ನಿಗಮಕ್ಕೆ ನಷ್ಟವಾಗುತ್ತದೆ. ಇನ್ನಷ್ಟು ಸಮಸ್ಯೆಗಳು ಸೃಷ್ಟಿಯಾಗಲಿವೆ ಎಂಬ ಕಾರಣಕ್ಕಾಗಿ ಈ ದುಬಾರಿ ಟೆಂಡರ್ ರದ್ದುಗೊಂಡಿದೆ. ಮತ್ತೆ ಕರೆಯುವ ನಿರೀಕ್ಷೆ ಇದೆ. ಖರ್ಚು ಹೆಚ್ಚು ಆದಾಯ ಕಡಿಮೆ ಆದರೆ ಸರಿದೂಗಿಸುವುದು ಭವಷ್ಯದಲ್ಲಿ ಕಷ್ಟವಾಗುವ ಉದ್ದೇಶದಿಂದ ಅಧಿಕಾರಿಗಳು ಟೆಂಡರ್ ಕೈ ಬಿಟ್ಟಿದ್ದಾರೆ ಎನ್ನಲಾಗಿದೆ.
ಡೆಬಲ್ ಡೆಕ್ಕರ್ ಬಸ್ ಕನಸಾಗಿಯೇ ಉಳಿದು ಬಿಡುತ್ತಾ?
ಸದ್ಯ ಬಿಎಂಟಿಸಿಯು ಪ್ರತಿ ಕಿಲೋಮೀಟರ್ಗೆ ಪ್ರತಿ ಕಿಲೋಮೀಟರ್ಗೆ ರೂ.40 ನಂತೆ ಎಲೆಕ್ಟ್ರಿಕ್ ಬಸ್ಗಳು ಹಾಗೂ ರೂ.60 ದರದಲ್ಲಿ ಸಾಮಾನ್ಯ ಬಸ್ಗಳನ್ನು ನಿರ್ವಹಿಸುತ್ತದೆ. ಆದರೆ ಡಬಲ್ ಡೆಕ್ಕರ್ ಬಸ್ಗಳಿಗೆ ಪ್ರತಿ ಕಿಮೀಗೆ ರೂ.99 ರಿಂದ 102.5 ರೂ.ವರೆಗೆ ನೀಡಲು ಆಗುವುದಿಲ್ಲ. ಅಲ್ಲದೇ ಕಡಿಮೆ ಹಣಕ್ಕೆ ಬಿಡ್ದಾರು ಒಪ್ಪಿಲ್ಲ ಎನ್ನಲಾಗಿದೆ. ಹೀಗಾಗಿ ಡಬಲ್ ಡೆಕ್ಕರ್ಗೆ ಆರಂಭದಲ್ಲೇ ವಿಘ್ನಗಳು ಎದುರಾಗಿದೆ. ಇದು ಹೀಗೆ ಮುಂದುವರಿದರೆ ಡೆಬಲ್ ಡೆಕ್ಕರ್ ಮರು ಪರಿಚಯಿಸುವ ಕನಸು ಕನಸಾಗಿಯೇ ಉಳಿದು ಬಿಡುತ್ತಾ? ಕಾದು ನೋಡಬೇಕಿದೆ.
-
Weekly Horoscope March 9–15: ಮಾರ್ಚ್ ವಾರಭವಿಷ್ಯ – 12 ರಾಶಿಗಳ ಸುಖ-ದುಃಖ, ಹಣಕಾಸು ಮತ್ತು ಆರೋಗ್ಯ ಫಲ -
Ration card: ರಾಜ್ಯದಲ್ಲಿ ಪಡಿತರಚೀಟಿ ತಿದ್ದುಪಡಿಗೆ ಮತ್ತೆ ಅವಕಾಶ -
Vande Bharat Express: 20 ಬೋಗಿಗಳ 42ನೇ ವಂದೇ ಭಾರತ್ ರೈಲು ಸಂಚಾರ ಆರಂಭ, ಎಲ್ಲಿ? ವೇಳಾಪಟ್ಟಿ -
ಟಿ20 ವಿಶ್ವಕಪ್ 2026 ಫೈನಲ್ ಪಂದ್ಯ ಮಳೆಯಿಂದ ರದ್ದಾದ್ರೆ ಟ್ರೋಫಿ ಯಾರ ಮುಡಿಗೆ?; ಐಸಿಸಿ ನಿಯಮಗಳು ಹೀಗಿವೆ -
Gold Price: ಚಿನ್ನ ಬೆಲೆ ಭಾರಿ ಕುಸಿತ ಸಾಧ್ಯತೆ, ಆದರೆ ಇದೊಂದು ದೇಶದ ನಿರ್ಧಾರ ಮುಖ್ಯ -
Horoscope March 7: ಉದ್ಯೋಗದಲ್ಲಿ ಉತ್ತಮ ಬದಲಾವಣೆ, ದಾಂಪತ್ಯದಲ್ಲಿ ಸಿಹಿ ಅಲೆ, ದಿನ ಭವಿಷ್ಯ -
ಕನ್ನಡ ನಾಡಿನ ಪ್ರತಿಭೆಗಳ ಸಾಧನೆ, ಯುಪಿಎಸ್ಸಿ ಟಾಪರ್ಸ್ ಮಾಹಿತಿ ತಿಳಿಯಿರಿ | UPSC Toppers -
ಕರ್ನಾಟಕಕ್ಕೆ ಬಂದ್ರೆ ಅಮ್ಮನ ಮನೆಗೆ ಬಂದಂತೆ ಭಾಸವಾಗುತ್ತೆ: ಕನ್ನಡದಲ್ಲೇ ಭಾಷಣ ಮಾಡಿದ ನಟ ಜ್ಯೂನಿಯರ್ ಎನ್ಟಿಆರ್ -
Women's Day Wishes: ಹೆಣ್ಣು ಜಗದ ಕಣ್ಣು: ಮಹಿಳಾ ದಿನಕ್ಕೆ ನಿಮ್ಮ ಪ್ರೀತಿಪಾತ್ರರಿಗೆ ಶುಭ ಕೋರಲು ಇಲ್ಲಿವೆ ಸುಂದರ ಸಾಲುಗಳು -
MS Dhoni: ಕುಣಿದು ಕುಪ್ಪಳಿಸುತ್ತಿದ್ದ ಪತ್ನಿ ಸಾಕ್ಷಿ ಸಿಂಗ್ಗೆ ಸುಮ್ನೆ ಕೂತ್ಕೋ ಎಂದ ಎಂಎಸ್ ಧೋನಿ -
Bengaluru Home: ಬೆಂಗಳೂರಲ್ಲಿ ಸ್ವಂತ ಮನೆಯ ಕನಸು ಕಾಣುತ್ತಿರುವವರಿಗೆ ಜಿಬಿಎ ಗುಡ್ನ್ಯೂಸ್: ಒಂಟಿ ಮನೆ ಯೋಜನೆ ಅಪ್ಡೇಟ್ಸ್ -
Gold Rate Today: ಸತತ ಆರನೇ ದಿನವೂ ಚಿನ್ನದ ಬೆಲೆಯಲ್ಲಿ ಇಳಿಕೆ: ಬೆಂಗಳೂರಿನಲ್ಲಿ ಇಂದಿನ ದರಗಳು ಹೀಗಿವೆ
Click it and Unblock the Notifications
Sign in with Google