ಮೇ ತಿಂಗಳಲ್ಲಿ ನಮ್ಮ ಮೆಟ್ರೋದಲ್ಲಿ ಬರೋಬ್ಬರಿ 1.8 ಕೋಟಿ ಜನರ ಪ್ರಯಾಣ

ಬೆಂಗಳೂರು, ಜೂನ್ 27: ನಿತ್ಯ ನಮ್ಮ ಮೆಟ್ರೋ ಬಳಕೆದಾರರ ಸಂಖ್ಯೆ ಹೆಚ್ಚಾಗುತ್ತಿದೆ.ಮೇ ತಿಂಗಳಿನಲ್ಲಿ 1.8 ಕೋಟಿ ಮಂದಿ ಮೆಟ್ರೋವನ್ನು ಬಳಕೆ ಮಾಡಿದ್ದಾರೆ ಎಂದು ಬಿಎಂಆರ್‌ಸಿಎಲ್ ತಿಳಿಸಿದೆ.

ಬಿಎಂಆರ್‌ಸಿಎಲ್ ಈಗಾಗಲೇ ಇನ್ನೂ 6 ಲಕ್ಷ ಮೆಟ್ರೋ ಕಾರ್ಡ್‌ಗಳ ತಯಾರಿಕೆಗೆ ಟೆಂಡರ್ ನೀಡಲು ಮುಂದಾಗಿದೆ. ಮೆಟ್ರೋ ಸ್ಮಾರ್ಟ್‌ ಕಾರ್ಡ್ ಬಳಕೆದಾರರು ಶೇ.60ರಷ್ಟಾಗಿದ್ದಾರೆ.

ಕೇವಲ ಪೀಕ್ ಅವಧಿಯಲ್ಲಿ ಮಾತ್ರವಲ್ಲದೆ ಎಲ್ಲಾ ಸಮಯದಲ್ಲೂ ಮೆಟ್ರೋ ಪ್ರಯಾಣಿಕರ ಸಂಖ್ಯೆ ಹೆಚ್ಚಿದೆ. ಮೇ ತಿಂಗಳಲ್ಲಿ 1,18,87,392 ಮಂದಿ ಮೆಟ್ರೋ ಬಳಕೆ ಮಾಡಿದ್ದಾರೆ. ಫೆಬ್ರವರಿ, ಮಾರ್ಚ್ , ಏಪ್ರಿಲ್‌ನಲ್ಲಿ 1.6 ಕೋಟಿ, 1.13, 1.01 ಕೋಟಿ ಮಂದಿ ಪ್ರಯಾಣಿಸಿದ್ದರು. ಮೇ ತಿಂಗಳಲ್ಲಿ ಬಿಎಂಆರ್‌ಸಿಎಲ್‌ಗೆ 32,82,89,848ಯಷ್ಟು ಆದಾಯ ಬಂದಿದೆ.

ಮೆಟ್ರೋ ಸ್ಮಾರ್ಟ್‌ ಕಾರ್ಡಿನಲ್ಲಿ 50 ರೂ ಇರಲೇಬೇಕು ಎಂಬ ನಿಯಮವನ್ನು ಜಾರಿಗೆ ತರಲಾಗಿದೆ. ಇದರಿಂದಾಗಿ ಸ್ಮಾರ್ಟ್‌ ಕಾರ್ಡ್ ಕೊಳ್ಳುವವರ ಸಂಖ್ಯೆಯೇನೂ ಕಡಿಮೆಯಾಗಿಲ್ಲ.

English summary

1.8 crore commuters took Namma metro in May,he Metro ridership is currently at an all-time high. According to the data, metro ridership reached 1,18,87,392 in the month of May.