ಕಿಂಗ್ ಫಿಷರ್ 269.06 ಕೋಟಿ ತೆರಿಗೆ ಕಟ್ಟಿಲ್ಲ

ನವದೆಹಲಿ, ಮೇ.18: ವಿಜಯ್ ಮಲ್ಯ ಒಡೆತನದ ಕಿಂಗ್ ಫಿಷರ್ ಏರ್ ಲೈನ್ಸ್ ಸಂಸ್ಥೆ ಸುಮಾರು 269.06 ಕೋಟಿ ರು ಆದಾಯ ತೆರಿಗೆ ಬಾಕಿ ಉಳಿಸಿಕೊಂಡಿದೆ ಎಂದು ಯುಪಿಎ ಸರ್ಕಾರದ ಆರ್ಥಿಕ ಖಾತೆ ರಾಜ್ಯ ಸಚಿವ ಎಸ್ ಎಸ್ ಪಳನಿಮಾಣಿಕಂ ಲೋಕಸಭೆಯಲ್ಲಿ ಹೇಳಿದೆ.

ಕಿಂಗ್ ಫಿಷರ್ ತನ್ನ ಉದ್ಯೋಗಿಗಳಿಗೆ ಸಂಬಳದಲ್ಲಿ TDS ಕಡಿತ ಮಾಡಿದ್ದರೂ ಸರ್ಕಾರದ ಖಜಾನೆಗೆ ತುಂಬಿಸಿಲ್ಲ. 2009-10 ರಿಂದ 2011-12 ತನಕ ಲೆಕ್ಕದ ಪುಸ್ತಕ ಹುಡುಕಿದಾಗ ಬಡ್ಡಿ ಸಮೇತ 372.09 ಕೋಟಿ ರು ತೆರಿಗೆ ಬಾಕಿ ಉಳಿಸಿಕೊಂಡಿರುವುದು ಪತ್ತೆಯಾಗಿದೆ.

ತೆರಿಗೆ ವಸೂಲಿ ಪ್ರಕ್ರಿಯೆ ಚಾಲನೆಯಲ್ಲಿದ್ದು, ಈಗಾಗಲೇ 103.03 ಕೋಟಿ ರು ಸಂಗ್ರಹಿಸಲಾಗಿದೆ ಎಂದು ಸಚಿವ ಪಳನಿ ಅವರು ಮಾಹಿತಿ ನೀಡಿದರು. 2010-11 ರಲ್ಲಿ 1,027 ಕೋಟಿ ರು ಕಳೆದುಕೊಂಡಿರುವ ಕಿಂಗ್ ಫಿಷರ್ ಸಂಸ್ಥೆ, 7,057.08 ಕೋಟಿ ರು ಸಾಲ ತೀರಿಸಬೇಕಿದೆ.

ವಿಮಾನ ಹಾರಾಟ ರದ್ದಾದ ಬಗ್ಗೆ ಪ್ರಯಾಣಿಕರಿಗೆ ಹಾಗೂ ಟ್ರಾವೆಲ್ ಏಜೆಂಟ್ ಗಳಿಗೆ ತಿಳಿಸದೆ ದಿಢೀರ್ ಎಂದು ವಿಮಾನ ಹಾರಾಟ ರದ್ದು ಮಾಡಿರುವ ಕಿಂಗ್ ಫಿಷರ್ ಸಂಸ್ಥೆಗೆ Directorate General of Civil Aviation (ಡಿಜಿಸಿಎ) ನೋಟಿಸ್ ಜಾರಿ ಮಾಡಿದೆ.

English summary

Vijay Mallya- promoted Kingfisher Airlines owes Rs 269.06 crore income tax and I-T Department has initiated penalty and prosecution proceedings against the private carrier, Government informed the Lok Sabha today(May.18).