ಮೈಸೂರಲ್ಲಿ ವೇಶ್ಯಾವಾಟಿಕೆ ಜಾಲ : ಬಾಂಗ್ಲಾದೇಶಿಯರ ಬಂಧನ

ಮೈಸೂರು, ಏ. 14 : ವೇಶ್ಯಾವಾಟಿಕೆಯಲ್ಲಿ ತೊಡಗಿದ್ದ ಮತ್ತು ಪ್ರೋತ್ಸಾಹಿಸಿದ ಆರೋಪದ ಮೇಲೆ ಮೂವರು ಬಾಂಗ್ಲಾದೇಶಿಯರು ಸೇರಿದಂತೆ ನಾಲ್ವರನ್ನು ಮೈಸೂರಿನಲ್ಲಿ ಪೊಲೀಸರು ಬಂಧಿಸಿದ್ದಾರೆ. ಇವರನ್ನು ಮೈಸೂರಿನ ಹೊರವಲಯದಲ್ಲಿ ಎರಡು ಮನೆಗಳ ಮೇಲೆ ದಾಳಿ ಮಾಡಿ ಬಂಧಿಸಲಾಗಿದೆ.

ಈ ನಾಲ್ವರಲ್ಲಿ ಇಬ್ಬರು ಮಹಿಳೆಯರಾಗಿದ್ದು, ಒಬ್ಬಳು ಬಾಂಗ್ಲಾದೇಶದ ನಾಗರಿಕಳಾದರೆ ಇನ್ನೊಬ್ಬಳು ನೇಪಾಳದವಳು. ಇವರಿಬ್ಬರನ್ನು ವೇಶ್ಯಾವಾಟಿಕೆಯಲ್ಲಿ ತೊಡಗಿಸಿದ್ದ ಮೊಹಮ್ಮದ್ ಸಾಜಿದ್ ಖಾನ್ ಮತ್ತು ಮೊಹಮ್ಮದ್ ಅಭಿಬಾಷ್ ಬಾಂಗ್ಲಾದೇಶದವರು. ಪುರುಷರಿಬ್ಬರು ವೇಶ್ಯಾಗೃಹದ ಮಾಲಿಕರು.

ಇವರು ವೇಶ್ಯಾವಾಟಿಕೆ ಜಾಲವನ್ನು ಮೈಸೂರಿನಲ್ಲಿ ಮಾತ್ರವಲ್ಲ ಬೆಂಗಳೂರು, ಪಿರಿಯಾಪಟ್ಟಣ, ಮಡಿಕೇರಿ, ಹುಣಸೂರು ಮತ್ತಿತರ ಪ್ರದೇಶದಲ್ಲಿಯೂ ಪಸರಿಸಿದ್ದಾರೆ ಎಂದು ಮೈಸೂರಿನ ಸುಪರಿಂಟೆಂಡೆಂಡ್ ಆಫ್ ಪೊಲೀಸ್ ಆರ್ ದಿಲೀಪ್ ಅವರು ತಿಳಿಸಿದರು.

ಎಲ್ಲ ಬಾಂಗ್ಲಾ ನಾಗರಿಕರ ಬಳಿ ತಾವು ಭಾರತೀಯರೆಂದು ತೋರಿಸಲು ವಾಹನ ಚಾಲನೆ ಲೈಸೆನ್ಸ್, ಆಧಾರ ಕಾರ್ಡ್ ಎಲ್ಲ ಇವೆ. ಇವರಿಗೆ ಭಾರತದ ಗುರುತಿನ ಚೀಟಿಗಳನ್ನು ಹೇಗೆ ವಿತರಿಸಲಾಯಿತು ಎಂಬ ಕುರಿತು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

English summary

4 people including 3 Bangladeshi nationals were arrested by police in Mysore for their involvement in prostition. They have prostitution racket in Bangalore, Periyapattana, Madikeri and in other places in Karnataka.