ಪಾಣಿಪಟ್ ನಿಂದ ಪದಕದವರೆಗೂ ಗಗನ್ ನಾರಂಗ್

By Mahesh

Updated: Monday, July 30, 2012, 21:56 [IST]

ಪಂಜಾಬಿನ ವೀರ ಪುತ್ರ ಗಗನ್ ನಾರಂಗ್ ಭಾರತದ ಒಲಿಂಪಿಕ್ಸ್ ಪದಕದ ಹಸಿವು ನೀಗಿಸಿದ್ದಾರೆ. ಲಂಡನ್ ಒಲಿಂಪಿಕ್ಸ್ 2012ನಲ್ಲಿ 10 ಮೀ ಏರ್ ರೈಫಲ್ ಕಂಚಿನ ಪದಕ ಗೆದ್ದಿದ್ದಾರೆ.

ಶೂಟಿಂಗ್ ಸ್ಪರ್ಧೆಯಲ್ಲಿ ಎಲ್ಲಾ ಬಗೆಯ ಪದಕಗಳನ್ನು ಕೊರಳಿಗೇರಿಸಿಕೊಂಡಿದ್ದ ಗಗನ್ ಅವರಿಗೆ ಒಲಿಂಪಿಕ್ಸ್ ಪದಕ ಸಿಕ್ಕಿರುವುದು ಕೀರ್ತಿ ಗರಿಮೆ ಹೆಚ್ಚಿಸಿದೆ. ಗಗನ್ ಬಗ್ಗೆ ಸಂಕ್ಷಿಪ್ತ ಪರಿಚಯ ಇಲ್ಲಿದೆ

1983ರ ಮೇ 6 ರಂದು ಚೆನ್ನೈನಲ್ಲಿ ಜನಿಸಿದ ಗಗನ್ ನಾರಂಗ್ ಅವರ ಮೂಲ ಹರ್ಯಾಣದ ಪಾಣಿಪಟ್. ಗಗನ್ ಅವರ ಅಜ್ಜನ ಕಾಲದಲ್ಲಿ ಪಾಣಿಪಟ್ ನಲ್ಲಿ ಗಗನ್ ಕುಟುಂಬ ನೆಲೆಸಿತ್ತು. ನಂತರ ಹೈದರಾಬಾದಿಗೆ ಶಿಫ್ಟ್ ಆಗಿದೆ.

ಗಗನ್ ನಾರಂಗ್ ಗಳಿಸಿರುವ ಪದಕಗಳ ಪಟ್ಟಿ ಇಂತಿದೆ:
* ಕಂಚು- ಲಂಡನ್ ಒಲಿಂಪಿಕ್ಸ್ 2012- 10 ಮೀ ಏರ್ ರೈಫಲ್ (ವೈಯಕ್ತಿಕ)
* ಚಿನ್ನ- ಮೆಲ್ಬೋರ್ನ್ ಕಾಮನ್ ವೆಲ್ತ್ ಗೇಮ್ಸ್ 2006- 10 ಮೀ ಏರ್ ರೈಫಲ್ (ಟೀಮ್)
* ಚಿನ್ನ- ಮೆಲ್ಬೋರ್ನ್ ಕಾಮನ್ ವೆಲ್ತ್ ಗೇಮ್ಸ್ 2006- 50 ಮೀ ಏರ್ ರೈಫಲ್ (ವೈಯಕ್ತಿಕ)
* ಚಿನ್ನ- ದೆಹಲಿ ಕಾಮನ್ ವೆಲ್ತ್ ಗೇಮ್ಸ್ 2006- 50 ಮೀ ಏರ್ ರೈಫಲ್ (ಟೀಮ್)
* ಚಿನ್ನ- ದೆಹಲಿ ಕಾಮನ್ ವೆಲ್ತ್ ಗೇಮ್ಸ್ 2010- 10 ಮೀ ಏರ್ ರೈಫಲ್ (ವೈಯಕ್ತಿಕ)
* ಚಿನ್ನ- ದೆಹಲಿ ಕಾಮನ್ ವೆಲ್ತ್ ಗೇಮ್ಸ್ 2010- 10 ಮೀ ಏರ್ ರೈಫಲ್ (ಟೀಮ್)
* ಚಿನ್ನ- ದೆಹಲಿ ಕಾಮನ್ ವೆಲ್ತ್ ಗೇಮ್ಸ್ 2006- 50 ಮೀ ಏರ್ ರೈಫಲ್ (ವೈಯಕ್ತಿಕ)
* ಚಿನ್ನ- ದೆಹಲಿ ಕಾಮನ್ ವೆಲ್ತ್ ಗೇಮ್ಸ್ 2006- 50 ಮೀ ಏರ್ ರೈಫಲ್ (ಟೀಮ್)

2008ರ ISSF ವಿಶ್ವಕಪ್ ಫೈನಲ್ ನಲ್ಲಿ ಫೈನಲ್ ಸುತ್ತಿನಲ್ಲಿ ಗಗನ್ ನಾರಂಗ್ 103.5 ಅಂಕಗಳು ಹಾಗೂ ಒಟ್ಟಾರೆ 703.5 ಅಂಕ ಗಳಿಸಿದರು. ನವೆಂಬರ್ 4 ರಂದು ಆಸ್ಟ್ರೀಯಾದ ಥಾಮಸ್ ಫ್ರಾರ್ನಿಕ್ ದಾಖಲೆ ಮುರಿದು ಹೊಸ ವಿಶ್ವ ದಾಖಲೆ ಬರೆದರು.

ವಿವಾದ: 2010ರಲ್ಲಿ ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿಗೆ ತಮ್ಮ ಹೆಸರನ್ನು ಪರಿಗಣಿಸದಿರುವುದಕ್ಕೆ ಅಸಮಾಧಾನಗೊಂಡ ಗಗನ್ ನಾರಂಗ್, ಕಾಮನ್ ವೆಲ್ತ್ ಗೇಮ್ಸ್ ಗೆ ತೆರಳಲಿ ನಿರಾಕರಿಸಿದ್ದರು. ಆದರೆ, ನಂತರ ಗೇಮ್ಸ್ ಗೆ ತೆರಳಿ 2 ಚಿನ್ನದ ಪದಕ ಕೊರಳಿಗೇರಿಸಿಕೊಂಡಿದ್ದು ಈಗ ಇತಿಹಾಸ.

ಪ್ರಶಸ್ತಿ, ಪುರಸ್ಕಾರ: ರಾಜೀವ್ ಗಾಂಧಿ ಖೇಲ್ ರತ್ನ, ಪದ್ಮಶ್ರೀ, ಅರ್ಜುನ ಪ್ರಶಸ್ತಿ.

ಲಂಡನ್ ಒಲಿಂಪಿಕ್ಸ್ ಕಂಚಿನ ಪದಕ ವೀರ ಗಗನ್ ನಾರಂಗ್ ಗೆ ಹರ್ಯಾಣ ಸರ್ಕಾರ 1 ಕೋಟಿ ರು ಘೋಷಿಸಿದೆ. ಪದಕ ಗೆದ್ದ ನಂತರ ಮಾತನಾಡಿದ ಗಗನ್, ನನಗೆ ಪದಕ ಗೆಲ್ಲಲು ಅಭಿನವ್ ಅವರ ಆಟ ಸ್ಪೂರ್ತಿ ನೀಡಿತ್ತು ಎನ್ನುವ ಮೂಲಕ ಸಹ ಆಟಗಾರನ ಘನತೆಯನ್ನು ಎತ್ತಿ ಹಿಡಿದಿದ್ದಾರೆ.