ಬಸವೇಶ್ವರ ನಿಲ್ದಾಣದಿಂದ ಬಿಎಂಟಿಸಿ ಸಂಪರ್ಕ ಸೇವೆ
ಬೆಂಗಳೂರು, ಸೆ. 13 : ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ) ಪ್ರಯಾಣಿಕರ ಅನುಕೂಲಕ್ಕಾಗಿ ಪೀಣ್ಯದ ಬಸವೇಶ್ವರ ಬಸ್ ನಿಲ್ದಾಣದಿಂದ ನಗರದ ವಿವಿಧ ಭಾಗಗಳಿಗೆ ಹೊಸ ಮಾರ್ಗಗಳನ್ನು ಹಾಗೂ ಪ್ರಸ್ತುತ ಆಚರಣೆಯಲ್ಲಿರುವ ಕೆಲವು ಮಾರ್ಗಗಳನ್ನು ವಿಸ್ತರಣೆ ಮಾಡಿದೆ.
ಸೆ.10ರಿಂದ ಪೀಣ್ಯದ ಬಸವೇಶ್ವರ ಬಸ್ ನಿಲ್ದಾಣ ಕಾರ್ಯಾರಂಭ ಮಾಡಿದ್ದು, ಉತ್ತರ ಕರ್ನಾಟಕದ ಕಡೆ ಸಾಗುವ 146 ವೇಗದೂತ ಬಸ್ಸುಗಳು ಇಲ್ಲಿಂದ ಕಾರ್ಯನಿರ್ವಹಿಸುತ್ತಿವೆ. ಆದ್ದರಿಂದ ಈ ನಿಲ್ದಾಣಕ್ಕೆ ಹೋಗುವ ಪ್ರಯಾಣಿಕರಿಗೆ ಅನುಕೂಲವಾಗಲಿ ಎಂದು ಬಿಎಂಟಿಸಿ ನೂತನ ಮಾರ್ಗಗಳಲ್ಲಿ ಬಸ್ ಓಡಿಸಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಕೆಎಸ್ಆರ್ಟಿಸಿ ಕೆಂಪೇಗೌಡ ಬಸ್ ನಿಲ್ದಾಣದಿಂದ ಪೀಣ್ಯದ ಬಸವೇಶ್ವರ ಬಸ್ ನಿಲ್ದಾಣಕ್ಕೆ ತೆರಳಲು ಹಗಲು ಹೊತ್ತಿನಲ್ಲಿ ಪ್ರತಿ 15 ನಿಮಿಷಕ್ಕೊಮ್ಮೆ, ರಾತ್ರಿ 30 ನಿಮಿಷಕ್ಕೊಮ್ಮೆ ಸಂಪರ್ಕ ಸಾರಿಗೆ ಬಸ್ ವ್ಯವಸ್ಥೆ ಕಲ್ಪಿಸಿದೆ. ಇದರಲ್ಲಿ ತೆರಳಲು 15 ರೂ. ಪ್ರಯಾಣ ದರ ನೀಡಬೇಕಾಗಿದೆ. ಸದ್ಯ ಬಿಎಂಟಿಸಿಯೂ ಪೀಣ್ಯಕ್ಕೆ ಸಂಪರ್ಕ ಕಲ್ಪಿಸಲು ಹೊಸ ಮಾರ್ಗಗಳನ್ನು ಪರಿಚಯಿಸಿದ್ದು, ಪ್ರಯಾಣಿಕರಿಗೆ ಸಹಾಯಕವಾಗಲಿದೆ. [ಪೀಣ್ಯದ ಬಸವೇಶ್ವರ ಬಸ್ ನಿಲ್ದಾಣ ಹೇಗಿದೆ ಗೊತ್ತೆ?]
| ಮಾರ್ಗ ಸಂಖ್ಯೆ | ಎಲ್ಲಿಂದ-ಎಲ್ಲಿಗೆ | ಒಟ್ಟು ಬಸ್ಸುಗಳು | ಒಟ್ಟು ಟ್ರಿಪ್ಗಳು | ||
| 252 ಪಿಎಸ್ | ಬಸವೇಶ್ವರ ಬಸ್ ನಿಲ್ದಾಣದಿಂದ -ಮೆಜೆಸ್ಟಿಕ್ | 12 | 150 | ||
| 248 ಪಿಎಸ್ | ಬಸವೇಶ್ವರ ಬಸ್ ನಿಲ್ದಾಣ-ಕೆ.ಆರ್.ಮಾರುಕಟ್ಟೆ ಮಾರ್ಗ : ಜಾಲಹಳ್ಳಿ ಕ್ರಾಸ್, ಸುಂಕದಕಟ್ಟೆ, ವಿಜಯನಗರ, ಸಿರ್ಸಿ ಸರ್ಕಲ್ | 10 | 92 | ||
| 410 ಪಿಎಸ್ | ಬಸವೇಶ್ವರ ಬಸ್ ನಿಲ್ದಾಣ - ಬೊಮ್ಮನಹಳ್ಳಿ ಮಾರ್ಗ : ಜಾಲಹಳ್ಳಿ ಕ್ರಾಸ್, ಸುಂಕದಕಟ್ಟೆ, ವಿಜಯನಗರ, ಬನಶಂಕರಿ | 5 | 40 | ||
| ಬಿಸಿ-7ಬಿ | ಬಸವೇಶ್ವರ ಬಸ್ ನಿಲ್ದಾಣ - ಬ್ಯಾಡರಹಳ್ಳಿ ಮಾರ್ಗ : ದಾಸರಹಳ್ಳಿ 8ನೇ ಮೈಲಿ, ಅಂದ್ರಹಳ್ಳಿ, ತುಂಗಾ ನಗರ | 4 | 48 | ||
| ಎಎಸ್-9 | ಬಸವೇಶ್ವರ ಬಸ್ ನಿಲ್ದಾಣ - ಬ್ಯಾಡರಹಳ್ಳಿ | 4 | 80 | ||
| ಟಿಆರ್-12 | ಬಸವೇಶ್ವರ ಬಸ್ ನಿಲ್ದಾಣ -ಶ್ರೀನಗರ ಮಾರ್ಗ : ಎಸ್ಆರ್ಎಸ್, ರಾಜಾಜಿನಗರ 1ನೇ ಬ್ಲಾಕ್, ಬಿನ್ನಿಮಿಲ್, ಸಿರ್ಸಿ ಸರ್ಕಲ್ | 11 | 96 | ||
| ಕೆ-1 | ಬಸವೇಶ್ವರ ನಿಲ್ದಾಣ - ಸೆಂಟ್ರಲ್ ಸಿಲ್ಕ್ ಬೋರ್ಡ್ ಮಾರ್ಗ : ಯಶವಂತಪುರ, ಮೇಖ್ರಿ ಸರ್ಕಲ್, ಶಿವಾಜಿನಗರ, ದೊಮ್ಮಲೂರು, ಕೋರಮಂಗಲ | 13 | 104 | ||
Click it and Unblock the Notifications
Sign in with Google