Instagam ಗೆ ಎಂಟ್ರಿ ಕೊಟ್ಟ ಬೆಂಗಳೂರು ಪೊಲೀಸರು
ಸಾಮಾಜಿಕ ಜಾಲ ತಾಣಗಳಾದ ಫೇಸ್ ಬುಕ್, ಟ್ವಿಟ್ಟರ್ ನಲ್ಲಿ ಸಕತ್ತಾಗಿ ಸಕ್ರಿಯವಾಗಿ ಜನಮೆಚ್ಚುಗೆ ಗಳಿಸಿರುವ ನಮ್ಮ ಬೆಂಗಳೂರು ಪೊಲೀಸರು ಈಗ ವಿಡಿಯೋ ಹಂಚಿಕೆ ತಾಣ ಇನ್ಸ್ಟಾಗ್ರಾಮ್ ಗೂ ಕಾಲಿರಿಸಿದ್ದಾರೆ.
ಬೆಂಗಳೂರು, ಏಪ್ರಿಲ್ 17: ಸಾಮಾಜಿಕ ಜಾಲ ತಾಣಗಳಾದ ಫೇಸ್ ಬುಕ್, ಟ್ವಿಟ್ಟರ್ ನಲ್ಲಿ ಸಕತ್ತಾಗಿ ಸಕ್ರಿಯವಾಗಿ ಜನಮೆಚ್ಚುಗೆ ಗಳಿಸಿರುವ ನಮ್ಮ ಬೆಂಗಳೂರು ಪೊಲೀಸರು ಈಗ ಫೋಟೋ, ವಿಡಿಯೋ ಹಂಚಿಕೆ ತಾಣ ಇನ್ಸ್ಟಾಗ್ರಾಮ್ ಗೂ ಕಾಲಿರಿಸಿದ್ದಾರೆ. ಈ ಬಗ್ಗೆ ಟ್ವಿಟ್ಟರ್ ಮೂಲಕ ಬೆಂಗಳೂರು ಪೊಲೀಸ್ ಆಯುಕ್ತ ಕಚೇರಿ ಮಾಹಿತಿ ನೀಡಿದೆ.
ಮೈಕ್ರೋ ಬ್ಲಾಗಿಂಗ್ ತಾಣ ಟ್ವಿಟ್ಟರಲ್ಲಿ ಇತ್ತೀಚೆಗೆ 6 ಲಕ್ಷ ಹಿಂಬಾಲಕರನ್ನು ಹೊಂದಿದ ಬೆಂಗಳೂರು ನಗರ ಪೋಲಿಸರು, ಸಾಮಾಜಿಕ ಜಾಲ ತಾಣಗಳನ್ನು ಸಮರ್ಥವಾಗಿ ಬಳಸಿಕೊಳ್ಳುವುದರಲ್ಲಿ ಮುಂಚೂಣಿಯಲ್ಲಿದ್ದಾರೆ. ಈ ಮೂಲಕ ಸಾರ್ವಜನಿಕ ಜತೆ ಉತ್ತಮ ಸಂಪರ್ಕ ಹೊಂದಿದ್ದು, ದೇಶದಲ್ಲೇ ವಿಶಿಷ್ಟ ಇಲಾಖೆ ಎನಿಸಿಕೊಂಡಿದೆ.
ದೆಹಲಿ,ಮುಂಬೈ, ಚೆನ್ನೈ, ಕೋಲ್ಕತಾ ದ ಪೊಲೀಸ್ ಇಲಾಖೆಗೆ ಹೋಲಿಸಿದರೆ ನಮ್ಮ ಬೆಂಗಳೂರು ಪೊಲೀಸರು ಸಾಮಾಜಿಕ ಜಾಲ ತಾಣಗಳಲ್ಲಿ ಸಕ್ರಿಯರಾಗಿದ್ದಾರೆ. ಸಾರ್ವಜನಿಕರ ಕುಂದು ಕೊರತೆಗಳು, ಕ್ರೈಂ ಮಾಹಿತಿ, ಮುನ್ನಚ್ಚರಿಕೆ ಕ್ರಮಗಳು ಮುಂತಾದ ಸಂದೇಶಗಳನ್ನು ಕಾಣಬಹುದು.
ನಿಮ್ಮ ನಗರಕ್ಕೆ ಸೂಪರ್ ಹೀರೋ ಅಗತ್ಯವಿಲ್ಲ ನಾವಿದ್ದೇವೆ ಎನ್ನುವ ಮೂಲಕ ಇನ್ಸ್ಟ್ರಾಗ್ರಾಮ್ ನಲ್ಲಿ Bengaluru City Police ಹೆಸರಿನಲ್ಲಿ ಖಾತೆ ಹೊಂದಲಾಗಿದೆ. ಈ ಸಮಯಕ್ಕೆ 269 ಹಿಂಬಾಲಕರನ್ನು ಹೊಂದಿದೆ.
Click it and Unblock the Notifications
Sign in with Google