Bengaluru Traffic: 40 ಬಾರಿ ಟ್ರಾಫಿಕ್ ನಿಯಮ ಉಲ್ಲಂಘನೆ: ಬೆಂಗಳೂರಿನಲ್ಲಿ ₹12,000 ದಂಡ ಕಟ್ಟಿದ ಬೈಕ್ ಸವಾರ
ಕೆಲವರಿಗೆ ಟ್ರಾಫಿಕ್ ರೂಲ್ಸ್ ಅಂದ್ರೆನೆ ಲೆಕ್ಕಕ್ಕಿಲ್ಲ, ರೂಲ್ಸ್ ಇರೋದೆ ಬ್ರೇಕ್ ಮಾಡೋಕೆ ಅನ್ನೋತರ ಹೆಲ್ಮೆಟ್ ಹಾಕ್ದೆ, ಒನ್ ವೇ ಅಂತಾನೂ ನೋಡದೆ, ಟ್ರಾಫಿಕ್ ರೂಲ್ಸ್ಗೂ ಕೇರ್ ಮಾಡದೇ ಬೈಕ್ ಓಡಿಸ್ತಾರೆ. ಇಂತಹವರಿಗೆ ಅಂತಾನೆ ಬೆಂಗಳೂರು ಪೊಲೀಸರು ಎಲ್ಲೆಡೆ ಕ್ಯಾಮೆರಾ ಅಳವಡಿಸಿ, ದಂಡ ಹಾಕ್ತಿದ್ದಾರೆ. ಹಲವು ರೂಲ್ಸ್ ಬ್ರೇಕ್ ಮಾಡಿ ಫೈನ್ ಕಟ್ಟದೆ ಒಂದಿನ ಪೊಲೀಸ್ ಹತ್ರ ತಗಲಾಕಿಕೊಂಡ್ರೆ ಎಲ್ಲಾ ದಂಡನೂ ಒಟ್ಟಿಗೆ ವಸೂಲಿ ಮಾಡ್ತಾರೆ.
ಶನಿವಾರ ಕೂಡ ಅಂತಹ ಒಬ್ಬ ಬೈಕ್ ಸವಾರ ಪೊಲೀಸರ ಕೈಗೆ ತಗಲಾಕಿಕೊಂಡಿದ್ದಾರೆ. ಟ್ರಾಫಿಕ್ ಪೊಲೀಸರು ಬೈಕ್ ಅಡ್ಡಗಟ್ಟಿ ಫೈನ್ ಹಾಕೋಕೆ ನೋಡಿದ್ರೆ, ಆ ಬೈಕ್ ಮೇಲೆ ಆಗಲೆ 40 ಬಾರಿ ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಾಡಿರೋ ಫೈನ್ ಇತ್ತು. ಪೊಲೀಸರು ಸ್ಥಳದಲ್ಲೇ ಹಳೆ ಬಾಕಿ ಸಮೇತ ದಂಡ ವಸೂಲಿ ಮಾಡಿದ್ದಾರೆ.
40 ಬಾರಿ ರೂಲ್ಸ್ ಬ್ರೇಕ್ ಮಾಡಿರೋ ತಪ್ಪಿಗೆ ಬೈಕ್ ಸವಾರ 12,000 ರೂಪಾಯಿ ದಂಡ ಕಟ್ಟಿದ್ದಾರೆ. ಎಕ್ಸ್ (ಟ್ವಿಟರ್) ನಲ್ಲಿ ಟ್ರಾಫಿಕ್ ಪೊಲೀಸರು ಈ ವಿಚಾರವನ್ನು ಹಂಚಿಕೊಂಡಿದ್ದಾರೆ. ತಲ್ಲಘಟ್ಟ ಪೊಲೀಸ್ ವ್ಯಾಪ್ತಿಯಲ್ಲಿ ವ್ಯಕ್ತಿ ಸಿಕ್ಕಿಬಿದ್ದಿದ್ದಾನೆ. ಪೊಲೀಸರು ಆತನ ವಿರುದ್ಧ ಸುದೀರ್ಘ ಬಾಕಿ ಉಳಿದಿರುವ ಇತಿಹಾಸವನ್ನು ಕಂಡುಹಿಡಿದು ಸ್ಥಳದಲ್ಲೇ ದಂಡವನ್ನು ಪಾವತಿಸುವಂತೆ ಮಾಡಿದರು. ಟ್ರಾಫಿಕ್ ಪೊಲೀಸರು ಫೋಟೊ ಹಂಚಿಕೊಂಡು "ಒಟ್ಟು 40 ಬಾಕಿ ಉಳಿದಿರುವ ಪ್ರಕರಣಗಳು ₹12000 ಅನ್ನು ತೆರವುಗೊಳಿಸುತ್ತವೆ" ಎಂದು ಶೀರ್ಷಿಕೆ ನೀಡಿದ್ದಾರೆ.
ನೆಟ್ಟಿಗರು ಹೇಳಿದ್ದೇನು?
ಈ ಚಿತ್ರವನ್ನು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ ಮತ್ತು ನಿಯಮ ಉಲ್ಲಂಘಿಸಿದ ಸವಾರ ದಂಡ ಕಟ್ಟಿದ ಬಳಿಕ ಮಾರುದ್ದದ ಚಲನ್ ಪಡೆದುಕೊಂಡಿದ್ದಾರೆ. ಇದಕ್ಕೆ ಒಬ್ಬ ಟ್ವಿಟರ್ ಬಳಕೆದಾರರು ಪ್ರತಿಕ್ರಿಯೆ ನೀಡಿ, "ಅಷ್ಟು ದಂಡ ಕಟ್ಟಿದ್ದಕ್ಕಾಗಿ ಅವನು ತುಂಬಾ ಹೆಮ್ಮೆಪಡುತ್ತಾನೆಯೇ?" ಎಂದು ಪ್ರಶ್ನೆ ಮಾಡಿದ್ದಾರೆ.
