ಮಡಿವಾಳದಲ್ಲಿ ಹಿಟ್ ಅಂಡ್ ರನ್ : ಟೆಕ್ಕಿ ಬಲಿ

ಬೆಂಗಳೂರು, ಜ.28: ಹೊಸೂರು ರಸ್ತೆ ಸರ್ಜಾಪುರ ಜಂಕ್ಷನ್ ಬಳಿ ಭಾನುವಾರ ಮಧ್ಯಾಹ್ನ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಟೆಕ್ಕಿಯೊಬ್ಬರು ಮೃತಪಟ್ಟಿದ್ದಾರೆ.

ವೈಟ್ ಫೀಲ್ಡ್ ಐಟಿ ಕಂಪನಿಯೊಂದರಲ್ಲಿ ಸಾಫ್ಟ್ ವೇರ್ ಇಂಜಿನಿಯರ್ ಆಗಿರುವ 23 ವರ್ಷದ ಪುನೀತ್ ಜೈನ್ ತಮ್ಮ ಹಿರಿಯ ಸಹೋದರನ ಜತೆ ಬೈಕಿನಲ್ಲಿ ಹೋಗುತ್ತಿದ್ದಾಗ ನಿನ್ನೆ ಮಧ್ಯಾಹ್ನ 12.30ರಲ್ಲಿ ಈ ದುರ್ಘಟನೆ ಸಂಭವಿಸಿದೆ. ಬೈಕ್ ಓಡಿಸುತ್ತಿದ್ದ ಸುನೀತ್ ಜೈನ್ (27) ತಲೆಗೆ ತೀವ್ರ ಪೆಟ್ಟಾಗಿದ್ದು, ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಬಿಳೇಕಹಳ್ಳಿಯ ನಿವಾಸಿಗಳಾದ ಸಹೋದರರು ಮಡಿವಾಳದಲ್ಲಿರುವ ಸ್ನೇಹಿತರ ಮನೆಗೆ ಹೊರಟಿದ್ದಾಗ ಈ ದುರ್ಘಟನೆ ಸಂಭವಿಸಿದೆ. ಮಡಿವಾಳ ಚೆಕ್ ಪೋಸ್ಟ್ ಬಳಿ ಅಪರಿಚಿತ ವಾಹನವೊಂದು ಇವರ ಬೈಕಿಗೆ ಡಿಕ್ಕಿ ಹೊಡೆದು ಈ ಅಪಘಾತ ಸಂಭವಿಸಿದೆ. ಆದರೆ ಅಪಘಾತದ ನಂತರ ಅಪರಿಚಿತ ವಾಹನ ನಾಪತ್ತೆಯಾಗಿದೆ.

Hit and run ಪ್ರಕರಣ ದಾಖಲಿಸಿಕೊಂಡಿರುವ ಮಡಿವಾಳ ಪೊಲೀಸರು ತನಿಖೆ ನಡೆಸಿದ್ದಾರೆ.

English summary

Bangalore Hit-and-run Techie Puneeth Jain died. The 23-year-old software engineer was killed on the spot and his brother sustained minor injuries when an unidentified vehicle knocked their motorcycle down on Hosur Road near Sarjapura Junction on Sunday afternoon Jan 27.