Bengaluru Airport City: ಬೆಂಗಳೂರು ಏರ್ಪೋರ್ಟ್ ಸಿಟಿಯಲ್ಲಿ ಏನೇನು ಇರಲಿದೆ ಗೊತ್ತಾ?
ಬೆಂಗಳೂರು , ಮೇ. 26: ವ್ಯಾಪಾರ, ಆತಿಥ್ಯ ಮತ್ತು ಮನರಂಜನಾ ಕ್ಷೇತ್ರಗಳಲ್ಲಿ ಪ್ರಮುಖ ಹೂಡಿಕೆಯನ್ನು ಉತ್ತೇಜಿಸಲು ಬೆಂಗಳೂರು ಏರ್ಪೋರ್ಟ್ ಸಿಟಿ ಲಿಮಿಟೆಡ್ (ಬಿಎಸಿಎಲ್) ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ ಬ್ಯುಸಿನೆಸ್ ಪಾರ್ಕ್ ನಿರ್ಮಾಣ ಮಾಡಲು ನಿರ್ಧರಿಸಿದೆ.
ಬೆಂಗಳೂರು ಏರ್ಪೋರ್ಟ್ ಸಿಟಿ ಲಿಮಿಟೆಡ್ (ಬಿಎಸಿಎಲ್) ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ ಎರಡು ಮಿಲಿಯನ್ ಚದರ ಅಡಿಯಲ್ಲಿ ಬ್ಯುಸಿನೆಸ್ ಪಾರ್ಕ್, ಕನ್ಸರ್ಟ್ ಅರೇನಾ ಮತ್ತು 775 ಕೊಠಡಿಗಳ ಹೋಟೆಲ್ ನಿರ್ಮಿಸಲು ಯೋಜನೆ ಮಾಡಿದೆ. ಬೆಂಗಳೂರು ಏರ್ಪೋರ್ಟ್ ಸಿಟಿ ಲಿಮಿಟೆಡ್ (ಬಿಎಸಿಎಲ್), ಬೆಂಗಳೂರು ಇಂಟರ್ನ್ಯಾಶನಲ್ ಏರ್ಪೋರ್ಟ್ ಲಿಮಿಟೆಡ್ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾಗಿದೆ.
ಬಿಎಸಿಎಲ್ ತನ್ನ ಹೇಳಿಕೆಯಲ್ಲಿ, ಬೆಂಗಳೂರು ವಿಮಾನ ನಿಲ್ದಾಣ ನಗರವನ್ನು ಪರಿಸರ ಸ್ನೇಹಿ ನಗರ ಕೇಂದ್ರವನ್ನಾಗಿ ಮಾಡಲು ಸುಸ್ಥಿರತೆ ಮತ್ತು ತಾಂತ್ರಿಕ ಆವಿಷ್ಕಾರವನ್ನು ಬಳಸಿಕೊಂಡು ಯೋಜನೆಯನ್ನು ಅಭಿವೃದ್ಧಿಪಡಿಸಲಾಗುವುದು. ವ್ಯವಹಾರಗಳು ಮತ್ತು ಉದ್ಯೋಗಿಗಳ ವೈವಿಧ್ಯಮಯ ಅಗತ್ಯಗಳನ್ನು ಪೂರೈಸಲು ಮತ್ತು ಬೆಳವಣಿಗೆ ಮತ್ತು ಸಹಯೋಗಕ್ಕಾಗಿ ಕ್ರಿಯಾತ್ಮಕ ವಾತಾವರಣವನ್ನು ನೀಡುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಜನವರಿ 21, 2020 ರಂದು ಬೆಂಗಳೂರು ಏರ್ಪೋರ್ಟ್ ಸಿಟಿ ಲಿಮಿಟೆಡ್ ರಚನೆ ಮಾಡಲಾಗಿದೆ.
