6 ಲಕ್ಷ ಏರ್ ಟೆಲ್ ಷೇರು ಖರೀದಿಸಿದ ಭಾರ್ತಿ ಟೆಲಿಕಾಂ

ಮುಂಬೈ, ನ.29: ಭಾರತದ ಅತಿ ದೊಡ್ಡ ಖಾಸಗಿ ಟೆಲಿಕಾಂ ಸಂಸ್ಥೆ ಭಾರ್ತಿ ಟೆಲಿಕಾಂ ತನ್ನ ಷೇರುಗಳ ಸಂಖ್ಯೆಯನ್ನು ದಿಢೀರ್ ಹೆಚ್ಚಿಸಿಕೊಂಡಿದೆ. ಸುಮಾರು 22.71 ಕೋಟಿ ಮೌಲ್ಯದ 6 ಲಕ್ಷ ಏರ್ ಟೆಲ್ ಷೇರುಗಳನ್ನು ಭಾರ್ತಿ ಸಂಸ್ಥೆ ಖರೀದಿಸಿದೆ.

3.71 ಕೋಟಿ ಮೌಲ್ಯದ 98,000 ಷೇರುಗಳನ್ನು ಖರೀದಿಸಿ ಷೇರುಗಳ ಸಂಖ್ಯೆಯನ್ನು ಶೇ. 45.58 ರಿಂದ ಶೇ. 45.59 ಹೆಚ್ಚಿಸಿಕೊಳ್ಳಲಾಗಿದೆ.

ಹಾಗೂ 19 ಕೋಟಿ ಮೌಲ್ಯದ 5,02,000 ಷೇರುಗಳನ್ನು ಖರೀದಿಸಿ ಷೇರುಗಳ ಸಂಖ್ಯೆಯನ್ನು ಶೇ. 45.59 ರಿಂದ ಶೇ. 45.60 ಹೆಚ್ಚಿಸಿಕೊಳ್ಳಲಾಗಿದೆ ಎಂದು ಬಿಎಸ್ ಇ ಹಾಗೂ ಎನ್ ಎಸ್ ಇಗೆ ನೀಡಿರುವ ದಾಖಲೆಗಳು ಹೇಳುತ್ತಿದೆ.

ಮುಕ್ತ ಮಾರುಕಟ್ಟೆಯಲ್ಲಿ ಸುಮಾರು 54.51 ಕೋಟಿ ಮೌಲ್ಯದ 14.93 ಲಕ್ಷ ಷೇರುಗಳನ್ನು ಕಳೆದ ವಾರ ಖರೀದಿಸಿದ್ದ ಭಾರ್ತಿ ಏರ್ ಟೆಲ್ ಮತ್ತೆ ಷೇರುಗಳ ಖರೀದಿಗೆ ಮುಂದಾಗಿದೆ.

ಸಂಸ್ಥೆ ಇಬ್ಬರು ಹಿರಿಯ ಅಧಿಕಾರಿಗಳು ಸುಮಾರು 4.60 ಕೋಟಿ ಮೌಲ್ಯದ 1.15 ಲಕ್ಷ ಷೇರುಗಳನ್ನು ಮುಕ್ತ ಮಾರುಕಟ್ಟೆಯಲ್ಲಿ ಮಾರಾಟಕ್ಕೆ ಬಿಟ್ಟಿದ್ದರು. ಕಳೆದ ಸೆಪ್ಟೆಂಬರ್ ತ್ರೈಮಾಸಿಕದ ಪ್ರಕಾರ ಭಾರ್ತಿ ಏರ್ ಟೆಲ್ ನಲ್ಲಿ ಶೇ. 45.54 ರಷ್ಟು ಪಾಲನ್ನು ಭಾರ್ತಿ ಟೆಲಿಕಾಂ ಹೊಂದಿದೆ. ಈ ಷೇರುಗಳ ಖರೀದಿಯ ರಹಸ್ಯ ಕಂಪನಿ ಮೇಲಿನ ಹಿಡಿತ ಪಡೆಯಲು ಕೈಗೊಂಡ ಕ್ರಮ ಎಂದು ನಂಬಲಾಗಿದೆ.

English summary

Bharti Telecom, India's largest cellular service provider raised its stake in the company with the purchase of six lakh shares of the company worth Rs 22.71 crore through open market transactions, the company informed in a disclosure to BSE.