ಚಿನ್ನದ ಬೆಲೆ ದಿಢೀರ್ ತೀವ್ರ ಕುಸಿತ

ಮುಂಬೈ,ಫೆ.5: ಜಾಗತಿಕ ಮಾರುಕಟ್ಟೆಯಲ್ಲಿ ದಾಸ್ತಾನುಗಾರರು ಭಾರಿ ಪ್ರಮಾಣದಲ್ಲಿ ಮಾರಾಟಕ್ಕೆ ಮುಂಧಾದ ಹಿನ್ನೆಲೆಯಲ್ಲಿ ಚಿನ್ನ ಹಾಗೂ ಬೆಳ್ಳಿ ಬೆಲೆ ಕುಸಿತವು ಭಾರತದಲ್ಲೂ ಪ್ರತಿಧ್ವನಿಸಿದೆ. ಇದರಿಂದ ಶನಿವಾರ ಚಿನ್ನದ ದರ 10 ಗ್ರಾಂಗೆ 600 ರೂ. ಕುಸಿತವಾಗಿದ್ದರೆ, ಬೆಳ್ಳಿ ಬೆಲೆಯಲ್ಲಿ ಕೆಜಿ ಗೆ 1590 ರೂ.ನಷ್ಟು ಇಳಿಕೆಯಾಗಿದೆ. ಆದರೆ ಮಾರ್ಚ್ ಅಂತ್ಯದೊಳಗೆ ಚೆನ್ನದ ಬೆಲೆ ತುಸು ಏರಿಕೆ ಕಾಣುವ ಲಕ್ಷಣಗಳಿವೆ.

ದಿಢೀರ್ ಕುಸಿತಕ್ಕೆ ಕಾರಣವೇನು?: ಕಳೆದ ಐದು ವಾರಗಳಿಂದ ನ್ಯೂಯಾರ್ಕ್ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ನಿರಂತರವಾಗಿ ಕುಸಿದಿದೆ. ಈ ಹಿನ್ನೆಲೆಯಲ್ಲಿ ಆತಂಕಗೊಂಡ ದಾಸ್ತಾನುಗಾರರು ಚಿನ್ನವನ್ನು ಭಾರೀ ಪ್ರಮಾಣದಲ್ಲಿ ಮಾರಾಟ ಮಾಡತೊಡಗಿದರು. ಇದರ ಜೊತೆಗೆ ಜನವರಿಯಲ್ಲಿ ಅಮೆರಿಕದ ಆರ್ಥಿಕತೆಯು ಅಧಿಕ ಪ್ರಮಾಣದಲ್ಲಿ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುವ ಮೂಲಕ ಆ ದೇಶದ ಆರ್ಥಿಕ ಬೆಳವಣಿಗೆಯು ಉತ್ತಮಗೊಳ್ಳುತ್ತಿರುವ ಸಂಕೇತವನ್ನು ನೀಡಿದೆ.

ಈ ವಿದ್ಯಾಮಾನದ ಹಿನ್ನೆಲೆಯಲ್ಲಿ ಅಮೆರಿಕಕ್ಕೆ ಅಪಾರ ಪ್ರಮಾಣದಲ್ಲಿ ಚಿನ್ನವನ್ನು ಅಪದ್ಧನವಾಗಿ ದಾಸ್ತಾನು ಮಾಡುವ ಅಗತ್ಯವನ್ನು ಕುಗ್ಗಿಸಿದೆ. ಹೀಗಾಗಿ ಮಾರುಕಟ್ಟೆಗೆ ಭಾರೀ ಪ್ರಮಾಣದಲ್ಲಿ ಚಿನ್ನ ದಾಸ್ತಾನು ಮಾರಾಟಕ್ಕೆ ಹರಿದುಬಂದುದೇ ಈ ಹಳದಿಲೋಹದ ಬೆಲೆಯಲ್ಲಿ ಗಣನೀಯ ಕುಸಿತವಾಗಲು ಕಾರಣವೆನ್ನಲಾಗಿದೆ.

ಭಾರತದ ಮಾರುಕಟ್ಟೆಯಲ್ಲಿ 99.9 ಶೇ. ಹಾಗೂ 99.5 ಶೇ. ಪರಿಶುದ್ಧತೆಯ ಚಿನ್ನದ ಧಾರಣೆ 600 ರೂ.ನಷ್ಟು ಇಳಿಕೆಯಾಗಿದ್ದು , ಪ್ರತಿ ಹತ್ತು ಗ್ರಾಂಗೆ ಅವುಗಳ ಬೆಲೆ ಕ್ರಮವಾಗಿ 28,040 ರೂ. ಹಾಗೂ 27,900 ರೂ.ಗಳಾದವು

English summary

Gold and Silver prices reduced in the week ended Feb 4, 2012. Gold futures declined today (Feb 4) as speculators booked profit and spot gold declined to Rs 27,650 per 10 grams. Spot silver fell to Rs 55,200 per kg.