ಬಯೋಫಿಲಿಕ್ ವಿನ್ಯಾಸವು ಒಂದು ರೀತಿಯ ವಾಸ್ತುಶಿಲ್ಪವಾಗಿದ್ದು ಅದು ಜನರಿಗೆ ಹೆಚ್ಚು ಆರೋಗ್ಯಕರ ವಾತಾವರಣವನ್ನು ಸೃಷ್ಟಿಸುವ ಸಲುವಾಗಿ ಕಟ್ಟಡಗಳು ಮತ್ತು ಭೂದೃಶ್ಯಗಳಲ್ಲಿ ನೈಸರ್ಗಿಕ ಅಂಶಗಳನ್ನು ಸೇರಿಸಲಾಗುತ್ತದೆ. ಈ ಜಾಗವು ಪ್ರದೇಶದಾದ್ಯಂತ ಒಳಾಂಗಣ ಮತ್ತು ಹೊರಾಂಗಣ ಸ್ಥಳಗಳನ್ನು ಸಂಯೋಜನೆ ಮಾಡಲಿದೆ. ಏರ್ಪೋರ್ಟ್ ಸಿಟಿಯಲ್ಲಿ ಮುಂಬರುವ ಮೆಟ್ರೋ ನಿಲ್ದಾಣವು ಉತ್ತರ ಭಾಗದಿಂದ ಬ್ಯುಸಿನೆಸ್ ಪಾರ್ಕ್ಗೆ ತಡೆರಹಿತ ಸಂಪರ್ಕವನ್ನು ಒದಗಿಸುತ್ತದೆ.
ಬೆಂಗಳೂರು ಏರ್ಪೋರ್ಟ್ ಸಿಟಿಯಲ್ಲಿ ಕಾಂಬೊ ಹೋಟೆಲ್
ಕಾಂಬೊ ಹೋಟೆಲ್ ಭಾರತದ ಅತಿದೊಡ್ಡ ಆತಿಥ್ಯ ಸಂಸ್ಥೆಗಳಲ್ಲಿ ಒಂದಾಗಲು ಸಿದ್ಧವಾಗಿದೆ. ಒಟ್ಟು 775 ರೂಮ್ಗಳನ್ನು ಒಳಗೊಂಡಿರುವ ಈ ಹೋಟೆಲ್ ವಿವಾಂಟಾ ಬ್ರಾಂಡ್ನ 450 ಕೊಠಡಿಗಳು ಮತ್ತು ಜಿಂಜರ್ ಬ್ರ್ಯಾಂಡ್ 325 ರೂಮ್ಗಳನ್ನು ಒದಗಿಸುತ್ತದೆ. ಪ್ರಯಾಣಿಕರು ಮತ್ತು ಪ್ರವಾಸಿಗರಿಗೆ ಸೇವೆ ನೀಡಲು ಹೋಟೆಲ್ 2026 ರ ಅಂತ್ಯದ ವೇಳೆಗೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ.
ಏರ್ಪೋರ್ಟ್ ಸಿಟಿಯಲ್ಲಿ ಕನ್ಸರ್ಟ್ ಅರೇನಾ
ಏರ್ಪೋರ್ಟ್ ಸಿಟಿಯ ಆಕರ್ಷಣೆಗೆ ಮತ್ತೊಂದು ಸೇರ್ಪಡೆಯೆಂದರೆ ಮುಂಬರುವ ಕನ್ಸರ್ಟ್ ಅರೆನಾ. ವಿಮಾನ ನಿಲ್ದಾಣ ಪರಿಸರ ವ್ಯವಸ್ಥೆಯಲ್ಲಿ ಇಂತಹ ಒಂದು ಅರೆನಾ ಮೊದಲ ಪ್ರಯೋಗ. ಕನ್ಸರ್ಟ್ ಅರೇನಾವು 10,000 ಮಂದಿ ಒಂದು ಸ್ಥಳದಲ್ಲಿ ಸೇರುವಷ್ಟು ಸಾಮರ್ಥ್ಯವನ್ನು ಹೊಂದಿರುತ್ತದೆ. ಮುಂದಿನ ಒಂದೆರಡು ವರ್ಷಗಳಲ್ಲಿ ಕನ್ಸರ್ಟ್ ಅರೆನಾ ಒಪನ್ ಆಗಲಿದೆ. ಈ ಅತ್ಯಾಧುನಿಕ ಸ್ಥಳವು ಕಾರ್ಯಕ್ರಮಗಳು ಮತ್ತು ಸಂಗೀತ ಕಚೇರಿಗಳಿಗೆ ವೇದಿಕೆಯನ್ನು ಹೊಂದಿಸುತ್ತದೆ. ಮನರಂಜನೆ ಮತ್ತು ಸಾಂಸ್ಕೃತಿಕ ಕೂಟಗಳಿಗೆ ಕೇಂದ್ರ ಬಿಂದುವಾಗಲಿದೆ.
Click it and Unblock the Notifications
Sign in with Google