ಭಾರತದ ಅತೀದೊಡ್ಡ ರಾಜಕೀಯ ಸಮೀಕ್ಷೆ. ನೀವು ಭಾಗವಹಿಸಿದ್ದೀರಾ?
  • search

ನಿಲೇಕಣಿ ಅಲ್ಲ; ಜಿಮ್‌ ಕಿಮ್‌ ವಿಶ್ವಬ್ಯಾಂಕ್‌ ಅಧ್ಯಕ್ಷ

By Srinath
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    not-nilekani-jim-young-kim-world-bank-chief
    ವಾಷಿಂಗ್ಟನ್, ಮಾ.26‌: ಅಮೆರಿಕ ಅಧ್ಯಕ್ಷ ಬರಾಕ್‌ ಒಬಾಮಾ ಅವರು ವಿಶ್ವಬ್ಯಾಂಕ್‌ ಅಧ್ಯಕ್ಷ ಹುದ್ದೆಗೆ ಕೊರಿಯ ಮೂಲದ ಅಮೆರಿಕ ವೈದ್ಯ ಜಿಮ್‌ ಯೋಂಗ್‌ ಕಿಮ್‌ ಅವರನ್ನು ನಾಮಕರಣ ಮಾಡಿದ್ದಾರೆ. ಕುತೂಹಲದ ಸಂಗತಿಯೆಂದರೆ ಜಿಮ್‌ ಕಿಮ್‌ ಅರ್ಥಶಾಸ್ತ್ರಜ್ಞರಲ್ಲ. ಸಾಮಾನ್ಯವಾಗಿ ಈ ಹುದ್ದೆಯನ್ನು ಈ ವರೆಗೆ ಅಮೆರಿಕ ಪ್ರಜೆಗೆ ನೀಡಲಾಗುತ್ತಿತ್ತು.

    ಆದಾಗ್ಯೂ, ಇನ್ಫೋಸಿಸ್ ಕಂಪನಿಯ ಮಾಜಿ ಬಾಸ್ ನಂದನ್ ನಿಲೇಕಣಿ ಅವರು ವಿಶ್ವ ಬ್ಯಾಂಕ್ ಅಧ್ಯಕ್ಷರಾಗಿ ನೇಮಕವಾಗಲಿದ್ದಾರೆ ಎಂಬ ಸುದ್ದಿಯೊಂದು ಕಾರ್ಪೊರೇಟ್ ವಲಯದಲ್ಲಿ 1 ತಿಂಗಳಿಂದ ಹಬ್ಬಿತ್ತು. ನಿಲೇಕಣಿಗೆ ಆ ಅರ್ಹತೆಯೂ ಇತ್ತು. ಆದರೆ ಮೊನ್ನ ಬಜೆಟ್ಟಿನಲ್ಲಿ ಭಾರತದ ಮಹತ್ವಾಕಾಂಕ್ಷಿ ಆಧಾರ್ ಗುರುತಿನ ಚೀಟಿ ಯೋಜನೆಗೆ ಕೇಂದ್ರ ಸರಕಾರ ಹೆಚ್ಚಿನ ಪ್ರಾಶಸ್ತ್ಯ ಕೊಟ್ಟಿರುವ ಹಿನ್ನೆಲೆಯಲ್ಲಿ ನಿಲೇಕಣಿ ಇಲ್ಲೇ ಉಳಿದಿದ್ದು blessing in disguise ಆಂತಿದೆ.

    ಸ್ವತಃ ದೇಶದ ಪ್ರಥಮ ಮಿಶ್ರ ಜನಾಂಗದ ಅಧ್ಯಕ್ಷರಾಗಿ ಅಮೆರಿಕ ರಾಜಕೀಯದ ಸಂಪ್ರದಾಯವನ್ನು ಮುರಿದಿರುವ ಒಬಾಮಾ, ಪರಮಾಣು ಭದ್ರತಾ ಶೃಂಗಕ್ಕಾಗಿ ಕಳೆದ ವಾರ ದಕ್ಷಿಣ ಕೊರಿಯಕ್ಕೆ ನಿರ್ಗಮಿಸುವ ಮುನ್ನ ಈ ಅಚ್ಚರಿದಾಯಕ ಆಯ್ಕೆಯನ್ನು ಪ್ರಕಟಿಸಿದರು. ಸೋಲ್‌ನಲ್ಲಿ ಒಬಾಮಾ ಅವರು ಭಾರತದ ಪ್ರಧಾನಿ ಮನಮೋಹನ್‌ ಸಿಂಗ್‌ ಅವರನ್ನು ಭೇಟಿಯಾಗಲಿದ್ದಾರೆ.

    ಕಿಮ್‌ ಅವರು ದಕ್ಷಿಣ ಕೊರಿಯದಲ್ಲಿ ಜನಿಸಿದರು ಮತ್ತು ಅಯೋವಾದಲ್ಲಿ ಬೆಳೆದು ದೊಡ್ಡವರಾದರು. ಪ್ರಸಕ್ತ ಅವರು ಡಾರ್ಟ್‌ಮೌತ್‌ ಕಾಲೇಜಿನ ಮುಖ್ಯಸ್ಥರಾಗಿದ್ದಾರೆ. ಅವರು ವಿಶ್ವ ಆರೋಗ್ಯ ಸಂಸ್ಥೆಯಲ್ಲಿ ಎಚ್‌ಐವಿ/ಏಡ್ಸ್‌ ಇಲಾಖೆಯ ನಿರ್ದೇಶಕರಾಗಿಯೂ ಸೇವೆ ಸಲ್ಲಿಸಿದ್ದರು. ಅವರು ಹಾರ್ವರ್ಡ್‌ ವಿಶ್ವವಿದ್ಯಾನಿಲಯದಿಂದ ವೈದ್ಯಕೀಯ ಪದವಿ ಮತ್ತು ಅಂಗರಚನೆ ಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Infosys Nandan Nilekani Misses bus for World Bank chief. Ameica President Barak Obama announces Doctor Jim Young Kim as the World Bank chief.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more