• search

ನಿಮ್ಮ ರಕ್ತ ಯಾವ ಗುಂಪಿಗೆ ಸೇರಿದ್ದು ತಿಳಿದುಕೊಳ್ಳಿ

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    blood-group-type-determine-risk-of-heart-disease-study
    ಲಂಡನ್, ಆ. 16: ಹೌದು ನಿಮ್ಮ ಆರೋಗ್ಯದ ಹಿತದೃಷ್ಟಿಯಿಂದ ನಿಮ್ಮ ರಕ್ತದ ಗುಂಪು ಯಾವುದು ಎಂಬುದನ್ನು ಮೊದಲು ತಿಳಿದುಕೊಳ್ಳಿ. ಏಕೆಂದರೆ ನಿಮ್ಮ ರಕ್ತ ಯಾವ ಗುಂಪಿನದು ಎಂಬುದರ ಆಧಾರದ ಮೇಲೆ ನಿಮ್ಮ ಆರೋಗ್ಯ ಹೇಗೆ? ನೀವೆಷ್ಟು ಆರೋಗ್ಯವಂತರು? ಅದರಲ್ಲೂ ನಿಮ್ಮ ಹೃದಯ ಎಷ್ಟು ಆರೋಗ್ಯಪೂರ್ಣವಾಗಿದೆ ಎಂಬುದನ್ನು ನಿರ್ಧರಿಸಬಹುದು ಎನ್ನುತ್ತಿದೆ ತಾಜಾ ಸಮೀಕ್ಷಾ ವರದಿಯೊಂದು.

    ಯಾರಿಗೇ ಆಗಲಿ ಕಾಯಿಲೆ ತೀವ್ರವಾಗುತ್ತಿದ್ದಂತೆ ಯಾವುದಕ್ಕೇ ಆಗಲಿ ಮೊದಲು ರಕ್ತ ಪರೀಕ್ಷೆ ಮಾಡಿಸಿಬಿಡಿ ಎನ್ನುತ್ತಾರೆ ವೈದ್ಯರು. ಏಕೆಂದರೆ ಹಲವು ಕಾಯಿಲೆಗಳು ದೇಹವನ್ನು ವ್ಯಾಪಿಸುವುದು ಈ ರಕ್ತದ ಮೂಲಕವೇ. ಆದ್ದರಿಂದ ನಮ್ಮ ದೇಹದಲ್ಲಿ ಸಂಚರಿಸುತ್ತಿರುವ ಈ ರಕ್ತದ ಬಗ್ಗೆ ಆದ್ಯವಾಗಿ ತಿಳಿದುಕೊಳ್ಳುವುದು ಕ್ಷೇಮಕರ. ಅಮೆರಿಕದ ವೈದ್ಯಲೋಕ ನಡೆಸಿದ ಸಮೀಕ್ಷೆಯ್ನು ಆಧರಿಸಿ ಹಾರ್ವರ್ಡ್ ಯೂನಿವರ್ಸಿಟಿ ಸಂಶೋಧಕರು ಬರೆದಿರುವ ಷರಾ ಹೀಗಿದೆ:

    o+ve ಅಥವಾ o-ve ರಕ್ತ ಮಾದರಿ ಹೊಂದಿದವರಿಗಿಂತ A ಅಥವಾ B ರಕ್ತ ಮಾದರಿಯನ್ನು ಹೊಂದಿರುವವರು ಬಹಳ ಬೇಗನೆ ಹೃದಯ ಕಾಯಿಲೆಗೆ ತುತ್ತಾಗುವ ಸಾಧ್ಯತೆ ಹೆಚ್ಚಾಗಿರುತ್ತದೆ.

    ಅದರಲ್ಲೂ A ಮತ್ತು B ರಕ್ತ ಮಾದರಿಗಿಂತ AB ರಕ್ತ ಗುಂಪಿನವರಿಗೆ ಹೃದಯ ವ್ಯಾದಿ ಕಾಡುವ ಸಂಭವ ಜಾಸ್ತಿ. AB ರಕ್ತ ಮಾದರಿ ಹೊಂದಿರುವವರು ಶೇ. 23 ರಷ್ಟು ಹೃದಯ ಕಾಯಿಲೆಗೆ ತುತ್ತಾಗುವ ಸಾಧ್ಯತೆಯಿದ್ದರೆ B -ve ಅಥವಾ B +ve ಗುಂಪಿನವರಿಗೆ ಶೇ. 11ರಷ್ಟಿರುತ್ತದೆ. ಇನ್ನು, A -ve ಅಥವಾ A +ve ಗುಂಪಿನವರಿಗೆ ಶೇ. 5ರಷ್ಟು ಹೃದಯ ಕಾಯಿಲೆ ಬರುವ ಸಾಧ್ಯತೆಯಿರುತ್ತದೆ.

    ಆದರೆ ಮೂರೂ ಮಾದರಿಯ ರಕ್ತ ಗುಂಪಿನವರಿಗಿಂತ o+ve ಅಥವಾ o-ve ರಕ್ತದವರು ಅದೃಷ್ಟವಂತರು ಎಂದು ಹೇಳಬಹುದು. ಏಕೆಂದರೆ ಇವರಿಗೆ ಹೃದಯ ಸಂಬಂಧಿ ಕಾಯಿಲೆಗಳು ಬರುವುದು ಕಮ್ಮಿ.

    ಏಕೆಂದರೆ A, B ಅಥವಾ AB ರಕ್ತಕ್ಕಿಂತ o+ve ಮತ್ತು o-ve ಗುಂಪಿನ ರಕ್ತ ಪರಿಚಲನೆ ಸರಾಗವಾಗಿರುತ್ತದೆ. ಜತೆಗೆ, ನಾಳಗಳಲ್ಲಿ ರಕ್ತ ಹೆಪ್ಪುಗಟ್ಟುವಿಕೆ ಪ್ರಮಾಣವೂ ತೀರಾ ಕಡಿಮೆಯಾಗಿರುತ್ತದೆ.

    ಇಲ್ಲಿ ಗಮನಿಸಲೇಬೇಕಾದ ಒಂದಷ್ಟು ಸಂಗತಿಗಳು ಇವೆ: ಏನಪಾ ಅಂದರೆ, ರಕ್ತದ ಮಾದರಿ ಹುಟ್ಟಿನಿಂದಲೇ ಬರುವಂತಹುದು. ಅದನ್ನು ಬದಲಾಯಿಸಲು ಸಾಧ್ಯವಾಗದು. ಹೃದಯ ಸಮಸ್ಯೆಗಳನ್ನು ಒಂದಷ್ಟು ಅರ್ಥ ಮಾಡಿಕೊಳ್ಳಲು ಇದು ದಾರಿದೀಪವಾಗಲಿದೆ.

    ಆದಾಗ್ಯೂ, ಉತ್ತಮ ಆಹಾರ ಸೇವನೆ, ಧೂಮಪಾನ, ಮದ್ಯಪಾನದಂತಹ ಅಭ್ಯಾಸಗಳನ್ನು ಅಂಟಿಸಿಕೊಳ್ಳದೆ ಉತ್ತಮ ಜೀವನ ಕ್ರಮ ರೂಪಿಸಿಕೊಂಡರೆ ಹೃದಯ ಸಂಬಂಧಿ ಕಾಯಿಲೆಯಿಂದ ದೂರವಿರಬಹುದು ಎನ್ನುತ್ತಾರೆ ವೈದ್ಯರು.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Blood Group Type determines risk of Heart Disease says a study. Researchers claim people with blood group O, the most common blood type, benefit from some natural protection against

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more