7.3ರ ಭೂಕಂಪ: ರಷ್ಯಾ, ಜಪಾನ್ ದ್ವೀಪಗಳಲ್ಲಿ ನಡುಕ

ಹೊನ್ಷು, ಆ. 14: ಸ್ಥಳೀಯ ಕಾಲಮಾನದ ಪ್ರಕಾರ ಮಂಗಳವಾರ ಮಧ್ಯಾಹ್ನ 1 ಗಂಟೆಯಲ್ಲಿ ಪೂರ್ವ ರಷ್ಯಾದ ದ್ವೀಪ ಪ್ರದೇಶಗಳು ಭೂಕಂಪದಿಂದ ನಡುಗಿವೆ. 7.3 ಪ್ರಮಾಣದ ಭೂಕಂಪ ಸಂಭವಿಸಿದೆ ಎಂದು ಅಮೆರಿಕದ ಭೂಗರ್ಭಶಾಸ್ತ್ರ ಇಲಾಖೆ ತಿಳಿಸಿದೆ.

ಆದರೆ ಈ ಭೂಕಂಪದಿಂದ ಯಾವುದೇ ಅನಾಹುತ ಸಂಭವಿಸಿದ ಘಟನೆಗಳು ಸದ್ಯಕ್ಕೆ ವರದಿಯಾಗಿಲ್ಲ. ಮತ್ತು ಸುನಾಮಿ ಎಚ್ಚರಿಕೆಯನ್ನೂ ನೀಡಿಲ್ಲ. ರಷ್ಯಾದ ಪೊರೊನಾಸ್ಕ್ ಪೂರ್ವಕ್ಕೆ 100 ಕಿಮೀ ದೂರದಲ್ಲಿ ಪೆಸೆಫಿಕ್ ಸಾಗರದಲ್ಲಿ 388 ಮೈಲು ಆಳದಲ್ಲಿ 7.3 ಪ್ರಮಾಣದ ಈ ಭೂಕಂಪನ ಕೇಂದ್ರೀಕೃತವಾಗಿತ್ತು ಎಂದು ತಿಳಿದುಬಂದಿದೆ.

ಇದೇ ಕಾಲದಲ್ಲಿ ಜಪಾನಿನಲ್ಲಿ ಹೊನ್ಷು ಮತ್ತು ಹೊಕ್ಕಾಯ್ಡೊ ದ್ವೀಪಗಳಲ್ಲಿ ಸಾಧಾರಣ ಪ್ರಮಾಣದಲ್ಲಿ ಭೂಮಿ ನಡುಗಿದೆ. ಇದರಿಂದ ತಕ್ಷಣಕ್ಕೆ ಸುನಾಮಿ ಎಚ್ಚರಿಕೆ ಸಂದೇಶ ನೀಡಲಾಗಿಲ್ಲ ಎಂದು ಜಪಾನಿನ ಹವಾಮಾನ ಇಲಾಖೆ ಮೂಲಗಳು ತಿಳಿಸಿವೆ.

English summary

Magnitude 7.3 quake hits Eastern Russia Japan islands August 2012. The U.S. Geological Survey says a magnitude 7.3 earthquake has hit the waters off of far eastern Russia. The quake was mildly felt on the northern Japanese island of Hokkaido and in the northeastern section of Honshu, Japan's main island.