ಜಪಾನಿನಲ್ಲಿ ಭೂಕಂಪ, ಸುನಾಮಿ ಕಾಟ, ಪ್ರಳಯದ ಭೀತಿ

ಟೋಕಿಯೋ (ಜಪಾನ್), ಡಿ.7: ಇಂದು ಸಂಜೆ 5.18ರಲ್ಲಿ (ಭಾರತದಲ್ಲಿ ಮಧ್ಯಾಹ್ನ 1.55ರಲ್ಲಿ) ಜಪಾನಿನ ಪೂರ್ವ ದ್ವೀಪ ಪ್ರದೇಶಗಳಲ್ಲಿ ಭಾರಿ ಭೂಕಂಪವಾಗಿದೆ. ರಿಕ್ಟರ್ ಮಾಪಕದಲ್ಲಿ 7.4 ಪ್ರಮಾಣದ ಭೂಕಂಪ ಸಂಭವಿಸಿದೆ ಎಂದು ಅಮೆರಿಕದ ಭೂಗರ್ಭಶಾಸ್ತ್ರ ಇಲಾಖೆ ತಿಳಿಸಿದೆ.

ಪ್ರಳಯದ ಭೀತಿ: ಕಳೆದ ವರ್ಷ (2011 ಮಾರ್ಚ್ 11) ಸಂಭವಿಸಿದ ಸುನಾಮಿ ವೇಳೆಯೂ ಇದೇ ಪ್ರಮಾಣದ ಭೂಕಂಪ ಸಂಭವಿಸಿತ್ತು. ಈಗಾಗಲೇ 21-12-2012ರ ಪ್ರಳಯದ ಭೀತಿಯಲ್ಲಿರುವ ಜನಕ್ಕೆ ಇದರಿಂದ ಇದರಿಂದ ಆಘಾತವಾಗಿದೆ. ಅದರಲ್ಲೂ ಡಿಸೆಂಬರಿನಲ್ಲೇ ಈ ಭೂಕಂಪ ಸಂಭವಿಸಿರುವುದು ಭಾರತೀಯರಲ್ಲಿ ಆತಂಕ ಮನೆ ಮಾಡಿದೆ.

ಆದರೆ ತಕ್ಷಣಕ್ಕೆ ಈ ಭೂಕಂಪದಿಂದ ಏನಾದರೂ ಅನಾಹುತ ಸಂಭವಿಸಿದೆಯಾ ಅಂದರೆ ಅಂತಹುದೇನೂ ಘಟನೆಗಳು ಸದ್ಯಕ್ಕೆ ವರದಿಯಾಗಿಲ್ಲ. ಆದರೆ 1 ಮೀಟರ್ ಎತ್ತರದ ಅಲೆಗಳು ಅಪ್ಪಳಿಸುತ್ತಿದ್ದು ಸುನಾಮಿ ಎಚ್ಚರಿಕೆಯನ್ನು ನೀಡಲಾಗಿದೆ.

ಜಪಾನ್ ರಾಜಧಾನಿ ಟೋಕಿಯೋದಿಂದ 180 ಕಿಮೀ ದೂರದಲ್ಲಿ ಪೂರ್ವ ಕರಾವಳಿಯಲ್ಲಿ ಈ ಪ್ರಬಲ ಭೂಕಂಪ ಕಂಡುಬಂದಿದೆ.

ಸಿಡ್ನಿ ವರದಿ: ಆಸ್ಟ್ರೇಲಿಯಾ ಪ್ರಧಾನಿ ಜೂಲಿಯಾ ಗಿಲ್ಲಾರ್ಡ್‌ ಅವರೇ ಡಿ. 21ಕ್ಕೆ ಪ್ರಳಯ ನಡೆಯೋದು ಖಚಿತ ಎಂದು ನಿನ್ನೆಯಷ್ಟೇ ಘೋಷಿಸಿರುವುದನ್ನು ಇಲ್ಲಿ ಸ್ಮರಿಸಬಹುದು.

English summary

Magnitude 7.4 quake hits Japan islands December 7, 2012. A strong earthquake centred off the coast of northeastern Japan shook buildings as far as Tokyo and led to a tsunami warning for coastal areas of the northeast, public broadcaster NHK said on Friday.