• search
  • Live TV
ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ರಷ್ಯಾದ ಸ್ಪುಟ್ನಿಕ್ V ಕೋವಿಡ್ ಲಸಿಕೆ ಬೆಂಗಳೂರಲ್ಲಿ ಉತ್ಪಾದನೆ

|
Google Oneindia Kannada News

ಬೆಂಗಳೂರು, ಮಾರ್ಚ್ 19: ರಷ್ಯಾದ ಕೋವಿಡ್ ಲಸಿಕೆಯಾದ ಸ್ಪುಟ್ನಿಕ್ V ಅನ್ನು ಬೆಂಗಳೂರಿನಲ್ಲಿ ಕೇಂದ್ರ ಕಚೇರಿನ ಹೊಂದಿರುವ ಸ್ಟ್ರೈಡ್ಸ್ ಫಾರ್ಮಾ ಸೈನ್ಸ್‌ನ ಅಂಗ ಸಂಸ್ಥೆ ಸ್ಟೆಲಿಸ್ ಬಯೋಫಾರ್ಮಾ ತಯಾರಿಸಲಿದೆ. ರಷ್ಯಾದ ಸ್ಪುಟ್ನಿಕ್ ಕೋವಿಡ್ ಲಸಿಕೆಯು ಹಲವು ತಿಂಗಳ ಹಿಂದೆಯೇ ಭಾರತದಲ್ಲಿ ತುರ್ತು ಬಳಕೆಗೆ ಅನುಮತಿ ಕೋರಿತ್ತು. ಆದರೆ ಇದುವರೆಗೂ ಅದಕ್ಕೆ ಅನುಮತಿ ನೀಡಿಲ್ಲ. ಈ ನಡುವೆ ಸ್ಟೆಲಿಸ್ ಬಯೋಫಾರ್ಮಾ ಕನಿಷ್ಠ 200 ಮಿಲಿಯನ್ ಡೋಸ್ ಲಸಿಕೆಗಳ ಉತ್ಪಾದನೆ ಹಾಗೂ ಪೂರೈಕೆಯ ಕಾರ್ಯನಡೆಸುತ್ತಿದೆ.

ಇತ್ತೀಚಿನ ಒಪ್ಪಂದವು ಭಾರತದಲ್ಲಿ ವರ್ಷಕ್ಕೆ ಸುಮಾರು 550 ಮಿಲಿಯನ್ ಡೋಸ್ ಸ್ಪುಟ್ನಿಕ್ ಲಸಿಕೆಯನ್ನು ಉತ್ಪಾದಿಸುವಷ್ಟು ಸಾಮರ್ಥ್ಯವನ್ನು ಹೆಚ್ಚಿಸಿದೆ. ರಷ್ಯಾದ ನೇರ ಹೂಡಿಕೆ ನಿಧಿಯೊಂದಿಗೆ (ಆರ್‌ಡಿಐಎಫ್) ಸ್ಟೆಲಿಸ್ ಪಾಲುದಾರಿಕೆ ಒಪ್ಪಂದ ಮಾಡಿಕೊಂಡಿದೆ.

ಬೆಂಗಳೂರು: ಯಲಹಂಕದಲ್ಲಿ ಒಂದೇ ದಿನ 3 ಕೊರೊನಾ ಕ್ಲಸ್ಟರ್‌ಗಳು ಪತ್ತೆಬೆಂಗಳೂರು: ಯಲಹಂಕದಲ್ಲಿ ಒಂದೇ ದಿನ 3 ಕೊರೊನಾ ಕ್ಲಸ್ಟರ್‌ಗಳು ಪತ್ತೆ

ಕಂಪೆನಿಯು ಈ ವರ್ಷದ ಜುಲೈ-ಸೆಪ್ಟೆಂಬರ್ ತ್ರೈಮಾಸಿಕ ಅವಧಿಯಿಂದ ಸ್ಪುಟ್ನಿಕ್ ಲಸಿಕೆಯ ಪೂರೈಕೆ ಅರಂಬಿಸುವ ಗುರಿ ಹೊಂದಿದೆ. ಆರಂಭದ ಒಪ್ಪಂದದಾಚೆಗೂ ಸ್ಟೆಲಿಸ್ ಲಸಿಕೆ ಉತ್ಪಾದನೆಯ ಮೂಲಕ ಹೆಚ್ಚುವರಿ ಪೂರೈಕೆಗಾಗಿ ಆರ್‌ಡಿಐಎಫ್ ಜತೆ ಕೆಲಸ ಮುಂದುವರಿಸಲಿದೆ ಎಂದು ಆರ್‌ಡಿಐಎಫ್ ತಿಳಿಸಿದೆ.

