ಖ್ಯಾತ ವ್ಯಂಗ್ಯಚಿತ್ರಕಾರ ಮಾರಿಯೋ ಡಿ ಮಿರೆಂಡಾ ವಿಧಿವಶ

ಪಣಜಿ, ಡಿ.11: ಪ್ರಸಿದ್ಧ ವ್ಯಂಗ್ಯಚಿತ್ರಕಾರ ಮಾರಿಯೋ ಡಿ ಮಿರೆಂಡಾ ಭಾನುವಾರ ಬೆಳಗ್ಗೆ ನಿಧನರಾದರು. ಅವರಿಗೆ 85 ವರ್ಷ ವಯಸ್ಸಾಗಿತ್ತು. ದೀರ್ಘಕಾಲದ ಅನಾರೋಗ್ಯದಿಂದಾಗಿ ತಮ್ಮ ಪೂರ್ವಿಕರ ಮನೆಯಲ್ಲಿ ಕೊನೆಯುಸಿರೆಳೆದರು. ಅವರು 2002ರಲ್ಲಿ ಪದ್ಮಭೂಷಣ ಮತ್ತು 1988ರಲ್ಲಿ ಪದ್ಮಶ್ರೀ ಪುರಸ್ಕೃತರಾಗಿದ್ದರು.

ಭೌಗೋಳಿಕವಾಗಿ ಮತ್ತು ಸಾಂಸ್ಕೃತಿಕವಾಗಿ ಗೋವಾವನ್ನು ಅಪ್ಪಿಕೊಂಡಿದ್ದ ಮಾರಿಯೋ ಕನ್ನಡಿಗರಿಗೆ ಚಿರಪರಿಚಿತರು. ಮಾರಿಯೋ, ಪತ್ನಿ ಹಬೀಬಾ ಮತ್ತು ಇಬ್ಬರು ಪುತ್ರರನ್ನು ಅಗಲಿದ್ದಾರೆ. ಅನಾರೋಗ್ಯದಿಂದಾಗಿ ಮಾರಿಯೋ ಅವರು ಹಲವು ವರ್ಷಗಳಿಂದ ಚಿತ್ರ ರಚನೆಯನ್ನು ಸ್ಥಗಿತಗೊಳಿಸಿದ್ದರು.

ಮಿಸ್ ಫೋನ್ಸಿಕಾ, ರಜನಿ ನೀಂಬೂ ಪಾನಿ, ಬಂಡಲ್ ದಾಸ್, ಗಾಡ್ಬೋಲ್, ನಪೋಲಿಯನ್ ಮಧ್ಯೆ ಬೆಹ್ರಾಂ ಕಾಂಟ್ರಾಕ್ಟರ್ (ಬ್ಯುಸಿ ಬಿ) ಪಾತ್ರಗಳಿಗೆ ಜೀವ ತುಂಬಿದ್ದ ಮಾರಿಯೋ, ಮುಂಬೈನ ಬಹಳಷ್ಟು ಪತ್ರಿಕೆಗಳಲ್ಲಿ ವ್ಯಂಗ್ಯಚಿತ್ರಕಾರರಾಗಿ ಸೇವೆ ಸಲ್ಲಿಸಿದ್ದರು.

English summary

Eminent cartoonist Mario de Miranda, who drew Goa for the world and drew the world to Goa, died on Sunday. The 85-year old died in his sleep at his home in Goa.