ಬಿಜಾಪುರದಲ್ಲಿ ಅಪ್ರಾಪ್ತೆಯ ಮೇಲೆ ಸಾಮೂಹಿಕ ಅತ್ಯಾಚಾರ

ಬಿಜಾಪುರ, ಜ.2: ಕಳೆದ ವರ್ಷಾಂತ್ಯ ಡಿಸೆಂಬರ್ 31ರ ರಾತ್ರಿ ಬಹಿರ್ದೆಸೆಗೆಂದು ತೆರಳಿದ್ದ ಅಪ್ರಾಪ್ತ ವಯಸ್ಸಿನ ಬಾಲಕಿಯನ್ನು ಬೈಕ್ ಮೇಲೆ ಕರೆದೊಯ್ದು ಸಾಮೂಹಿಕ ಅತ್ಯಾಚಾರವೆಸಗಿದ ಘಟನೆ ಬಿಜಾಪುರದಲ್ಲಿ ನಡೆದಿದೆ. ಅತ್ಯಾಚಾರಿಗಳು ಬೆದರಿಕೆ ಒಡ್ಡಿದ್ದರಿಂದ ತಡವಾಗಿ ಪ್ರಕರಣ ಬೆಳಕಿಗೆ ಬಂದಿದೆ.

ಅರಕೆರೆ ತಾಂಡಾಕ್ಕೆ ಸೇರಿದವರಾದ ಅತ್ಯಾಚಾರವೆಸಗಿರುವ ಯುವಕರ ಹೆಸರನ್ನು ಜಿಲ್ಲಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಹುಡುಗಿ ಬಾಯಿ ಬಿಟ್ಟಿದ್ದು, ಅವರನ್ನು ಅಶೋಕ್, ಶಫೀಕ್ ಎಂದು ಇಬ್ಬರ ಹೆಸರನ್ನು ಗುರುತಿಸಿದ್ದಾಳೆ. ಇನ್ನೊಬ್ಬನ ಹೆಸರನ್ನು ಆಕೆ ಹೇಳಿಲ್ಲ.

ಆ ಯುವಕರ ಕುಟುಂಬದವರು ಪೊಲೀಸರಿಗೆ ನೀಡಿರುವ ದೂರು ಹಿಂತೆಗೆದುಕೊಳ್ಳಬೇಕೆಂದು ಅಪ್ರಾಪ್ತ ಬಾಲಕಿಯ ತಾಯಿಗೆ ಬೆದರಿಕೆ ಒಡ್ಡಿದ್ದಾರೆ. ಈ ಕುರಿತಾಗಿ ಬಾಲಕಿಯ ತಾಯಿ ಶ್ಯಾಮಾಬಾಯಿ ಗ್ರಾಮೀಣ ಪೊಲೀಸರಿಗೆ ದೂರು ನೀಡಿದ್ದಾರೆ. ಅತ್ಯಾಚಾರ ಎಸಗಿರುವ ಯುವಕರು ತಲೆ ಮರೆಸಿಕೊಂಡಿದ್ದು, ಅವರನ್ನು ಹಿಡಿಯಲು ಗ್ರಾಮೀಣ ಪೊಲೀಸರು ಬಲೆಬೀಸಿದ್ದಾರೆ.

English summary

A minor girl has been raped by 3 young men in Bijapur on the eve of new year. Family of culprits have threatened the mother of the raped girl.