ಮುಂಬೈ ದಾಳಿ ಉಗ್ರ ರಾಣಾಗೆ ಜೀವಾವಧಿ ಶಿಕ್ಷೆ

ಶಿಕಾಗೋ, ಜ.18: ಮುಂಬೈ ದಾಳಿಯ (26/11) ಪ್ರಮುಖ ರುವಾರಿ ಡೇವಿಡ್ ಹೆಡ್ಲಿ ಜೊತೆಗಾರ ಶಂಕಿತ ಉಗ್ರ ತಹವರ್ ಹುಸೇನ್ ರಾಣಾಗೆ ಸ್ಥಳೀಯ ನ್ಯಾಯಾಲಯ 14 ವರ್ಷಗಳ ಜೀವಾವಧಿ ಶಿಕ್ಷೆ ಗುರುವಾರ(ಜ.17) ಘೋಷಿಸಿದೆ.

ಮುಂಬೈ ದಾಳಿ ಸಂಚಿನಲ್ಲಿ ಭಾಗಿಯಾದ ಆರೋಪದ ಮೇಲೆ ಕಳೆದ ತಿಂಗಳು ಎಫ್‌ಬಿಐ ರಾಣಾ ಮತ್ತು ಅಮೆರಿಕದ ಪ್ರಜೆ ಡೇವಿಡ್ ಕೋಲ್‌ಮನ್ ಹೆಡ್ಲಿಯನ್ನು ಬಂಧಿಸಿತ್ತು.

ಪಾಕಿಸ್ತಾನ ಮೂಲದ ಕೆನಡಾ ಪ್ರಜೆ ರಾಣಾಗೆ ಭಾರತದ ವಿರುದ್ಧ ಯಾವುದೇ ದುಷ್ಟ ಆಲೋಚನೆ ಇರಲಿಲ್ಲ ಎಂದು ರಾಣಾ ವಕೀಲ ಪ್ಯಾಟ್ರಿಕ್ ಬ್ಲೆಗೆನ್ ಹೇಳಿದ್ದರು.

ಆದರೆ, ಮುಂಬೈ ದಾಳಿಯಲ್ಲಿ ರಾಣಾ ಕೈವಾಡ ಇರುವುದು ಸಾಬೀತಾಗಿರುವುದರಿಂದ 30 ವರ್ಷಗಳ ಕಠಿಣ ಶಿಕ್ಷೆ ವಿಧಿಸಬೇಕು ಎಂದು ಸರ್ಕಾರಿ ವಕೀಲರು ವಾದಿಸಿದರು. ಕೊನೆಗೆ ವಾದ ಪ್ರತಿವಾದ ಆಲಿಸಿದ ಯುಎಸ್ ಜಿಲ್ಲಾ ನ್ಯಾ. ಹ್ಯಾರಿ ಡಿ ಲೈನೆನ್ ವೆಬೆರ್ ಅವರು 14 ವರ್ಷಗಳ ಶಿಕ್ಷೆಯನ್ನು ನೀಡಿ ಆದೇಶ ಹೊರಡಿಸಿದ್ದಾರೆ.

ನಿಷೇಧಿತ ಲಷ್ಕರ್ ಇ ತೋಯ್ಬಾ ಉಗ್ರ ಸಂಘಟನೆಗೆ ಮಾಹಿತಿ ಒದಗಿಸಿರುವುದು, ಮುಂಬೈ ದಾಳಿಯಲ್ಲಿ ಡೇವಿಡ್ ಹೆಡ್ಲಿಗೆ ಸಹಕರಿಸಿದ ಗುರುತರ ಆರೋಪಗಳು ತಹವರ್ ರಾಣಾಗೆ ಮೇಲಿದೆ.

English summary

Tahawwur Rana, an accomplice of Mumbai attack terrorist David Headley, was on Jan 17 sentenced to 14 years in jail followed by five years of supervised release for the "serious crime" of providing material support to Pakistan-based LeT and for backing a plot to strike a Danish newspaper.