ಗೋಪಿ-ಪುಷ್ಪಾ ದಂಪತಿ ಮಗುವಿಗೆ ಸಿಕ್ತು ಬಿಬಿಎಂಪಿಯ 5 ಲಕ್ಷ ರು.ಹೊಸ ವರ್ಷದ ಗಿಫ್ಟ್

ಬೆಂಗಳೂರು, ಜನವರಿ 01 : ಹೊಸ ವರ್ಷದಂದು ಅಂದರೆ ಜನವರಿ 1, 2018ಕ್ಕೆ ಬಿಬಿಎಂಪಿ ಆಸ್ಪತ್ರೆಯಲ್ಲಿ ಜನಿಸಿದ ಮಗುವಿಗೆ ಬಿಬಿಎಂಪಿ ಮೇಯರ್ ಘೋಷಿಸಿದ್ದ 5 ಲಕ್ಷ ರು. ಕೊಡುಗೆ ಗೋಪಿ ಮತ್ತು ಪುಷ್ಪಾ ದಂಪತಿ ಮಗುವಿನ ಪಾಲಾಗಿದೆ.

ರಾಜಾಜಿನಗರ ಭಾಷಂ ಸರ್ಕಲ್ ನಲ್ಲಿರುವ ಡಾ.ನಾಗರಾಜ್ ಸ್ಮಾರಕ ಬಿಬಿಎಂಪಿ ಆಸ್ಪತ್ರೆಯಲ್ಲಿ ಗೋಪಿ ಮತ್ತು ಪುಷ್ಪಾ ದಂಪತಿಗೆ ರಾತ್ರಿ 12.05 ನಿಮಿಷಕ್ಕೆ ಹುಟ್ಟಿದ ಹೆಣ್ಣು ಮಗುವಿಗೆ ಈ ಹೊಸ ವರ್ಷದ ಗಿಫ್ಟ್ ದೊರಕಿದೆ. ಗೋಪಿ ಮತ್ತು ಪುಷ್ಪಾ ದಂಪತಿಗೆ ಬಿಬಿಎಂಪಿ ಮೇಯರ್ ಸಂಪತ್ ರಾಜ್ ಅವರು ಸೋಮವಾರ 5 ಲಕ್ಷ ರು. ಚೆಕ್ ನೀಡಿ ಶುಭ ಹಾರೈಸಿದರು.

ಬಳಿಕ ಮಾತನಾಡಿದ ಮೇಯರ್ ಸಂಪತ್ ರಾಜ್ , ಹೆಣ್ಣು ಮಕ್ಕಳ ಶಿಕ್ಷಣಕ್ಕೆ ಪ್ರೋತ್ಸಾಹ ನೀಡುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗಿದ್ದು, ಮಗು ಹಾಗೂ ಬಿಬಿಎಂಪಿ ಕಮಿಷಿನರ್ ಹೆಸರಿನಲ್ಲಿ ಐದು ಲಕ್ಷ ಹಣ ಠೇವಣಿ ಇಡಲಾಗುವುದು. ಮಗುವಿನ ಶಿಕ್ಷಣಕ್ಕೆ ಮಾತ್ರ ಈ ಹಣ ಬಳಕೆಯಾಗಲಿದೆ ಎಂದು ಹೇಳಿದರು.

ಹೊಸ ವರ್ಷದ (ಜ.1) ದಿನದಂದು ಬಿಬಿಎಂಪಿ ಆಸ್ಪತ್ರೆಯಲ್ಲಿ ಜನಿಸುವ ಮೊದಲ ಹೆಣ್ಣು ಮಗುವಿಗೆ 5 ಲಕ್ಷ ರು.ಹಣ ನೀಡುವುದಾಗಿ ಬಿಬಿಎಂಪಿ ಕೌನ್ಸಿಲ್ ಸಭೆಯಲ್ಲಿ ನಿರ್ಣಯ ಅಂಗೀಕರಿಸಿ ಮೇಯರ್ ಸಂಪತ್ ರಾಜ್ ಈ ಆಫರ್ ಅನ್ನು ಘೋಷಿಸಿದ್ದರು.

English summary

Bhurat Bangalore Mahanagar Palike (BBMP) Mayor Sampath Raj has distributed Rs 5 lakh to Gopi and Pushpa for 1st girl child born in 2018. He announced BBMP will deposit Rs 5 lakhs in joint account of municipal commissioner and 1st girl child born in 2018 in any BBMP hospital.