ಜೈಲಲ್ಲಿ ಅಂಬೇಡ್ಕರ್ ಚರಿತ್ರೆ ಓದುತ್ತಿರುವ ಯಡ್ಡಿ

ಬೆಂಗಳೂರು, ಅ.19: ವಿಕ್ಟೋರಿಯಾ ಆಸ್ಪತ್ರೆಯಿಂದ ಪರಪ್ಪನ ಅಗ್ರಹಾರ ಜೈಲಿಗೆ ಶಿಫ್ಟ್ ಆದ ಮೇಲೆ ಮೌನಿಯಾಗಿರುವ ಮಾಜಿ ಮುಖ್ಯಮಂತ್ರಿ ಅವರಿಗೆ ಸೂಕ್ತ ಚಿಕಿತ್ಸೆ ನಂತರ ಪ್ರತ್ಯೇಕ ಕೊಠಡಿಗೆ ವರ್ಗಾಯಿಸಲಾಗಿದೆ.

ಸೆಂಟ್ರಲ್ ಜೈಲಿನ ಮೊದಲ ಮಹಡಿಯಲ್ಲಿರುವ ಕೊಠಡಿ ಸಂಖ್ಯೆ 5 ರಲ್ಲಿ ಸದ್ಯಕ್ಕೆ ಯಡಿಯೂರಪ್ಪ ಅವರು ವಾಸ್ತವ್ಯ ಹೂಡಿದ್ದಾರೆ.

ಜೈಲಿನ ಗ್ರಂಥಾಲಯದಿಂದ ಸುಮಾರು 10 ಪುಸ್ತಕಗಳನ್ನು ಪಡೆದಿದ್ದಾರೆ. 10/15 ವಿಸ್ತೀರ್ಣದ ಕೊಠಡಿಯಲ್ಲಿ ಶೌಚಾಲಯ, ಹಾಸಿಗೆ ದಿಂಬು ಎಲ್ಲವೂ ಇದೆ.

'ಡು ನಾಟ್ ಡಿಸ್ಟರ್ಬ್ ಮೀ': ನಾನು ನಾಳೆಯವರೆಗೂ ಯಾರನ್ನು ಭೇಟಿ ಮಾಡುವುದಿಲ್ಲ 'ಡು ನಾಟ್ ಡಿಸ್ಟರ್ಬ್ ಮೀ' ಎಂದು ಯಡಿಯೂರಪ್ಪ ಅವರು ಜೈಲಾಧಿಕಾರಿಗಳಿಗೆ ಹೇಳಿದ್ದಾರೆ.

ಹೀಗಾಗಿ ಯಡಿಯೂರಪ್ಪ ಅವರನ್ನು ನೋಡಲು ಬಂದಿದ್ದ ರೇಣುಕಾಚಾರ್ಯ ಹಾಗೂ ಪ್ರಭಾಕರ್ ಕೋರೆ ಅವರನ್ನು ಜೈಲಿನ ಅಧಿಕಾರಿಗಳು ಒಳಗೆ ಬಿಡಲಿಲ್ಲ.

ಮೊದಲಿಗೆ ಅಂಬೇಡ್ಕರ್ ಜೀವನ ಚರಿತ್ರೆ ಪುಸ್ತಕ ಕೈಗೆತ್ತಿಕೊಟ್ಟ ಯಡಿಯೂರಪ್ಪ ಒಂದು ನಿಮಿಷ ಕಣ್ಮುಚ್ಚಿ ನಂತರ ಪುಸ್ತಕವನ್ನು ಮನಸ್ಸಿನಲ್ಲೇ ಓದುತ್ತಿದ್ದಾರಂತೆ. ಉಳಿದಂತೆ ಯಾವ ಪುಸ್ತಕಗಳನ್ನು ಪಡೆದಿದ್ದಾರೆ ಎಂಬ ಮಾಹಿತಿಯಿಲ್ಲ.

English summary

Jailbird BS Yeddyurappa has been shifted from Parappana Agrahara hospital to room no 5 in the first floor of Central Jail. Former CM BSY has not shown interest in meeting his aide Renukacharya and busy in reading books.