ಬಿಡಿಎ ಸೈಟ್ ಮಾರಾಟಕ್ಕಿವೆ: ಬಿಡ್‌ ಮೂಲಕ ನಿವೇಶನ ಕೊಳ್ಳಿ

ಬೆಂಗಳೂರು, ಆಗಸ್ಟ್ 25 : ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ ನಿವೇಶನಗಳ ಹಂಚಿಕೆಗೆ ಜಾಹೀರಾತು ನೀಡಿದೆ. ಆಸಕ್ತರು ಕನಸಿನ ನಿವೇಶನಗಳನ್ನು ಪಡೆಯಲು ಬಿಡ್ ಮಾಡಬಹುದಾಗಿದೆ. ಅಂತಿಮ ದಿನಾಂಕ 16/9/2019.

ಬಿಡಿಎ ವಾಸಯೋಗ್ಯ ಮೂಲೆ/ಮಧ್ಯಂತರ ನಿವೇಶನಗಳ ಇ-ಹರಾಜು ಪ್ರಕಟಿಸಿದೆ. ಈ ನಿವೇಶನಗಳ ಹರಾಜು ಹಾಗೂ ಮಾರಾಟವನ್ನು ಬಿಡಿಎ ಮೂಲೆ ನಿವೇಶನಗಳು, ಮಧ್ಯಂತರ ನಿವೇಶನಗಳು, ವಾಣಿಜ್ಯ ನಿವೇಶನಗಳು ಮತ್ತು ಇತರೆ ಹರಾಜು ಮಾಡಬಹುದಾದ ನಿವೇಶನಗಳ ವಿಲೇವಾರಿ ನಿಯಮಾವಳಿ ಅನ್ವಯ ಹಂಚಿಕೆ ಮಾಡಲಾಗುತ್ತದೆ.

ನಿವೇಶನಗಳನ್ನು ಎಲ್ಲಿ ಹೇಗಿವೆಯೋ ಹಾಗಿರುವ ಸ್ಥಿತಿಯಲ್ಲಿಯೇ ಹರಾಜು ಮಾಡಲಾಗುತ್ತದೆ. ಪ್ರತಿ ಚದರ ಕಿ. ಮೀಗೆ ರೂ. 500 ಗಳ ಗುಣಕದಲ್ಲಿ ಬಿಡ್ ದರ ಕನಿಷ್ಠ ಏರಿಕೆ ಮಾಡಲಾಗುತ್ತದೆ. ಹರಾಜಿನಲ್ಲಿ ಪಾಲ್ಗೊಳ್ಳಲು ಕೊನೆಯ ದಿನಾಂಕ 16/9/2019 ಸಂಜೆ 4 ಗಂಟೆ.

29/8/2019ರಂದು ಬಿಡ್ಡಿಂಗ್ ಆರಂಭಿಸಲಾಗುತ್ತದೆ. 16/9/2019 ಬಿಡ್ಡಿಂಗ್‌ನಲ್ಲಿ ಪಾಲ್ಗೊಳ್ಳಲು ಕೊನೆಯ ದಿನವಾಗಿದೆ. ಇ-ಹರಾಜನ್ನು ಮುಕ್ತಾಯಗೊಳಿಸಲು ಕೊನೆಯ ದಿನಾಂಕ ಮತ್ತು ಸಮಯ 17/9/2019 ಸಂಜೆ. 5.30 ಗಂಟೆ...

ಎಲ್ಲೆಲ್ಲಿ ನಿವೇಶನಗಳು ಇವೆ

* ಜೆ. ಪಿ. ನಗರ 9ನೇ ಫೇಸ್, 7ನೇ, 1ನೇ ಮತ್ತು 3ನೇ ಬ್ಲಾಕ್‌ ಲಭ್ಯವಿರುವ ವಾಸಯೋಗ್ಯ ಮೂಲೆ ನಿವೇಶನಗಳು. ಆರಂಭಿಕ ಬಿಡ್ ಚದರ ಮೀಟರ್‌ಗೆ 47,000 ರೂ.ಗಳು.

* ಸರ್. ಎಂ. ವಿಶ್ವೇಶ್ವರಯ್ಯ ಲೇಔಟ್ 8ನೇ ಬ್ಲಾಕ್. ಆರಂಭಿಕ ಬಿಡ್ ದರ 39,100 ರೂ.

* ಬನಶಂಕರಿ 6ನೇ ಹಂತ 'ಎಚ್' ಬ್ಲಾಕ್. ಆರಂಭಿಕ ಬಿಡ್ ದರ 45, 300 ರೂ.

ಬಿಡಿಎ ನಿವೇಶನಕ್ಕೆ ಬಿಡ್ ಮಾಡಿ

* ಹೆಚ್‌. ಎಸ್. ಆರ್ ಲೇಔಟ್ 3ನೇ ಸೆಕ್ಟರ್. ಆರಂಭಿಕ ಬಿಡ್ ದರ ಚದರ ಮೀಟರ್‌ಗೆ 1,29,000

* ಬನಶಂಕರಿ 6ನೇ ಹಂತ, 5ನೇ ಬ್ಲಾಕ್. ಆರಂಭಿಕ ಬಿಡ್ ಚದರ ಮೀಟರ್‌ಗೆ 35,550 ರೂ.

* ಕುಮಾರಸ್ವಾಮಿ ಲೇಔಟ್ 2ನೇ ಹಂತ. ಆರಂಭಿಕ ಬಿಡ್ 48,444 ರೂ.ಗಳು.

ಸೈಟ್‌ಗಳು ಮಾರಾಟಕ್ಕಿವೆ

* ಬನಶಂಕರಿ 6ನೇ ಹಂತ, 9ನೇ ಬ್ಲಾಕ್. ಆರಂಭಿಕ ಹಂತದ ಬಿಡ್ ದರ 39,072 ಚದರ ಮೀಟರ್‌ಗೆ

* ಬಿ. ಟಿ. ಎಂ. 4ನೇ ಹಂತ, 2ನೇ ಬ್ಲಾಕ್‌ನಲ್ಲಿ. ಆರಂಭಿಕ ಬಿಡ್ 67, 320 ರೂ. ಚದರ ಮೀಟರ್‌ಗೆ

ಹೆಚ್ಚಿನ ಮಾಹಿತಿಗಾಗಿ ವೆಬ್‌ ಸೈಟ್

ಜನರು ಸೈಟ್‌ಗಳ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ http://eproc.karnataka.gov.in ಲಾಗಿನ್ ಆಗಬಹುದು ಅಥವ www.bdabangalore.org ವೈಬ್‌ಸೈಟ್‌ಗೆ ಭೇಟಿ ನೀಡಬಹುದು.

ಸಹಾಯವಾಣಿ ಸಂಖ್ಯೆಗಳು : 080-23010900/23010901

English summary

Bangalore Development Authority (BDA) released notification for the site bidding. Interested people can participate in the bidding till 16/9/2019.