ಲೈಂಗಿಕ ದೌರ್ಜನ್ಯ: ವೀರ್ಯ ಸಾಕ್ಷ್ಯ ಬೇಕಿಲ್ಲ

ನಾಗಪುರ,ಮಾ.26: ಮಹಿಳೆಯೊಬ್ಬರು ಲೈಂಗಿಕ ದೌರ್ಜನ್ಯಕ್ಕೀಡಾಗಿದ್ದಾರೆ (ಅತ್ಯಾಚಾರ) ಎಂಬುದನ್ನು ಸಾಬೀತುಪಡಿಸಲು ಸಾಕ್ಷ್ಯಕ್ಕಾಗಿ ವೀರ್ಯ ಬೇಕಿಲ್ಲ ಎಂದು ಬಾಂಬೆ ಹೈಕೋರ್ಟಿನ ಔರಂಗಾಬಾದ್ ನ್ಯಾಯಪೀಠ ತೀರ್ಪು ನೀಡಿದೆ. ಬಾಧಿತ ಮಹಿಳೆಯರಿಗೆ ಇದು ಬಯಸದೆ ಬಂದ ಭಾಗ್ಯವಾಗಿದ್ದರೆ ಅತ್ಯಾಚಾರಿಗಳಿಗೆ ಮರ್ಮಾಘಾತ ನೀಡಿದೆ.

ಮಹಿಳೆಯೊಬ್ಬರನ್ನು ಅತ್ಯಾಚಾರ ಮಾಡಿ, ಸಾಯಿಸಿದ್ದ ಆಪಾದಿತ ಈ ಸಂಬಂಧ ಸಲ್ಲಿಸಿದ್ದ ಮೇಲ್ಮನವಿಯನ್ನು ನ್ಯಾಯಪೀಠ ತಿರಸ್ಕರಿಸಿದೆ. 'ಪ್ರತಿಯೊಂದು ಲೈಂಗಿಕ ಕ್ರಿಯೆಯಲ್ಲೂ ವೀರ್ಯ ಹೊರಬರಬೇಕು ಎಂಬ ನಿಯಮವೇನೂ ಇಲ್ಲ. ಆದ್ದರಿಂದ ಬಾಧಿತ ಮಹಿಳೆಯ ಬಟ್ಟೆ ಅಥವಾ ಮೈಮೇಲೆ ವೀರ್ಯದ ಕಲೆಗಳು ಇದ್ದರೆ ಮಾತ್ರ ಲೈಂಗಿಕ ಕ್ರಿಯೆ ನಡೆದಿದೆ ಎಂದೇನೂ ಅಲ್ಲ.

'ಅದಿಲ್ಲದೆಯೂ ಲೈಂಗಿಕ ಕ್ರಿಯೆ ನಡೆದಿರಬಹುದು' ಎಂದು ನ್ಯಾಯಮೂರ್ತಿಗಳಾದ ನರೇಶ್ ಪಾಟೀಲ್ ಮತ್ತು ಟಿವಿ ನಲವಾಡೆ ಅವರ ನ್ಯಾಯಪೀಠ ಕಳೆದ ವಾರ ಸ್ಪಷ್ಟಪಡಿಸಿದೆ.

English summary

The Aurangabad bench of Bombay High Court has ruled that presence of semen is not necessary for proving offence of rape. It is not necessary that in every sexual intercourse, there would be oozing of semen, the division bench ruled.