ಬಾಗಲಕೋಟೆಯಲ್ಲಿ ಮತ್ತೆರಡು ಕೊರೊನಾ ಪ್ರಕರಣಗಳು ದೃಢ

ಬಾಗಲಕೋಟೆ, ಏಪ್ರಿಲ್ 27: ಬಾಗಲಕೋಟೆ ಜಿಲ್ಲೆಯಲ್ಲಿ ಮತ್ತೆ ಎರಡು ಕೊರೊನಾ ವೈರಸ್ ಸೋಂಕಿತ ಪ್ರಕರಣಗಳು ಪತ್ತೆಯಾಗಿದ್ದು, ಕೊರೊನಾ ಪ್ರಕರಣಗಳ ಸಂಖ್ಯೆ 26 ಕ್ಕೆ ಏರಿಕೆ ಕಂಡಿದೆ.

ಬಾಗಲಕೋಟೆ ಜಿಲ್ಲಾಧಿಕಾರಿ ಕ್ಯಾಪ್ಟನ್ ರಾಜೇಂದ್ರ ಅವರು ಕೋವಿಡ್-19 ಹೆಲ್ತ್ ಬುಲೆಟಿನ್ ಬಿಡುಗಡೆ ಮಾಡಿ ಮಾದ್ಯಮ ಹೇಳಿಕೆ ನೀಡಿದರು. ಜಮಖಂಡಿಯ 32 ವರ್ಷದ ಮಹಿಳೆ ಪಿ-508, 21 ವರ್ಷದ ಮಹಿಳೆ ಪಿ-509 ವ್ಯಕ್ತಿಗಳು ಪಿ-456 ಸೋಂಕಿತ ವ್ಯಕ್ತಿಯ ಸಂಪರ್ಕ ಹೊಂದಿದ್ದಾರೆ ಎಂದು ತಿಳಿಸಿದ್ದಾರೆ.

ಬಾಗಲಕೋಟೆ ಜಿಲ್ಲೆಯಲ್ಲಿ 3 ಸ್ಯಾಂಪಲ್ ಗಳ ವರದಿ ನೆಗೆಟಿವ್ ಬಂದಿದ್ದು, ಹೊಸದಾಗಿ 192 ಸ್ಯಾಂಪಲ್ ರವಾನೆ ಮಾಡಲಾಗಿದೆ ಎಂದರು. ಬಾಕಿ 243 ಹಾಗೂ ಹೊಸದಾಗಿ 192 ಸ್ಯಾಂಪಲ್ ಗಳು ಸೇರಿ ಒಟ್ಟು 435 ಸ್ಯಾಂಪಲ್ ಗಳ ವರದಿ ನಿರೀಕ್ಷೆಯಲ್ಲಿದ್ದೇವೆ ಎಂದರು.

ಮನೆಯಲ್ಲಿ ಪ್ರತ್ಯೇಕವಾಗಿ ನಿಗಾದಲ್ಲಿರುವವರು 1609, ಇಲ್ಲಿಯವರೆಗೆ ಕಳುಹಿಸಲಾದ ಒಟ್ಟು ಸ್ಯಾಂಪಲ್ 2121, ನೆಗೆಟಿವ್ ಪ್ರಕರಣ 1654, ಪಾಜಿಟಿವ್ ಪ್ರಕರಣ 26, ಮೃತ ಪ್ರಕರಣ 1, ರಿಜೆಕ್ಟಾದ ಸ್ಯಾಂಪಲ್ ಒಟ್ಟು 6, ಕೋವಿಡ್ ನಿಂದ ಗುಣಮುಖರಾದವರು ಒಟ್ಟು 6 ಜನ, 28 ದಿನಗಳ ಹೋಮ್ ಕ್ವಾರಂಟೈನ್ ನಿಂದ ಬಿಡುಗಡೆ ಹೊಂದಿದವರು 156 ಎಂದು ಜಿಲ್ಲಾಧಿಕಾರಿ ಕ್ಯಾಪ್ಟನ್ ರಾಜೇಂದ್ರ ಅವರು ಮಾಹಿತಿ ನೀಡಿದರು.

English summary

Two more coronavirus cases were detected in Bagalkot district and the number of coronavirus cases has risen to 26.