ಬೆಂಗಳೂರು ಸಿವಿಲ್ ವಾರ್ಡನ್‌ ಆಗಲು ಹೆಸರು ಕೊಡಿ; ಆಯುಕ್ತರ ಮನವಿ

ಬೆಂಗಳೂರು, ಜುಲೈ 14 : ಬೆಂಗಳೂರು ನಗರದಲ್ಲಿ ಮಂಗವಾರದಿಂದ ಒಂದು ವಾರದ ಲಾಕ್ ಡೌನ್ ಜಾರಿಗೆ ಬರುತ್ತಿದೆ. ಈ ಸಮಯದಲ್ಲಿ ಪೊಲೀಸರಿಗೆ ಸಹಕಾರ ನೀಡಲು ಜನರು ಸಿವಿಲ್ ವಾರ್ಡನ್ ಆಗಿ ಕೆಲಸ ಮಾಡಬಹುದಾಗಿದೆ.

ಮಂಗಳವಾರ ಸಂಜೆ ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಭಾಸ್ಕರರಾವ್ ಈ ಕುರಿತು ಟ್ವೀಟ್ ಮಾಡಿದ್ದಾರೆ. ಬೆಂಗಳೂರು ನಗರದ 18 ರಿಂದ 45 ವರ್ಷದೊಳಗಿನ ಪುರುಷ, ಮಹಿಳೆಯರು ಸಿವಿಲ್ ವಾರ್ಡನ್ ಆಗಲು ಹೆಸರು ನೋಂದಾಯಿಸಬಹುದಾಗಿದೆ ಎಂದು ಹೇಳಿದ್ದಾರೆ.

ದೈಹಿಕವಾಗಿ ಸಮರ್ಥವಾಗಿರುವ ಮತ್ತು ಸೇವಾ ಮನೋಭಾವನೆ ಹೊಂದಿರುವ ಬೆಂಗಳೂರಿನ ಜನರು ಸಿವಿಲ್ ವಾರ್ಡನ್ ಆಗುವ ಮೂಲಕ ಸ್ಥಳೀಯ ಪೊಲೀಸರಿಗೆ ಸಹಾಯ ಮಾಡಬಹುದು. ಲಾಕ್ ಡೌನ್ ಅವಧಿಯಲ್ಲಿ ಪೊಲೀಸರಿಗೆ ಸಿವಿಲ್ ವಾರ್ಡನ್ ಸಹಾಯ ಮಾಡಬಹುದಾಗಿದೆ.

ಸಿವಿಲ್ ವಾರ್ಡನ್ ಆಗುವ ಜನರು ಕೋವಿಡ್ - 19 ಹರಡದಂತೆ ಇರುವ ಮಾರ್ಗಸೂಚಿಗಳನ್ನು ಜನರು ಪಾಲನೆ ಮಾಡಲು ಸ್ಥಳೀಯ ಪೊಲೀಸರಿಗೆ ನೆರವು ನೀಡಬೇಕಿದೆ. ಆಸಕ್ತರು http://bcp.gov.in ವೆಬ್ ಸೈಟ್‌ಗೆ ಭೇಟಿ ನೀಡುವ ಮೂಲಕ ನೋಂದಣಿ ಮಾಡಿಕೊಳ್ಳಬಹುದು.

ಭಾಸ್ಕರರಾವ್ ಟ್ವೀಟ್

Inviting physically fit n service minded residents of Bengaluru, both men and women, between the age of 18 to 45 to Volunteer as Civil Police Warden to help the local police in regulation and enforcement of anti-Covid measures. To register log on to https://t.co/sPMdHigqYn

— Bhaskar Rao IPS (@deepolice12) July 14, 2020

ಕರ್ನಾಟಕ ಸರ್ಕಾರ ಬೆಂಗಳೂರು ನಗರ ಮತ್ತು ಗ್ರಾಮಾಂತರ ಜಿಲ್ಲೆಯಲ್ಲಿ ಮಂಗಳವಾರ ರಾತ್ರಿ 8 ಗಂಟೆಯಿಂದ ಜುಲೈ 22ರ ಸಂಜೆ 5 ಗಂಟೆ ತನಕ ಲಾಕ್ ಡೌನ್ ಜಾರಿಗೊಳಿಸುತ್ತಿದೆ. ಈಗಾಗಲೇ ಲಾಕ್ ಡೌನ್ ಮಾರ್ಗಸೂಚಿಗಳನ್ನು ಸರ್ಕಾರ ಪ್ರಕಟಿಸಿದೆ.

English summary

Bengaluru police commissioner Bhaskar Rao invited physically fit and service minded residents of city to volunteer as Civil Police Warden to help the local police during the time of lock down.