ಪುಕ್ಕಟ್ಟೆ ಟಿಕೆಟ್ ಪಡೆಯಿರಿ ವಿಜಯ್ ಮಲ್ಯ ಆಫರ್

ಬೆಂಗಳೂರು, ಮಾ.1: ಕಿಂಗ್ ಫಿಷರ್ ಏರ್ ಲೈನ್ಸ್ ಭರ್ಜರಿ ಕೊಡುಗೆಗಳನ್ನು ತನ್ನ ಪ್ರಯಾಣಿಕರಿಗೆ ನೀಡುತ್ತಿದೆ. ಪ್ರಯಾಣಿಕರಲ್ಲಿ ನಂಬಿಕೆ ಉಳಿಸಿಕೊಳ್ಳಲು ಟಿಕೆಟ್ ಬುಕ್ಕಿಂಗ್ ಮಾಡಿದ ಎಲ್ಲಾ ಪ್ರಯಾಣಿಕರಲ್ಲಿ ಕ್ಷಮೆ ಬೇಡುತ್ತಾ, ಉಚಿತ ಪ್ರಯಾಣದ ಆಫರ್ ನೀಡಿದೆ.

ಫೆ.17 ರಿಂದ ಫೆ.26ರೊಳಗೆ ಆನ್ ಲೈನ್ ಅಥವಾ ಏಜೆಂಟ್ ಮೂಲಕ ಟಿಕೆಟ್ ಕಾಯ್ದಿರಿಸಿ, ಪ್ರಯಾಣ ಮಾಡಲು ಆಗದೆ ತೊಂದರೆ ಅನುಭವಿಸಿದ ಪ್ರಯಾಣಿಕರಿಗೆ ಒಂದು ಬಾರಿ ಉಚಿತವಾಗಿ ಪ್ರಯಾಣಿಸುವ ಅವಕಾಶ ನೀಡಲಾಗಿದೆ ಎಂದು ಕಿಂಗ್ ಫಿಷರ್ ಸಂಸ್ಥೆ ಸಿಇಒ ಸಂಜಯ್ ಅಗರವಾಲ್ ಹೇಳಿದ್ದಾರೆ.

ಕಿಂಗ್ ಫಿಷರ್ ಆರ್ಥಿಕ ಬಿಕ್ಕಟ್ಟು ಪರಿಹರಿಸಲು ಹರಸಾಹಸ ಪಡುತ್ತಿರುವ ವಿಜಯ್ ಮಲ್ಯ ಕೂಡಾ ಈ ಆಫರ್ ಗೆ ಸಮ್ಮತಿಸಿದ್ದಾರೆ. ವಿಮಾನಯಾನ ಸರಿಯಾದ ವೇಳೆಗೆ ಆದರೆ ಎಲ್ಲವೂ ಸರಿ ಹೋಗುತ್ತದೆ. ಇನ್ನೊಂದು ವಾರದಲ್ಲೇ ಕಿಂಗ್ ಫಿಷರ್ ಮರಳಿ ಹಿಂದಿನ ವೇಗ ಪಡೆಯಲಿದೆ ಎಂದಿದ್ದಾರೆ.

English summary

Kingfisher Airlines has come up with a brilliant idea to woo its customers who believe to have lost its faith and comfort with the airlines following its sudden massive cancellation of flights. However, now Kingfisher airlines apologised for all inconvenience and offers free flight tickets.