ದೆಹಲಿ ಬಾಲಕಿಯ ಮೇಲೆ ಅನಾಮಿಕನಿಂದ ರೇಪ್

ನವದೆಹಲಿ, ಡಿ.21: ಶಾಲಾ ಬಾಲಕಿಯರಿಗೆ ದೇಶದ ರಾಜಧಾನಿ ದೆಹಲಿ ಸುರಕ್ಷಿತವಲ್ಲ ಎಂಬ ಹಣೆಪಟ್ಟಿ ಸ್ಥಿರವಾಗುತ್ತಿದೆ. ಮೂರನೇ ತರಗತಿಯಲ್ಲಿ ಓದುತ್ತಿರುವ ಬಾಲಕಿ ಶಾಲೆ ಮುಗಿಸಿಕೊಂಡು ಮನೆಗೆ ಬರುವಾಗ ಅನಾಮಿಕನೊಬ್ಬನ ಕಾಮದಾಹಕ್ಕೆ ಬಲಿಯಾಗಿದ್ದಾಳೆ.

ಸುಲ್ತಾನ್ ಪುರಿ ಬಳಿ ಶಾಲೆಯೊಂದರಲ್ಲಿ ಓದುತ್ತಿರುವ ಹುಡುಗಿಯ ಮೇಲೆ ರಾತ್ರಿ ವೇಳೆ ಅತ್ಯಾಚಾರ ನಡೆದಿದೆ. ವೈದ್ಯಕೀಯ ಪರೀಕ್ಷೆ ನಂತರವೂ ಇದು ದೃಢಪಟ್ಟಿದೆ ಎಂದು ವಾಯುವ್ಯ ದೆಹಲಿ ಪೊಲೀಸರು ಹೇಳಿದ್ದಾರೆ.

ಶಾಲೆಯಿಂದ ಹಿಂತಿರುಗಿದ ಮಗಳು ಅಸಾಧ್ಯ ನೋವು ಅನುಭವಿಸುತ್ತಾ ಅಳುವುದನ್ನು ಗಮನಿಸಿದ ಪೋಷಕರು, ವಿಚಾರಿಸಿದಾಗ ವಿಷಯ ತಿಳಿದು ಬಂದಿದೆ. ತಕ್ಷಣವೇ ಪೊಲೀಸರಿಗೆ ದೂರು ನೀಡಿದ್ದಾರೆ.

ಆದರೆ, ಅತ್ಯಾಚಾರ ಎಸೆಗಿದ ವ್ಯಕ್ತಿಯ ಚಹರೆ ಬಾಲಕಿಗೆ ನೆನಪಿರದ ಕಾರಣ ಪೊಲೀಸರಿಗೆ ಅನಾಮಿಕ ಕಾಮುಕನನ್ನು ಹಿಡಿಯಲು ತೊಂದರೆಯಾಗುತ್ತಿದೆ. ಆದರೆ, ಈ ಹೀನ ಕೃತ್ಯ ಎಸೆಗಿದ ವ್ಯಕ್ತಿಯನ್ನು ಶೀಘ್ರದಲ್ಲೇ ಬಂಧಿಸುವುದಾಗಿ ಸುಲ್ತಾನ್ ಪುರಿ ಠಾಣಾಧಿಕಾರಿ ಹೇಳಿದ್ದಾರೆ.

English summary

A Class III school child has been allegedly raped by unidentified person in Sultanpuri, Delhi. The victims parents lodged complaint in north west Delhi police station, accused is missing. This incidence again proves Delhi is unsafe for school children.