ಬೋಧ್ ಗಯಾ ಆಯ್ತು, ಮುಂದೆ ಮುಂಬೈ ಟಾರ್ಗೆಟ್: IM

ಮುಂಬೈ, ಜುಲೈ 10: ಇದೇ ವಾರಾಂತ್ಯ ಮುಂಬೈ ಮಹಾನಗರಿಗೆ ಮತ್ತೊಂದು ಮಹಾ ಸಂಕಷ್ಟ ಎದುರಾಗಲಿದೆಯಾ? ಭಯೋತ್ಪಾದಕರು ಮತ್ತೆ ಮುಂಬೈ ಮೇಲೆ ದಾಳಿ ನಡೆಸುತ್ತಾರಾ? ಹೌದು ಎನ್ನುತ್ತಿದೆ ಇಂಡಿಯನ್ ಮುಜಾಹಿದ್ದೀನ್ !

ಭಯೋತ್ಪಾದಕ ಸಂಘಟನೆ, ನಿಷೇಧಿತ ಇಂಡಿಯನ್ ಮುಜಾಹಿದ್ದೀನ್ ಕಳೆದ ವಾರ ಬೋಧ್ ಗಯಾದಲ್ಲಿ ನಡೆದ ಸರಣಿ ಸ್ಫೋಟವನ್ನು ತಾನೇ ನಡೆಸಿದ್ದು ಎಂದು ಒಪ್ಪಿಕೊಂಡಿದೆ. ಮತ್ತು ಮುಂದಿನ ಟಾರ್ಗೆಟ್ ಮುಂಬೈ ಮಹಾನಗರಿ ಎಂಬ ಎಚ್ಚರಿಕೆಯ ಸಂದೇಶವನ್ನೂ ನೀಡಿದೆ.

ಟ್ವಿಟ್ಟರ್ ಮೂಲಕ ಈ ಸಂದೇಶ ಹೊರಡಿಸಿರುವ @IndianMujahidin, ಬಿಹಾರದ ಬೋಧ್ ಗಯಾದಲ್ಲಿ ನಡೆದ ಬಾಂಬ್ ಸ್ಫೋಟಕ್ಕೆ ಹೊಣೆ ಹೊತ್ತಿದೆ. ಜುಲೈ 7ರಂದು ಈ ಸಂಬಂಧ Twitter ಸಂದೇಶ ಹೊರಬಿದ್ದಿದೆ. ಅದರಲ್ಲಿ '9 ಧಮಾಕೆಗಳನ್ನು ನಾವೇ ಮಾಡಿರುವುದು' - 9 Dhamake Humne Karay ಎಂದು ಹೇಳಿಕೊಂಡಿದೆ.

ಮತ್ತೊಂದು ಟ್ವಿಟ್ಟರ್ ಸಂದೇಶ ಜುಲೈ 6ರಂದು ಬಂದಿದೆ. ಅಂದರೆ ಬೋಧ್ ಗಯಾ ಸರಣಿ ಸ್ಫೋಟಕ್ಕೆ ಒಂದು ದಿನ ಮುಂಚಿತವಾಗಿ. 'ನಮ್ಮ ಮುಂದಿನ ಟಾರ್ಗೆಟ್ ಮುಂಬೈ. ನಿಮಗೆ ಸಾಧ್ಯವಾದರೆ ಅದನ್ನು ತಪ್ಪಿಸಿ. ಇನ್ನು ಏಳು ದಿನಗಳಷ್ಟೇ ಅದಕ್ಕೆ ಬಾಕಿಯಿದೆ' (Hamara Agla Target Mumbai Hai. Rock Sago Toh Rock Lo, 7 days Left) ಎಂಬ ಸಂದೇಶ ನೀಡಿದೆ.

National Investigation Agency (NIA) ಹೇಳುವಂತೆ ಇಂಡಿಯನ್ ಮುಜಾಹಿದ್ದೀನ್ ಸಂಘಟನೆಯ ಈ Twitter ಖಾತೆಯನ್ನು ಕೆನಡಾದಲ್ಲಿ ಸೃಷ್ಟಿಸಲಾಗಿದೆ. NIA ಈ ಕುರಿತು ಹೆಚ್ಚಿನ ತನಿಖೆಗೆ ಮುಂದಾಗಿದೆ.

English summary

After Bodh Gaya next target is Mumbai Indian Mujahideen warns a Twitter account purportedly belonging to the banned terror outfit. A tweet, dated July 6, a day before the early morning Bodh Gaya blasts, reads, "Hamara Agla Target Mumbai Hai. Rock Sago Toh Rock Lo, 7 days Left (Our next target is Mumbai. Stop us if you can. Seven days left)."