ಸ್ಟೆಲಿಸ್, ಸ್ಪಟ್ನಿಕ್ ಲಸಿಕೆಗಾಗಿ ಆರ್‌ಡಿಐಎಫ್ ಜತೆ ಒಪ್ಪಂದ ಮಾಡಿಕೊಂಡ ಭಾರತದ ನಾಲ್ಕನೆಯ ಕಂಪೆನಿಯಾಗಿದೆ. ಜತೆಗೆ ಭಾರತದಲ್ಲಿ ರಷ್ಯಾದ ಲಸಿಕೆ ಉತ್ಪಾದಿಸುವ ಮೂರನೇ ಕಂಪೆನಿಯಾಗಿದೆ. ಈ ವಾರದ ಆರಂಭದಲ್ಲಿ ಹೈದರಾಬಾದ್ ಮೂಲದ ಗ್ಲಾಂಡ್ ಫಾರ್ಮಾ, 250 ಮಿಲಿಯನ್ ಡೋಸ್ ಸ್ಪುಟ್ನಿಕ್ ಲಸಿಕೆ ಉತ್ಪಾದನೆಯ ಒಪ್ಪಂದವನ್ನು ಪ್ರಕಟಿಸಿತ್ತು. ಕಳೆದ ವರ್ಷ ಹೈದರಾಬಾದ್‌ನದ್ದೇ ಮತ್ತೊಂದು ಸಂಸ್ಥೆ ಹೆಟೆರೊ ಬಯೋಫಾರ್ಮ ಜತೆಗೆ ಆರ್‌ಡಿಐಎಫ್ 100 ಮಿಲಿಯನ್ ಡೋಸ್‌ಗಾಗಿ ಒಪ್ಪಂದ ಮಾಡಿಕೊಂಡಿತ್ತು.

ಭಾರತದಲ್ಲಿ 103 ದಿನಗಳ ನಂತರ ಕೊರೊನಾವೈರಸ್ ಹೊಸ ದಾಖಲೆ!ಭಾರತದಲ್ಲಿ 103 ದಿನಗಳ ನಂತರ ಕೊರೊನಾವೈರಸ್ ಹೊಸ ದಾಖಲೆ!

      ಮಹಾರಾಷ್ಟ್ರದಿಂದ ಜಿಲ್ಲೆ ಸಂಪರ್ಕಿಸುವ ಎಲ್ಲಾ ಮಾರ್ಗದಲ್ಲಿ ಚೆಕ್‌ ಪೋಸ್ಟ್‌ ನಿರ್ಮಾಣ- ಜಿಲ್ಲಾಧಿಕಾರಿ ಪಿ ಸುನೀಲ್‌ ಕುಮಾರ್ ಮಾಹಿತಿ | Oneindia Kannada

      ಭಾರತದಲ್ಲಿ ರಷ್ಯಾದ ಲಸಿಕೆಯ ಉತ್ಪಾದನೆಗೆ ಮೊದಲು ಒಪ್ಪಂದ ಮಾಡಿಕೊಂಡಿದ್ದು ಹೈದರಾಬಾದ್‌ನ ಡಾ. ರೆಡ್ಡೀಸ್ ಲ್ಯಾಬೊರೇಟರಿ. ಭಾರತದಲ್ಲಿ ಲಸಿಕೆಯ ತುರ್ತು ಬಳಕೆಯ ಅನುಮತಿ ನೀಡುವಂತೆ ಡಾ. ರೆಡ್ಡೀಸ್ ಸರ್ಕಾರಕ್ಕೆ ಅರ್ಜಿ ಸಲ್ಲಿಸಿದೆ. ಒಮ್ಮ ಅನುಮತಿ ದೊರಕಿದ ಕೂಡಲೇ ಸುಮಾರು 200 ಮಿಲಿಯನ್ ಡೋಸ್ ಲಸಿಕೆಯನ್ನು ಪೂರೈಸಲಿದೆ.

      English summary
      Bengaluru based Stelis Biopharma to produce 200 million doses of Russia's Sputnik V Covid vaccine during July-September.
      ತಾಜಾ ಸುದ್ದಿ ತಕ್ಷಣ ಪಡೆಯಿರಿ
      Enable
      x
      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X