ಫೆ. 14ರಿಂದ ರಾಯಬಾಗ-ಬೆಂಗಳೂರು ಹೊಸ ಸ್ಲೀಪರ್ ಬಸ್ ಸೇವೆ

ಬೆಳಗಾವಿ, ಫೆಬ್ರವರಿ 12: ವಾಯುಯ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ ಚಿಕ್ಕೋಡಿ ವಿಭಾಗ ರಾಯಬಾಗ-ಬೆಂಗಳೂರು ನಡುವೆ ನಾನ್ ಎಸಿ ಸ್ಲೀಪರ್ ಕೋಚ್ ಬಸ್‌ ಸೇವೆಯನ್ನು ಆರಂಭಿಸಲಿದೆ. ಪ್ರಯಾಣಿಕರು ಇದರ ಸದುಪಯೋಗ ಪಡೆದುಕೊಳ್ಳಬೇಕು ಎಂದು ಮನವಿ ಮಾಡಲಾಗಿದೆ.

ರಾಯಬಾಗ-ಬೆಂಗಳೂರು ನಾನ್ ಎಸಿ ಸ್ಲೀಪರ್ ಕೋಚ್ (ಸ್ಲೀಪರ್ 2+1) ಕಬ್ಬೂರ, ಬಾಗೇವಾಡಿ, ಹುಕ್ಕೇರಿ, ಬೆಳಗಾವಿ ಮತ್ತು ಹುಬ್ಬಳ್ಳಿ ಮಾರ್ಗವಾಗಿ ಸಂಚಾರ ನಡೆಸಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಫೆಬ್ರವರಿ 14ರಿಂದ ರಾಯಬಾಗ-ಬೆಂಗಳೂರು ಮಾರ್ಗದಲ್ಲಿ 2 ನೂತನ ಹವಾನಿಯಂತ್ರಣ ರಹಿತ ರಾತ್ರಿ ಬಸ್‌ಗಳನ್ನು ಆರಂಭಿಸಲಾಗಿದೆ. ರಾಯಬಾಗ-ಬೆಂಗಳೂರು ನಡುವಿನ ಪ್ರಯಾಣ ದರ 850 ರೂ.ಗಳು.

ರಾಯಬಾಗದಿಂದ ಸಂಜೆ 18.30ಕ್ಕೆ ಹೊರಡುವ ಬಸ್ ರಾಯಬಾಗ-ಕಬ್ಬೂರ- ಬಾಗೇವಾಡಿ-ಹುಕ್ಕೇರಿ-ಬೆಳಗಾವಿ-ಹುಬ್ಬಳ್ಳಿ ಮೂಲಕ ಸಂಚಾರ ನಡೆಸಿ ಬೆಳಗ್ಗೆ 7 ಗಂಟೆಗೆ ಬೆಂಗಳೂರು ನಗರವನ್ನು ತಲುಪಲಿದೆ.

ಬೆಂಗಳೂರು ನಗರದಿಂದ ಸಾಯಂಕಾಲ 19:30ಕ್ಕೆ ಹೊರಡುವ ಬಸ್ ಸದರಿ ಮಾರ್ಗದಲ್ಲಿಯೇ ಸಂಚಾರ ನಡೆಸಲಿದೆ. ಬೆಳಗ್ಗೆ 7.50ಕ್ಕೆ ರಾಯಬಾಗ ತಲುಪಲಿದೆ.

ಪ್ರಯಾಣದರ; ರಾಯಬಾಗ-ಬೆಂಗಳೂರು ನಡುವೆ ಪ್ರಯಾಣದರ 850 ರೂ.ಗಳು. ಹುಕ್ಕೇರಿ-ಬೆಂಗಳೂರು 810, ಬೆಳಗಾವಿ-ಬೆಂಗಳೂರು 800, ಹುಬ್ಬಳ್ಳಿ-ಬೆಂಗಳೂರು 710 ರೂ.ಗಳಾಗಿದೆ.

ಪ್ರಯಾಣಿಕರು ಮುಂಗಡ ಆಸನಗಳನ್ನು ಬುಕ್ ಮಾಡಲು ವೆಬ್ ಸೈಟ್‌ ವಿಳಾಸಕ್ಕೆ ಭೇಟಿ ನೀಡಬಹುದಾಗಿದೆ.

English summary

North Western Karnataka Road Transport Corporation to start Raibag-Bengaluru non ac sleeper bus from February 14, 2020.