ಗಣೇಶ ಪ್ರಿಯರೇ 1001 ಗಣಪತಿ ಕಾಣಿರಿ, ಪುನೀತರಾಗಿರಿ

ಬೆಂಗಳೂರು, ಸೆಪ್ಟೆಂಬರ್, 16 : ವಿನಾಯಕ ಚತುರ್ಥಿಯ ಪ್ರಯುಕ್ತ ಗಣೇಶ ಪ್ರಿಯರಾದ ಬೆಂಗಳೂರಿನ ನೆಲಮಂಗಲದ ಜನಪ್ರಿಯ ಅಪಾರ್ಟ್ ಮೆಂಟ್ ನ ರಾಜೀವ್ ಭಟ್ ಎಂಬುವರು 1001 ಗಣಪತಿ ಕೂರಿಸಲು ಎಲ್ಲಾ ಸಿದ್ಧತೆ ಮಾಡಿಕೊಂಡಿದ್ದಾರೆ. ಒಟ್ಟಿನಲ್ಲಿ ವಿನಾಯಕ ಪ್ರಿಯರಿಗೆ ಒಂದೆಡೆಯೇ ಸಾವಿರದೊಂದು ಗಣಪತಿ ನೋಡುವ ಭಾಗ್ಯ ದೊರೆಯಲಿದೆ.

ಗಣಪತಿ ಸಂಗ್ರಹಣೆಯಲ್ಲಿ ತೊಡಗಿರುವ ಇವರು 16,000ಕ್ಕೂ ಹೆಚ್ಚು ಗಣಪತಿ ಸಂಗ್ರಹಿಸಿದ್ದಾರೆ. ಇವರ ಸಂಗ್ರಹಣಾ ವೈಶಿಷ್ಟ್ಯತೆಯನ್ನು ನೋಡುವ ಅವಕಾಶ 'ದಿ ಆಮ್ ಶಕ್ ಆರ್ಟ್ ಗ್ಯಾಲರಿ' ಯಲ್ಲಿ ಸೆಪ್ಟೆಂಬರ್ 18ರ ಶುಕ್ರವಾರದಂದು ದಿನಪೂರ್ತಿ ದೊರೆಯಲಿದೆ.[ಬಸವನಗುಡಿ ಗಣೇಶ ಉತ್ಸವಕ್ಕೆ 53, ವಿಶೇಷಗಳು ಹಲವಾರು]

ರಾಜೀವ್ ಬಟ್ ಅವರು 2000ದಿಂದಲೇ ವೈವಿಧ್ಯಮಯ ಗಣೇಶ ಸಂಗ್ರಹಣೆಯಲ್ಲಿ ಸಕ್ರಿಯವಾಗಿ ತೊಡಗಿಕೊಂಡಿದ್ದಾರೆ. ಪ್ರತಿವರ್ಷ ವಿಭಿನ್ನ ಪರಿಕಲ್ಪನೆಯೊಂದಿಗೆ ಗಣೇಶ ಸಂಗ್ರಹದಲ್ಲಿ ತಲ್ಲೀನರಾಗಿರುವ ಇವರು ಈ ವರ್ಷ ಉದ್ಭವ ಗಣೇಶ ಶ್ರೋಣಾಭದ್ರಾ ಶೀಲಾ ಎಂಬ ಪರಿಕಲ್ಪನೆ ಇಟ್ಟುಕೊಂಡಿದ್ದಾರೆ.

ಗಣೇಶ ವಿಗ್ರಹಗಳ ಸಂಗ್ರಹಣೆ, ಸಂಶೋಧನೆಯಲ್ಲಿ ತಲ್ಲೀನರಾಗಿರುವ ರಾಜೀವ್ ಭಟ್ ಕಳೆದ ಭಾರೀ ಅಕ್ಷರ ಗಣೇಶ ಪರಿಕಲ್ಪನೆ ಇಟ್ಟುಕೊಂಡು ಚಿತ್ರಕಲಾ ಪರಿಷತ್ತಿನ ಚಿತ್ರ ಸಂತೆಯಲ್ಲಿ ಪ್ರದರ್ಶನ ಏರ್ಪಡಿಸಿದ್ದರು . ಕಳೆದ ವರ್ಷ ಇದು ಸಾಕಷ್ಟು ಪ್ರಸಿದ್ಧಿಗೊಂಡಿತ್ತು.

ಒಟ್ಟಿನಲ್ಲಿ ವಿನಾಯಕ ಪ್ರಿಯರು ಗಣಪತಿ ಹಬ್ಬದೊಂದು 51, 101 ಗಣಪತಿ ನೋಡುವುದಾಗಿ ಹರಕೆ ಕಟ್ಟಿಕೊಂಡಿರುತ್ತಾರೆ. ಇವರ ಆಕಾಂಕ್ಷೆ ಈಡೇರಲು ಒಳ್ಳೆಯ ಅವಕಾಶ ದೊರೆಯಲಿದೆ. ಹೆಚ್ಚಿನ ಮಾಹಿತಿಗಾಗಿ ರಾಜೀವ್ ಅವರನ್ನು 9972519045 ಸಂಪರ್ಕಿಸಬಹುದು.

English summary

Rajeev Bhat is resident of Bengaluru Nelamangala. He is collected 1001 ganapathi for ganesh festival. They give a seeing opportunity to public on September 18th Friday.