ಪದೇ ಪದೇ ನಿಯಮ ಉಲ್ಲಂಘಿಸುವವರ ಚಾಲನಾ ಪರವಾನಗಿಯನ್ನು ರದ್ದು ಮಾಡಬೇಕು ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ. "ದಂಡವನ್ನು ಸಂಗ್ರಹಿಸುವುದು ನಿಜವಾಗಿಯೂ ನಿಮ್ಮ ಕೆಲಸವಲ್ಲ, ತಕ್ಷಣವೇ ಜಾರಿಗೆ ಬರುವಂತೆ ಅವರ ಡ್ರೈವಿಂಗ್ ಲೈಸೆನ್ಸ್ ಅನ್ನು ರದ್ದುಗೊಳಿಸಲು ನೀವು RTO ಗೆ ಶಿಫಾರಸು ಮಾಡಬೇಕಲ್ಲವೇ? ಬಹುಶಃ ಅವನಿಗೆ ಸಲಹೆಯ ಅಗತ್ಯವಿದೆ. ಇಲ್ಲದಿದ್ದರೆ, ಮುಂದಿನ ವರ್ಷವೂ ನೀವು ಅವರೊಂದಿಗೆ ಮತ್ತೊಂದು ಫೋಟೋವನ್ನು ಪೋಸ್ಟ್ ಮಾಡುತ್ತೀರಿ,: ಎಂದು ಇನ್ನೊಬ್ಬ ಬಳಕೆದಾರರು ಹೇಳಿದರು.
"ಅಷ್ಟು ದಂಡ ಕಟ್ಟಿದರೂ ಬೈಕ್ ಸವಾರನ ಮುಖದಲ್ಲಿ ಯಾವುದೇ ವಿಷಾದವಿಲ್ಲ. ಬೆಂಗಳೂರು ಟ್ರಾಫಿಕ್ ಪೊಲೀಸರು ದಂಡವನ್ನು ಇನ್ನಷ್ಟು ಹೆಚ್ಚಿಸಬೇಕು. ಜನ ಟ್ರಾಫಿಕ್ ನಿಯಮ ಉಲ್ಲಂಘಿಸಲು ಹೆದರುವಂತೆ ಆಗಬೇಕು" ಎಂದು ಹೇಳಿದ್ದಾರೆ.
ಸಂಧ್ಯಾ ಎಂಬ ಬಳಕೆದಾರರೂ ಚಿತ್ರವನ್ನು ಅವರ ಒಪ್ಪಿಗೆಯೊಂದಿಗೆ ಹಾಕಲಾಗಿದೆಯೇ ಎಂದು ಪ್ರಶ್ನಿಸಿದ್ದಾರೆ. ಈ ರೀತಿ ಸಾರ್ವಜನಿಕವಾಗಿ ಫೋಟೊ ಹಂಚಿಕೊಳ್ಳಲು ಅವರ ಒಪ್ಪಿಗೆ ಪಡೆದುಕೊಂಡಿದ್ದೀರಾ ಎಂದು ಕೇಳಿದ್ದಾರೆ.
ಉಲ್ಲಂಘನೆ ಪತ್ತೆಹಚ್ಚಲು ತಂತ್ರಜ್ಞಾನ
ಬೆಂಗಳೂರು ಟ್ರಾಫಿಕ್ ಪೊಲೀಸರು ಇತ್ತೀಚೆಗೆ ನಗರದಲ್ಲಿ ಟ್ರಾಫಿಕ್ ಉಲ್ಲಂಘನೆಯನ್ನು ಪತ್ತೆಹಚ್ಚಲು ಮತ್ತು ಉಲ್ಲಂಘಿಸುವವರಿಗೆ ಚಲನ್ ನೀಡಲು ಇಂಟೆಲಿಜೆಂಟ್ ಟ್ರಾಫಿಕ್ ಮ್ಯಾನೇಜ್ಮೆಂಟ್ ಸಿಸ್ಟಮ್ (ಐಟಿಎಂಎಸ್) ಅನ್ನು ಪರಿಚಯಿಸಿದ್ದಾರೆ. ಆರ್ಟಿಫಿಷಿಯಲ್ ಇಂಟಲೆಜೆನ್ಸ್ (AI) ವ್ಯವಸ್ಥೆಯು ವೇಗದ ಮಿತಿ ಉಲ್ಲಂಘನೆ, ಸಿಗ್ನಲ್ ಜಂಪ್ ಮಾಡುವುದು, ಹೆಲ್ಮೆಟ್ ಇಲ್ಲದೆ ಸವಾರಿ ಮಾಡುವುದು, ಟ್ರಿಪಲ್ ರೈಡಿಂಗ್ ಮತ್ತು ಚಾಲನೆ ಮಾಡುವಾಗ ಮೊಬೈಲ್ ಫೋನ್ ಬಳಸುವುದನ್ನು ಪತ್ತೆ ಮಾಡುತ್ತದೆ.
Click it and Unblock the Notifications
Sign in with Google